تسجيل الدخول

مشاهدة النسخة كاملة : المحاوره المميزه

ربح السبيعي
19 - 05 - 2006, 11:31
أحببت ان انقل إليكم المحاوره المتميزه

بين الشاعرين الكبيرين

مفرح بن بداح

و

محمد القويماني

وتجدونها على الرابط التالي

http://www.arabstop.com/vb/showthread.php?t=5652
خالد الشماسي
19 - 05 - 2006, 14:09
سلام الله سلام الود والاحساس والطيبه
على الجمهور كله والتحيه يالقويمانـي
تفضل غن وابن بداح توه جاك باللي به
ولو جزنا من الطاروق الاول نأخذ الثاني

مفرح بن مداح


هلا يامرحبا من شاعر جزلـة تراحيبـه
وهذي من عوايد مكرمين الضيف والعاني
انا ودي ليا غنيـت طارووقـي تغنيبـه
يامال الخير لايشره عليك فلان وفلانـي

محمد القويماني



أشوفك فوق جال العدّ وتصفي مشاريبـه
لكن الوضع توه ما صلح يا طير حوراني
ما يلحقني شكوك و كل طيب يعرف بطيبه
يصح الله لسانك لا فهمت لكلمة لسانـي

مفرح بن مداح



انا راع الشداد وموقفي طيـب واماريبـه
ولافكرت اجنب سلم ابوي وسلم جدانـي
ترا الرجال مايقرب محيط الشك والريبـة
ليامنه سرى يسري مساري الذيب سرحاني

محمد القويماني



كبر حظك وحطيتـك مكـان العـز والهيبـه
لكن عطني جوابـك لا سألتـك لا تناسانـي
تبي تأخذ مع الموضوع تشريقـه وتغريبـه
ولا ترميه تحت الشمس من شانك ومن شاني


مفرح بن بداح



كلام الزور والبهتان خله لاتجينـي بـه
انا قدام اعرفك رايتي في كـل ميدانـي
احد مرتاح فاالدنيا واحد في شر ومصيبة
ترا سوق الخسارة من تسوق فيه خسراني


محمد القويماني


صحيح ان الجمل مهما عمل عوجٍ عراقيبه
تحمل يا جمل زوماني شيل الحمل من داني
يا عضاض النواجد عضها والسن تركيبه
لون الموت طيب كان ما سموه عزرانـي

مفرح بن بداح




يعيش الآمـي ويمـوت ماحقـق مطاليبـه
صلاة الله على الهادي محمد نسل عدنانـي
مفرح حالته حاله ولاادري ويـش اسويبـه
كلامه مادخل مخي ولا اقنعني ولا ارضاني

محمد القويماني



عيونك حمر من كثر الزعل والغيض تغلي به
من رجال الشجاعه مير ما تقـدر تحدانـي
ألا واشيب راسك لو تفكّـر فيـه وا شيبـه
ومن لا يعترف به ف. زعله ورضاه مجاني


مفرح بن بداح


انا ماحـب رجـال قريبـات محاضيبـه
اعلمه السنع واقـول يالغلطـان غلطانـي
كثير الناس حول النار ويحرك مشاهيبـه
عسى الله يخذل الظالم ويخزي كل شيطاني

محمد القويماني





فعلا محاورة رااااااااائعة جداً

وفعلا شعار كبار لهم كلمتهم في الشعر والمحاورة


لا هنت يا ربح على إخبارنا بهذه الأمسية الجميلة
دسمان بن مشلهب
19 - 05 - 2006, 14:34
شعراء كبار

ومحاوره جميله

بين ابن بداح والقويماني

شكرااا لكم على النقل ............

تحياتي
مصلح ربح
19 - 05 - 2006, 18:11
فعلاً محاوره متميزه
شكراً يا ربح على نقلها
ربح السبيعي
20 - 05 - 2006, 13:17
أبوعمر لاهنت على كتابة المحاوره لاعدمناك يالقرم


العاقل شكرا على التعليق الطيب


أبوصامل هلابك أشكرك على التعليق الطيب
ابن بداح
26 - 05 - 2006, 14:18
الشاعر \ ربح بن خالد السبيعي

تسلم


اشكرك على المتابعه الجيده والاختيار الموفق


نقلت هذه المحاورة هنا في منتدى القبيله وابناء العم..


انا والزميل محمد ملك لهذه لقبيله العزيزه ويشرفنا متابعتهم لنا



الف شكر اخي ابو خالد..


والشكر موصولاً لرئيس منتديات سبيع الغلباء أبوعمر على الترحيب
والمساهمه كما عودنا دائماً لا عدمناه

كما أشكر الشاعر : مصلح بن ربح على المرور والتعليق

وجميييييييييع من مر وشارك في هذا الموضوع

وأبلغكـــــــــــــــم تحيات أخوكم : محمد القويماني



والسلام ..





,



,,
برق الشمال
13 - 06 - 2006, 13:23
بعد التحيه والتقدير لكل من قراء هذا السؤل00= سوال من قلبن صادق يحب اللاطلاع
موجه لبو عمر العزيز0
س= من اميز شاعرين في قبيلتكم العزيزه قبيلة سبيع ومن اي فخذ من قبيلة سبيع العيزيزه لو تكرمت باء جابتنا0 اقصد شعراء القلطه0 غير الشاعر محمد القويماني حيث انه مشهور عندنا بشمال 0 تقبل فايق احترامي 0> بر ق الشمال
وسلم وسلمني علئ من عرفني -00- جاوب سوالي ياكثير المعرفه