*&*&*&*قنبلة المنتدى*&*&*&* $$اصعب لغز $$ واللي يحله له اللي يبي

[ناصر المديري]

يا جماعه هذا لغز صعب جدا وانا سمعته من شاعر محاوره وهو مايحله الا شاعر.. ولا مشنص!!:eek:





واللغز :

اربـــع بــنــات صـــرانــيـــخ ()()()() وازواجــهـــن أربـــع وعـشـــريــن صرنــــاخ

ولا يعـــــرسـن الا بكـــمــخ وتــكـــامــيــخ()()()() واللـي يجــبــرهــن علــى العــرس كمـــــاخ ..



واللي يحله يطلب مني اللي يبيه وانا حاضر ورقبتي سداده:002:


وعلى فكره لكم اسبوع من ذلحين واليوم الأحد ولكم لأحد الجاي 9/4

نتمنى لكم التوفيق

[ابن بداح]

هههههههههههههههههه

هذا تحدى كبير جداً

وينكم ياهل الغلباء الرجال يتحدى


انا بفكررررررر وارجع


..

[ناصر المديري]

خذ وقتك يا بن بداح ومرحبا بك ..

يالله ياهل الغلبا

[خالد الشماسي]

مرحبا


وش رايك في كفرات الجمس


الكفر أربع

المسامير 8

المجموع 24 زوج

واللي يركبهن صاحبنا مشعاب لأنه يحب الكمخ :)



لغز + تحليل والتوافيق على الله

[ناصر المديري]

مالك لوا يابوعمر .. ماهي كفرات الجمس ..

وعلى فكره مجموعهم 32 مو 24

محاولة جيدة حاول مرة أخرى

[خالد الشماسي]

هههههههههههه صدقت :)


بس هذي نتايج العجله


يا شين الطفاقه

[سعود الصندلي]

مكينة السيارة
البلوف والبساتم

[وافي السبـيعي]

السبيعي

انا ماعندي حل لكن اعتقد بان الصرانئخ قريبه من الطائره

لان فيه هناك اربع محركات و24 دافع قوت المحركات


ويش رايك بالقافيه

[ناصر المديري]

أبو عمر يسلم راسك وحنا ما حطينا هاللغز الا نستانس به

[ناصر المديري]

سعود مالك لوا ومحاولة جيدة

[ناصر المديري]

وافي السبيعي مالك لوا ومحاولة جيدة ( حاول مرة أخرى )

[ناصر المديري]

ها وين الردود .... باقي من الوقت اربع أيام

[ناصر المديري]

وينكم يا هل الألغاز باقي من الوقت 3 ايام ..

[ناصر المديري]

انتهت مدة اللغز المحددة وطارت الجايزه ووجب طرح حل اللغز ...

أولا أحب أشكر كل من شارك في هذا الموضوع وما قصروا اجاباتهم جيدة ولو انها مهب الحل ..




وحل اللغز هو : (((((حذوة الفرس))))) اشوف بن بداح يلطم خده ويقول ايييه صح

وحذوة الفرس اربع في داخل كل وحدة ست فتحات .. مجموعهم اربع وعشرين ..

ولا يعرسن الا بكمخ وتكاميخ عندما تضرب رجول الفرس كما التكامخ .. واللي يجبرهن على العرس كماخ .. (الفرس )



ويا جماعة ثنكيو وما قصرتوا وبيض الله وجيهكم ..

تحاياي