من قصائد شعراء القبائل في الشيخ / محمد بن ضاري

[المنتبه]

بسم الله الرحمن الرحيم
أيها الأخوه
السلام عليكم ورحمة الله وبركاته ..............وبعد..
من شعراء القبائل المشاهير الذي قصد في الشيخ/ محمد ابن ضاري ابن مشهاب
الفارس والشاعر/ فرج ابن معجب المغيري العطاوي الروقي العتيبي يقول:
************************************************** *******
الياء ركبنا سايجات الحبالي *** بوكورهن ربعن ينوسون الاجناب

اما نصينا عن ولا اوعالي *** ولا تنصينا ديار ابن مشهاب

وليا لقينا دوجها فالمفالي *** وقلط لها الي ضارين وخذ الأوجاب

ركبوهل الالبل فوق مثل السيالي*** والخيل من ضرب المزاريج هراب

تواجهن بالي له اول وتالي *** وتخالفو لسهم وجات ام غصاب

ياما صبرنا تحت شد الرحالي *** وياما تعايينا وزدنا بالاصعاب
مع تحيات/ المنتبه

[محمد بن سلطان]

صح لسان الشاعر ..

ويستاهل المدح الشيخ ابن ضاري ..

لا هنت يالغالي .. وسلمت يمناك يالقرم ..

تقبل تحياتي ،،

اخوك
محمد بن سلطان الثوري

[المنتبه]

ومن قال ما يهان ***
ولا شكر على واااجب ..

أخوك/
المنتبه

[سرحان الحميدي]

مشكور اخوي المنتبه
لاتبخل علينا الله يعافيك

[الحلم القادم]

عطيك العافية أخوي المنتبه على السرد المتميز .

ودمتم بكل الود ................... الحلم القادم

[العاتبي]

سلمت اخوي المنتبه والشيخ محمد ابن ضاري فخر

ولا تقطعنا بما لديك

[ولد رووق]

السلام عليكم وحرمة الله وبركاته ..



اولا ً ارحب بنفسي بين اخواني وبين عيال الرجال اللي طيبهم وافعالهم تشهد لهم ..


اسف على المداخله ولكن ملاحظه صغيره وانشاءالله ماثقل عليكم ..


القصيده هذي ليست مدح في محمد بن ضاري هذي قصيدة جدي وانا من سلالة صاحب القصيده


والقصيده للشاعر معجب بن فرج المغيري العطاوي من قبيلة عتيبه ...



والقصيده بقولها لكم كامله ..





قصيدة الشاعر الفارس معجب بن فرج المغيري العتيبي

وذلك عندما تقدّم به السن وتذكّر ماضيه ...






يالله يـارب ّ ٍ علـيـم ٍ بحـالـي000 ياعالـم ٍ عـدّ المخاليـق بحسـاب
تنظـر بحالـي ياعزيـز الجـلالـي000 ياحامي أركان الحرم من ورا الباب
ياحيسفـي ياصقـر ياماجـرالـي000 محدن حسبلي تالي العمـر بحسـاب
ماكن إلي يـوم ٍ خـلاف التوالـي000 نهار يبس الريق يـوم النّسـم ذاب
إليـا تقوّدنـا بنـات العـوالـي000 بوسوق عيرات ٍ من القفل عصّـاب
إمّـا نصينـا عـن ولاوعـالـي000ولا تنصينا ديـار ابـن مشهـاب
بقفايهـنّـه مانـعـد الليـالـي000وإقبالهن عجلات من خوف الاطلاب
ياما خذينـا الحـق والحـق غالـي0000 وياماعطينا الحق والحـق غصّـاب
ويا مصبرنا تحـت شـد الرحالـي0000 وياما تصيعبنا وزدنـا بالاصعـاب
ياعينـي اللـي للقطـر ماتخالـي000 إليا اختلف عن قطرها كل نصّـاب
ياعنـك ماجـا فعلهـا فالموالـي000 ولا قط دنّت في قرايبها الاسبـاب
الاّ ليـا جانـا النقيلـي يشـالـي000 ثم جا للحـرب موقـد وشبّـاب
ولاّ إلـيـا ماريـعـن العمـالـي000 وجانا البرى مردود من يم الاجناب
يازين مصباحـي وراهـم لحالـي000 بمسلّبن يغدي دم الجـوف صبّـاب
مضرابها سيـر النحـر والكحالـي000 إمّا انثنـى ولا يدعثـر بالاعطـاب
كم مرقما ً بيـن الحريبيـن خالـي000 كلّن يباه وعنه الاجنـاب هيّـاب
ترعـاه قطعـان ٍ عليهـن يلالـي000 المطرقين اللي على جرد الارقـاب
إليـا لقينـا نشـرهـا بالمفـالـي0000 قلطلها اللي ضاري ٍ بأخذ الاوجاب
ولحقوا هل البل فوق مثل السيالـي000 وجونا وجيناهم وجات أم غصّـاب
ولحقوا عليهـن مهمليـن الحبالـي000 والمال زاعنّـه عريبـات الانسـاب
وتواجهـت بمكرميـن السبـالـي000 والخيل من كزّ المغاليـب هـرّاب
نقفـي بهـن وردهنّـه عجـالـي000 يردون حوض الموت ماعنه مجنـاب
سيلوا بني عمـي وسيلـو خوالـي000 ليا يبست القربه وتال النسـم ذاب
إن كـان ماقالـوا يفـك التوالـي000 يقطعك ياهرج ٍ ليا قيـل ماصـاب







والقصيده كما هي في منتديات قبيلة عتيبه

http://www.alotaiby.net/vb/showthread.php?t=4192

وهذا الرابط للتأكيد ...




وشاكر لكم واسف على الاطاله