يالله انــك لاتعود العسكريــة

[الرمـــح]

قصيــــــــدة جميـــلة ,,,

اتمــــــــــــنى ان تنــال إعجـــابكم ,,,


للشـــاعر / عواض بن ضيف الله الشـــلوي



يالله انك لاتعود العسكريه
النصيب اللي على البدله حداني
لبسوني لبسة ٍ ماهيب ليه
درعوني باللبوس المشبهاني
دربونا مثل تدريب المطيه
والصعب منا يعود مطوعاني
يالله انك لاتحملنا زريه
حيث حنا للمعاصي مانداني
ياوجودي وجد حمر ٍ عيدهيه
ساقط ٍ فيها الحقب ويا البطاني
فوقها قرم ٍ ببا كور ٍ قويه
من ورى العارض يبي دار شهراني
قطر القربه وقدمه قيهميه
مع زوال الظهر يوم الشوف داني
هسها العرقوب والديره رديه
لين دم الجوف بالذرعان حاني
او وجودي وجد عرب ٍ فوق طيه
في لهيب القيظ معطيت ٍ ثماني
هملن عيالهن بارض ٍ خليه
واصبحن اعيالهنه ذيهباني
يوم جن البير لياهي جاهليه
ما عليها لا ورود ولا محاني
بركن بالشمس تصهرهن شويه
كل منهن كنها الخرص الهلالي
لو بغيت ادله طرى الطاري عليه
واستحس القلب والهاجوس جاني
يوم اشوف الدين مرتجدا ً عليه
والظهر عريان والجوع يحداني
طالبك رزق ٍ تحطه في يد يه
ماعلى بابه شريف ولا هداني


الرمـــح

[الرمـــح]

برد على نفســـي


مشكووور يالرمـــح ,, ولاهنــــــــت يالغــالي

[الزناجه]

حلوه يالرمح
اركد ياخوك ترا العجله ماهيب زينه
او بيض الله وجهك والله لا يهينك
او صح السانك والسان قايلها
والله اني ادور عنها كامله وانت جبتها لاعدمناك

[أبن ظمنه 1]

بيض الله وجهك وجه قايلها


عز الله انه صدق

[الرمـــح]

مشكووووورين على المرور العطـــر



ولاهنــــــتٌ جميعـــاًَ

[فهد ابو نايف]

هذه إحدى الزميلات ترد على صاحب القصيدة التي أنتشرت عبر أثير الجوالات

(يالله إنك لا تعود العسكريه ... والزمان اللي على البدله حداني)









وهذه مقطوعتها


8


8






وسِّـع الملعـب لقـاف الشمريـه
وسّعه للحـق أنـا بطْلِـق عنانـي
خلني لا تْحِـط قيـدك فـي يديَّـه
ولَّعَـتْ ألفـاظ شعـري و المعانـي
جمـرةٍ كتمانهـا صعـبٍ علـيّـه
كل شاعر لا كِتـم شعـره يعانـي
يشتِعل من شـان يسْتهـدي بضيّـه
كلّ طرقي في دروب الليـل عانـي
هزّنـي شاعـر سمعتَـه فـي عَشيّـه
(عسكريٍ) يشتكـي مـرّ الزمـانِ
قـال (ربـي لا تعـود العسكريـه)
(و الزمان اللي على البدله حدانـي)
قلت أكيد الرجل واقـع فـي بِليّـه
أو مصيبـه صكِّتـه بيـن المحـانـي
قـال وشـو (درّبونـي كالمطيّـه)
و اتِضح مقصود شعـره لـي وِ بـانِ
طار قلبي و أثـري الدعـوى كِذَيَّـه
ما أقول إلا يـا دانـه دانـي دانـي
استلمها جَتْك نِصـح اخـتٍ لِخيَّـه
ولا أبي من وقتـك إلا لـي ثوانـي
قُمْ وِ صلي و اردع النفـس الشِقيّـه
و احمد اللي يرتجيـه إنـسٍ و جـانِ
الله اللي مـدّ لـك رزق و عطيّـه
حـرِّك بحمـده يدينـك و اللسـانِ
كان شغل (العسكري) متعب شِويَّـه
قبلك اللي من التعب عـضّ البنـانِ
الرجـال اللـي يخوضـون المنـيّـه
كلّ صعـبٍ يَحْمِلُـون إلا الهـوانِ
إسأل الصحرا وِ صمـت المهمهيّـه
عن فعايلهـم وِخِـذْ منهـا البيـانِ
كيف شقّوا بالصخر مجـرى وِ مَيّـه
كيف عاشـوا مِـعْ ذيابتهـا بأمـانِ
صادقوا في مشْيُهـم شمسـه وِ فَيّـه
وِ عْقِدوا مَعْ بـرّده و قيظـه رهـانِ
كلّ من له نفـس صبَّـاره و حَيَّـه
بإذن ربـي يقطـف ورود الأمانـي
لا تِشَكّى ... أشهـد إن العسكريـه
غِصن رزقٍ وارفٍ رطْـبٍ وِ دانـي
كَمِّ بيتٍ من وراهـا شـبِّ ضيِّـه
يغْرِفـون اللحـم دايـم بالصوانـي
و كم راسـب بالفصـول المدرسيّـه
ما لقى فـي غيرهـا رزق و مكـانِ
(جندي) و راتِبْه خمسُ وكـم ميّـه
نعمـةٍ مـا يجحـده غيـر الجبـانِ
اضربوا (للعسكـري) أحـلا تحيّـه
لَوْ هُ (جندي) أشهد إنـه راعِ شـانِ
حَيِّ (عَينه) لا غَفـتْ عيـن البريّـه
أسْهَرَه لجل الوطـن حـبّ و تفانـي
اللي لا صِحْنا رمى (روحـه) هديّـه
يوم غيره مـن غـلا روحـه أنانـي
لا تلومونـي بـحـب العسكـريـه
لو أغنـي دَهْـر حُبـه مـا كِفانـي
خيرهـا طَـوّق بَعَـد ربـي يِديّـه
رزق (ابوي) وْ شِغل (اخوي) بهالزمانِ
و أنـا بنـتٍ لا جحـود ولا غبيـه
و احمد اللي بالرضـا دايـم كسانـي
في ردودي دوم لي ب(النصـح) نِيّـه
لا طلب شهره ولا هـو شـي ثانـي
عِنْد هـذا البيـت وَقَّفـتْ المطيّـه
وِ اكتمل ردي عسى المقصـود بـانِ













ريوف الشمري
الدمام

[هجرس]

اخوي الرمح
وين القصيده ابغاها؟؟؟؟