وللغزل مجال

[راعي الكور1]

زوع قلبي من ضلوعي زوعة اللي
حر اشقر مع بكور الوسم صايد
اقتفاه الريح والطير امتعلي
طير شيخٍ من وسيعين البنايد
مطلبن خربن شرودٍ مايذلي
مع غروب الشمس مدمي الصوايد
وانقطع منه الرجا والليل حلي
في عدامٍ علته سحبٍ جدايد
بات صقاره على جمرٍيملي
والضحى يدعيه في روس القعايد
كن حالي مثل حاله لوفطنلي
كل منا ذايقٍ حر الفقايد
من فقدت اللي هدب عينه مظلي
ماغضت عيني على زين الوسايد
المنام اليا بغيته ماحصلي
من سبب فرقاك يازاهي القلايد
صورة لك لازمتني مثل ظلي
في خيالي تلهب احساس القصايد
يالعذارى مابكن من مثل خلي
توجنه فوقكن يالبيض قايد
قايد خشوف المها دقٍ وجلي
من ظهر في جيلكن رحتن زهايد
واسجدله مثل من يسجد يصلي ( ضرورة شعرية ولم يقصدها الشاعر )
يوسفي الحسن في وصفه زوايد
اشهد انه تلني بالود تلي
مثل ماتل الهوى خضر الجرايد
ياقمر خمسة عشر ليتك تطلي
طلتك فيها لخلانك فوايد
فرحتي بك لو تجيني في محلي
فرحة اللي عقب طول غياب عايد
شوفتك بالعين ياعيني تسلي
ياعيون اللي من الصقار حايد
والجديل اللي على الردف متدلي
ذيل مهرة مروي رهاف الحدايد
والنهد فنجال صينٍ مستقلي
لك وصوفٍ يابعد عمري فرايد
الوعد يامدمج السيقان زلي
كم على لوماك كثرت الوجايد
لاتسمع في العرب يالصاحب اللي
عندي اغلى من نظر عيني وزايد
حالفٍ منساك دامك صافيلي
دام به ناسٍ على دين وعقايد

الشلعر /سعد عويد المجمعي

[جزل العطايا]

الله لا يهينك ياراعي الكورا ولاكنت لا يجوز مثل هذا الكلام الذي قاله الشاعر الكبير سعد بن عويد

وتقبل فائق احترامي

[مخــاوي الليل]

مهما كانت الضروره الشعريه لا يحق له القول نهائياً

[صـــــــــــرام]

صح لسان الشاعر وسلمت على النقل المميز

وتقبــل مروري اخـــوك/ صـــــرام

[النداويـ]

مشكور ولاهنت

[سمح آلمحيآ]

صح السان ابن عويد

الاعمال بالنيات ولحد يحكم على النيات



براعه شعريه وياليتني امتلك ربع مايملكه أبن عويد ,, بيض الله وجهه


علم شعر قوي وانا من المتابعين له

يالعذارى مابكن من مثل خلي
توجنه فوقكن يالبيض قايد

سلاااااااام

قايد خشوف المها دقٍ وجلي
من ظهر في جيلكن رحتن زهايد

كلااااام

واسجدله مثل من يسجد يصلي
يوسفي الحسن في وصفه زوايد

الله اكبر أبداع

( ضرورة شعرية ولم يقصدها الشاعر ) << مايحتاج نفدا خشمك تبرر


اشهد انه تلني بالود تلي
مثل ماتل الهوى خضر الجرايد

ااااااااالله


وبعد يقولون مايجوز ؟؟

الحمدالله والشكر