البارحه عيني جـزت لـذة النـوم = والليـل جّـلاب الهمـوم الثقيلـه

[جزل العطايا]

البارحه عيني جـزت لـذة النـوم
والليـل جّـلاب الهمـوم الثقيلـه

ابحر مع الهاجوس وغوص وعـوم
وسج وابعـد فـي بحـور طويلـه

صكات بقعا تطعن الرجـل بسهـوم
وطعونها وسط الضلـوع النحيلـه

امشي دروب التيه واطيـح واقـوم
كنّي على جمر الغضـى والمليلـه

لا وا وجودي وجد من ساقه القـوم
محكـوم بالاعـدام ظلـم وحيلـه

يصيح بعلى الصوت (ياناس) مظلوم
الحكـم صـادر والمنايـا تخيلـه

حسبي عليه الوقت سوابـي علـوم
لاهوب صاف(ن) لي ولالي بديلـه

دنيا دنيـه كسبهـا اليـوم معلـوم
نطرد وراهـا والاراضـي محيلـه

ياقلب لاتحزن ترى الرزق مقسـوم
وترى الغني ياقلب كسب الجميلـه

المكسب اللي طاع ربه على الـدوم
صلّى الفرايض والمصاحف دليلـه

المال يفنـى والعمـر كنّـه حلـوم
ولو طالـت الأيـام تبقـى قليلـه

وين الخوي اللي يشـاركّ الهمـوم
واليا حصل مكـروه همّـك يشيلـه

ناس تبيعك برخص المال وتسـوم
خوّة طمع ونفـوس عميـا بخيلـه

ياما فعلنا الطيب في نـاسً رخـوم
ماتقدر الوقفات لـو هـي جزيلـه

[أبونواف{الثوري}]

.









الله , الله , الله ,



http://www.w6w.net/album/35/w6w200504230221432b611b37.gif



صح لسااااااااااااان الشاعر المجهول ولسااااااانك يا جزل العطايا قصيدة جزلة ورائعة من شاعر جزل ورائع http://www.w6w.net/album/35/w6w20050421015812cf1974d0.gif على نقل هذه القصيدة الجميلة وبيض الله وجهك يا ذيباااااان







http://www.w6w.net/album/35/w6w2005042100215073c0551e.gif وتقديري لك ولجميع الإخوااااااااان


.

[مشعاب]

ما قصرت يا جزل العطايا


على اسمك ما شاء الله عليك

[جزل العطايا]

لاهنت يالربع على المرور الطيب الذي اتحفني

[المزيني]

اخوي الغالي جزل العطايا
اعجبتني هذه القصيده نعم
صح لسان شاعرها
ولك اجمل تحياتي واعجابي

[حمد ع ح]

مشكور وما قصرت ولا هنت