الفارس سعد بن عبدالله السودة

[العاتبي]

سير محمد بن مسفر ابن ربيعه على عبدالله بن سعد وقاله يابو سعد كلم سعد كانه بيغزي هذي الايام تراني ابي خوته وقام عبدالله وعلم سعد بطلب محمد بن مسفر بن ربيعه وقال ابشر ومرحبابه وكان سعد بن عبدالله ميأخذ دايم معه الا القحير فقال للقحير استرح لين نعود انا ومحمد فتوجهوا يم الوادي يبون الدواسر ولم يجدوهم وتعدو الوادي وقامو يسبرون ورأوا قوم قادمين من جهة الجنوب غزوا على اربعين منضيه فنهزموا ولحقوهم القوم فكان يناديهم واحد ويقول والله ماتسيرون ياالحضر فندب سعد ابن عبدالله خويه وقال ابشر والله اني معك ولا تسير الا بك فنزل ومد بندقه ورمى الي يحلف عليهم وصوب الثاني ونهزموا
وتمثل سعد ابن عبدالله بأبيات تصف ماحصل وفعل محمد ابن ربيعه

يامحمد هاضني رجم(ن) بديته = من ورىالوادي ودون وعيفراتي
يوم نادانا الجنوبي مابغيته = انهزمنا فوق مرجاعآ فتاتي
قال والله ما تسيرون وعصيته = دام الاربع من غصينه سالماتي
نعم ابو مسفر ساعة نخيته = يوم شاف الهجن جنا غايراتي

[الحميدي السويدي]

العـــاتـبــــي بيض الله على طرح هذه القصة للفارس المشهور
سعد بن عبدالله السودة والفارس المشهور ابن ربيعة آل محمد
رحمهم الله جميعاً ولاهنت وتقبل تحياتي أخوك ابن بلعووووس

[العـــــــــارض]

رحم الله الفارس سعد عبدالله السويدي

وابن ربيعه المحمدي

وبيض الله وجهك واتمنى منك الاستمرار في سرد مالديك من قصائد وقصص .

[ناصر المديري]

والله ونعم بالسودة فرسان مهب سهلين واهل تاريخ عريق ومشهور ..

تحياتي

[ابن عفتان]

الاخ الغالي العاتبي لهنت علي الطرح المميز وبيض الله وجهك

بس لفت انتباهي الخوي الذي دائما يروح مع سعد

من هو الحقير

اخوك ابن فليح

[ابو بكر الرازي]

ونعم بالفارس السويدي
تحياتي

[سعد المحمدي]

بارك الله فيك يالعاتبي علي ايراد القصة والقصيده وسعد بن عبدالله ومحمد ابن ربيعة كانوا كالاخوه رحمهم الله جميعا ولهم قصص فكاهية ومقالب تدل علي محبتهم صداقتهم وعند الضيق ما يتخلون عن بعضهم

[المحترف كوم]

بيض الله وجهك على هالقصة
ونعم بالسودة وكل قبايل سبيع....................
ونعم بالقبايل كالها.............

[المنتبه]

أخوي /

العاتبي،،،،،،،،،،،،أشكرك على اهتمامك بتاريخ الآباء والاجداد لقبيلتك سبيع عامة

والسودة ومن يشارك معهم حتى ولومن الاجناب يجب ذكره فهذه امانة يسأل عنها الانسان

أمام ربه عز وجل وفارسنا سعد بن عبدالله له من القصص الكثير وهو من اشهر فرسان

قبيلة سبيع كذلك ابن عمه محمد بن ربيعة له شهرة عالية بدون قصور في فرسان القبيلة.

فهذه القصة والقصيدة موجودة بالمنتدى هذا واستأذنك أن اجيب على سؤال ابن فليح

عن/ من هو الفارس القحير ؟؟

هو الفارس والشاعر/ القحير بن ضري المراغين الزكور سبيع وكل طيلت حياته هو

واباه واجداده مع السودة وخاصة آل عبدالله وسوف نورد عنه ان شاء الله قصة وقصائد

له.

هذا واشكرك على سعة صدري،، يالعاتبي ،،

المنتبه