تسجيل الدخول

مشاهدة النسخة كاملة : جاهل الصقر يشويه

السبع 501
14 - 07 - 2006, 11:15
ياهـيه ياسـيد الغـناديـر ياهـيـه
كنت اعتقد فيك الوفاء والمبادي

واللي نسيتـه وأنـتهى لاتطريه
مافات مات وحـدني منه حادي

ياناعـم الخـديـن مانـنخـدع ليه
وانا ضحيـة نيـتـي واعـتقـادي

ياما وياما مـن نـحـْبـه ونغـليه
والخـاتـمة ميّـل علي الـشـدادي

أحـدٍ دعسلي بالعـسل سم بيـديه
وأحـدٍ رماني بالخلا وسـط وادي

ومن تلدغ الافعى يطالع مواطيه
يمـشي بهـون ولايطـيع الـمنادي

واللي غشيمٍ بأشقرالريش يشويه
قـالـوه قبـلـي يالسـفـيه العـنادي

ولعبٍ على الحبلين ماني براعيه
وأكره من الالوان لـون الرمادي

واليوم هذا العـلم وانتي سمعـتيه
مابين خوف وبين قـلـبٍ يـقـادي

اما سكـت وخـاطـري فيه مافـيه
وإلا وقـعـت ولاتـقـولـون عـادي

ـــــــــ م ـــــــ السبع501 ــــــــــــ
عالي مقامه
14 - 07 - 2006, 14:04
الاخ السبع زي ماقلت انك مابدع والله وماتسد وقصيده اكثر من رائعه
السبع 501
14 - 07 - 2006, 14:40
الاخ عالي مقامه الله يعطيك العافيه على المرور

والاشاده وعندي طلب بسيط ياليت توضح لي

معنى كلمة والله وماتسد فربما لم افهم القصد

عالعموم تقبل تحياتي وبأنتظارالتوضيح لاهنت
أبو يزيد
14 - 07 - 2006, 20:42
الرائــــــ السبع501ـــــــــــــــع

دام لنا هذا الهطــــــــــــــــول العذب

ودام لنا هذا الرحيـــــق المختــــــــوم

اسعدني المـــــــــرور . وتحياتــــــــــي
عيسى السبيعي
14 - 07 - 2006, 23:39
الاخ السبع 501
صح لسانك يالغالي على هذه الرائعه
الجميله اللتي تنبع من خافق مرهف
تحياتي يالغالي والف شكر على طرحها
السبع 501
15 - 07 - 2006, 08:21
الاخ ابو يزيد والاخ الواسطه دمتم ذخراً

والله يعطيكم العافيه بهذه الاشاده والاطراء

حملتوني مسؤلية أكبر لمضاعفة الجهد وهذا

وعد مني للجميع تقبلوا تحياتي مع الف شكر
عالي مقامه
15 - 07 - 2006, 14:30
وماتسد ياعزيزي تعني وماتكفي
وافي السبـيعي
15 - 07 - 2006, 16:00
السبع 501

اكثر من رائعه

تحياتي لك
السبع 501
16 - 07 - 2006, 02:04
الاخ عالي مقامه يعطيك العافيه ع التوضيح

الاخ وافي السبيعي الف شكر على الرد والاشاده

تقبل صادق تحياتي ولاهنت ياوافي