رد : قصة وقصيدة أهل العشر المردّف
 

[align=center]بسم الله الرحمن الرحيم
والصلاة والسلام على سيدنا محمد وعلى اله وصحبه اجمعين وبعد :

اولا / اطلعت على كلام هذا المنحط والمسمي نفسه شعيب الرمحيه والله العالم بانه ماله الا الاسم ولا يعرق في الرمحيه واهلها .

ثانيآ / انت منو حتى تحاول تنقص في حق عائلتي اشكره تخسى توصل مواصيلهم وهذا يدل على ضعف العقليه لديك وانك حاقد وسفيه وجبان .

ثالثا / ال خيوط من اقدم شيوخ سبيع وهم ساس اماره غصب عنك وعن من خلفوك وايضا شرفت قبيلة سبيع في العصور القديمه والتاريخ يشهد لهم على ذلك وعراف سبيع - وما ودي امدح نفسي او المع نفسي الناس هي اللي تحكي ( افعل يابو زيد والناس تكفيك ) .

رابعآ / بن خيوط قاد بني عمر عن بكرة ابيها والتاريخ يشهدله بذلك وكل شي محفوظ - وبن خيوط له الرايه وليس حملها فهمت معنى هذا الكلام اوضحلك الدليل ان اللى له الرايه هو الامير وهو الشيخ وهو العقيد وهو راع الشداد وان ساسه اماره - حنا اصل وغيرنا فرع وحنا راس وغيرنا ؟؟؟؟ امثالك .التاريخ هو اللى يشهد بذلك .

خامسآ / منو انت حتى تحط راسك براسي واذا في راسك شجاعه اظهر باسمك الحقيقي مثلي ولكن الظاهر انك جبان بن جبان وراح نشوف .

سادسآ / شيوخ سبيع وفريس سبيع وحمايل سبيع وحاظرة سبيع سواء الحداريه او ربعنا اللى فوق ما يمر طاري عائلة ال خيوط الا ويذكرونها بالنعم لانهم ما يبخسون افعال الرجال ودورهم في القبيله .

سابعآ / الواجب ما ارد عليك لانك سفيه واترفع عن امثالك لان مقامي ارفع من مقامك واذا هذا الكلام ما هو صحيح اظهر باسمك الحقيقي وتشوف - ولكن اجبرتني الظروف حتى اوضح للمشاهدين من سبيع وغيرهم باننا في عائلة ال خيوط اذا حصل خلاف او اختلاف نظهر بالاسم الحقيقي وغيرنا يعجز عن ذلك حتى نوضح للمشاهد الحقيقه باسماءنا الصحيحه لاننا واثقين من انفسنا وعندنا الشجاعه الكافية لذلك . وعيبآ على اللي يتقي عقب ما بان .

ثامنآ / انا طلعت باسمي الحقيقي لان هذا المنحط غلط ويجب تأديبه - ولا احب ان اكون جبان واتخفى وراء الشاشه مثل هذا المنحط واقوم اغلط على الناس واهايط - مالي شغل في اللي يحط له كل يوم اسم الاهم انك تكون محترم ولا تغلط على الناس وتدي الحق سواء لك او عليك .

تاسعآ / اطلب من الاخوان المشرفين عدم حذف اي كلمه من كلامي لانكم لم تحذفوا من كلام هذا الحاقد اي شي وايضآ غلط علينا باسم مستعار - ولكن الان اذا رد باسم شعيب الرمحيه آمل من الاخوان حجبه لانه متخفي والمتخفي لا يسمحله بسب العوائل في هذا المنتدى - الا في حالة انه طلع باسمه الحقيقي فاسمحوا له وانا في انتظاره .وفي الختام الذيب ما يهمه طقاع النعاج ولا على السحاب من نبح الكلاب وكلامك طلع منه ريح الكراهيه والحقد والخساسه ولا فيه من المصداقيه اي شي .

عاشرآ / بطاقة عمك / عمر بن عبدالله بن فراج بن بداح بن بجران بن خيوط الجمالين السبيعي .[/align]

رد : قصة وقصيدة أهل العشر المردّف
 

الاخ شعيب الرمحية انت تكلمت كلام حتى الجاهل ما يقدر يقوله لان كلامك فيه اغلاط كثيره وانت لست وصي على الناس خل اللى يحط له معرف او عشر معرفات هذا ما يخصك وبعدين انا شاهدت كل الكلام اللى صار في قصة اهل العشر ما فيه غلط عللى احد او سب من احد بالعكس كل الكلام صحيح ومثبت حتى الراوي خيال الغلباء ادلى بدلوه وكذلك جعد الوبر وناس كثيره لها باع في حفظ تاريخ قبيلة سبيع وبدون تسييس الامور او تزويرها ولن نسمح بذلك اطلاقا , على العموم سوف ابدي معك من بداية اهل العشر المردف كيف تقول انهم 12 من الجبور ياالله عطني اسماؤهم حتى اصدقك وعطنى اسماء الصمله الاربعه اللى تقول حتى اصدقك ترا الصدق منجا وقول الحقيقه يرفعك حتى عند ربك , ليه تفسر القصه على كيفك لا وتقول انا من خلقنا الله وحنا نسمع عيب عليك , يا اخي انت مالك شيبان انت ما سمعت من شيبان سبيع انت قاعد تسمع من وين هذا كلام ما يجوز تقوله اسمع هداك الله انا ما احب الغلط على الناس وسلب حقوقهم المعروفه والتاريخ يسجل والناس هم العالمون .
قصة هل العشر المردف ما عليها غبار وشاهدها قصيدتها وهي اثبات حقيقي وهي معروفه تحت قيادة بن خيوط وبن جفيران ولكن امير هل العشر معروف انه بن خيوط حتى الشاعر اللى قصد بن عياف تراه من الجبور وميز بجران بن خيوط حيث خصه بثلاث بيوت لوحده الا يكفي هذا , وشطره عن الباقين لفعله المشهود والبيت الرابع ذكر معه اخوه بداح والشاعر ذكر تسعه وهو العاشر من عشرين في القصيده منهم ال خيوط اثنين وال جفيران اثنين وعلي وبن نوبان هاجد وعبيد بن دواس والوائلي ناصر وولد الكبودي عامر والشاعر سعد بن عياف , هولاء عشره عرفو من القصيده وين العشره الباقين ما عرفوا لاكن انا اعرف لانهم تكلمو مع بن عياف وسألوه ليش ما ذكرتنا في القصيده وعلمهم السبب واقتنعوا الله يرحمهم جميعا .
الامور يا اخي ما تجي بالتمني او على كيف الاهواء او التشكيك بافعال الرجال لان الناس بتقولك وقف هذا ما هو صحيح وراح يقنعونك بالشواهد والاثباتات ( الساكت عن الحق شيطان اخرس ) .
الرايه صحيحه هي لبن خيوط وهذي دلاله على الزعامه والقوه وليس حملها فقط حسب هواك , وبصراحه انا اشك انك من خارج القبيلة او انك من عائله دخيله على سبيع لان ودك تشربك ابناء العم ببعضهم بكلام ماله مصداقية ابد .
اسمع هداك الله ال خيوط قد شاخو في سبيع والجمالين غصب عنك وعني انا شخصيا لاني ادي الحق خذوها بالشجاعه والغزاوي والفزعات لبني عمهم واذا انك على بالك بتشربك الامور وتدخل عساف ابوثنين ترا ابوثنين يرجع في بن خيوط يعني الشيخه منهم وفيهم ما تقدر تفرقهم مثل ما ترغب او يرغبون اكثر الناس وهذا صحيح , والغميض بن عمهم وياليت تعطيني دوره في قبيلة سبيع حتى افتخر به وكذلك بابن محيسن اول مره اسمعه في حياتي وياليت تعطينى دوره في قبيلة سبيع حتى افتخر فيه , ياشعيب الرمحيه الامور ما تجي على الكيف والضحك على الناس والاستخفاف بهم والكذب والبهتان والتزوير ما يجوز ولا يحبه لا الله ولا رسوله وسوف تأثم على كلامك هذا .
بصراحه انا احب ال خيوط لانهم رجال ويحترمون الناس ولا لهم مشاكل عندنا لحد هذا اليوم ويحبونهم شيبانا لهذا كتبت ودافعت ووضحت عن ما اعرفه من امور تخص القبيلة وحز في نفسي هذا الغلط المتعمد من اخينا شعيب الرمحيه الله يهديه.
كنت اتمنى لو ان الاخ عمر بن خيوط ترفع عن مثل تلك الامور التافهه وهو اكبر من ذلك ولا يلحقه شك في عائلته .

هذا ولكل رجل صادق مع نفسه ومع الناس خالص التقدير والاحترام .

رد : قصة وقصيدة أهل العشر المردّف
 

[size=4]يا ال خيوط والله العظيم انكم فوق قمة طويق والرعو اللى حكى منغبن ما يهمنا وهذا يعتبر نكره وبيض الله وجهك ياالخال عمر على مردك الوافي والصحيح ويستحق اكثر لاكن احتراما للقراء بتريث في ردي عليه .

لي كذا يوم وانا اقلب في هذا المنتدى ابي احصل على كلام يزعل او ال خيوط لهم طرف فيه والله ما حصلت اي شي ولا لقيت لهم مهايط حسب كلامه بالعكس لقيت اللى يهايطون غير ال خيوط وفي هذا المنتدى وغيره واذا بيهايطون خوالى يحقلهم - ولكن المشكله ان فيه ناس ودها تهايط ولكن ما تقدر تدرون ليش لان ما عندها ما تهايط فيه وما لها حيله اللى التنقيص في الناس خلف هذا الجهاز , لذلك الموضوع مدبر لاشعال الفتنه بين ابناء العم ولكن هيهات الاذناب تقدر تلعب على الروس .

على العموم سوف احتفظ بردي الان وراح انتظر ولكن تزوير الحقائق لن نسمح بها والضحك على الناس لن نسمحلك فيه والحقيقه واضحه مثل وضوح الشمس .

مشكور يا ذيب العارض ما قصرت بكلامك الوافي واللى فيه روح المصداقيه والحقيقه وشهادة الحق وبيض الله وجهك .

هذا والسلام ختام . [/size]

رد : قصة وقصيدة أهل العشر المردّف
 

[size=7][align=center]جزاكم الله خيرا[/align][/size]

رد : قصة وقصيدة أهل العشر المردّف
 

[color=#8B0000][size=3][align=center]اخواني الكرام من مشرفين او اعضاء او من متصفحي منتدى قبيلة سبيع الغلباء بعد غيبه طويلة ومره ثانيه كل عام وانتم بخير - والحقيقة اعجبتوني وبيض الله وجيهكم في لجم كل حاقد باسم مستعار يحاول تغيير الحقائق وتزويرها ولا ارغب في التوسع في ذلك ولا اعلم ما الفائده المرجوه من هذا كله ؟

وحاب اشارككم في اضافة جديده وهو بيت شعر في الفارس / بداح بن خيوط ولم يكن موجود في القصيده وهذا البيت معروف عند شيبان سبيع الكبار في السن ولا اعلم سر ذلك وايضآ توضيح وتبيين وتعديل بعض الابيات بصيغتها الصحيحية في قصيدة هل العشر المردف على لسان شاعرهم الفارس / سعد بن عياف بن جاسر الله يرحمه التي تخص ال خيوط وذكر فيها الشيخ / بجران واخوه بداح الله يرحمهم جميعا وذلك حسب ما سمعته شخصيآ من كبار السن وهي كالتالي :



خذ بجران من الربع وشطره ***** حرآ بدا في عالي المشراف

حيث ان بجران اليا ضيقوبنا ***** له بندقآ ما خانها الشواف

تفافيقنا تغضي عن الحد والقنا ***** و هو ما تهزهز صامل الميقاف

بداح لامن هد بالسف والقنا ***** جعل لنا دون الطامعين سناف

بداح وبجران صناديد عرصه ***** عيال عمر فعلهم ينشاف



ومع قصيده اخرى في الشيخ بجران بن خيوط للشاعر الفارس / دعيث المنجلي السهلي :

غرنا على البل واخذناها مشافيقي ***** قطعان بدوآ عذي القفر ترعاه

ولحقو هل البل على عوج السماحيقي ***** معهم دويشآ على حمرا محلاه

ولحق المريخي معه ربعآ مطافيقي ***** والجيش عيا وسيع البر يبزاه

ولا لحقت الخيل عجلات التلاحيقي ***** حولهم مثل بجران ً وشرواه

بني عمر حولوا في الموقف الضيقي **** والكل منهم خذا فعله بيمناه





ونختم بقصيده لشاعر آخر يذكر مآثر الشيخ بجران يرحمه الله :

بجران يثني لا غزا الجيش وانكف **** بالسيف من فوق المهار الاصايل

وان حاز له ذود بوسط الجهامه **** يختار من قرع كبار الشمايل

يا ما قطع من قبل الا نكاف فرجه **** وياما كسب عند الملاقا نفايل

وان جاء لهم موقف شهامة ساطي **** ياطيب فعله ما يبيله دلايل


وفي الختام اتمنى ان وفقت في هذه المداخلة وتقبلوا مروري ...[/align][/size][/color]

رد: قصة وقصيدة أهل العشر المردّف
 

[size=5][align=center][QUOTE=دسمان بن مناحي;16729]بيض الله وجيهكم كلكم ومشكورين على كتاباتكم عن بن خيوط وعن من يستحق ان يكنب عنه مثل ابن خيوط وآل خيوط معروفين ويشتهرون دائماً في المعارك مثل العريق وهم اصحاب بداوه قديمه جداً اسمع وأنا صغير من الشيبان اذا بدو يسخرون من بداوة احد قالوا ما بداوته ببداوة آل خيوط هذا الكلام اسمعه من الشيبان وأنا صغير ابو عشر سنوات قبل ما اعرف آل خيوط ولا حتى نصف آل محمد تقبلوا تحيات اخوكم الشاعر / دسمان مناحي بن مشلهب[/QUOTE]

واهني من عارضه راع المطية
= من عرب ضرمان ولا أخوان ساره

إلى رويت فسند وما أجمل قول الشاعر :

وما ضرنا أنا قليل وجارنا
= عزيز وجار الأكثرين ذليل

[/align][/size]

رد: ¬°•| قصة وقصيدة أهل العشر المردّف |•°¬
 

[size=6][align=center]مشكور وما قصرت والله لا يهينك[/align][/size]

رد: ¬°•| قصة وقصيدة أهل العشر المردّف |•°¬
 

بيض الله وجهك اشهد بلله اني تنومست

رد: ¬°•| قصة وقصيدة أهل العشر المردّف |•°¬
 

السلام عليكم اجمعين والصلاة والسلام علي رسول الاميين صلي الله عليه وسلم . الرد علي السفيه المتقي خلف الشاشه وبأسم مستعار ليس من شيم الرجال ولكن لتوضيح امر واضح ومثبت بالقصيد كان لابد لردع السفهاء امثاله ........ وبعدين هذا تاريخنا تاريخ يمثل سبيع جميعها لا زم انتنومس فها لانها ترفع الراس ولاننسي الدعوة لهم بالرحمه اجمعين

رد: ¬°•| قصة وقصيدة أهل العشر المردّف |•°¬
 

الله يعطيك العافيه وبيض الله وجهك لانك شعله من النشاط ودئما تتحفنا بجديدك وهذا تاريخنا يرفع الراس