منتديات سبيع الغلباء - يا ملّ قلبٍ هوى الغربي كشف ما به = داخل حناياه عبدٍ في يدِهْ طبْلة

[size=5][align=center]يـا مـلّ قلـبٍ هــوى الغـربـي كـشـف مـا بـه
= داخـــل حـنـايـاه عـبــدٍ فــــي يــــدِهْ طـبْـلــة

مـا جابـت الـورق مـن زيـن اللحـن جـابـه
= وأكـبــر عـذابــه لـيــا طـــق الـحـيـا وبـلــه

مـن أزرق الريـش عـاف الصـيـد مخـلابـه
= كـبـده لـهـا حـــول سـبــع سـنـيـن منـدبـلـه

عـلــى ولــيــفٍ شــربــت الــســمّ بـعْـذابــه
= وكنّـه علـى القلـب دَرّ الـلـي رعــت ربـلـة

كــنّ الـولـي بــدّ عــن خلـقـه تـوصّـى بـــه
= مـن عـودٍ أزرق وغيـره مـن حصـا عِبْـلـة

مــا قـــد رفـعــت الـيـديـن إلا عـلــى بـابــه
= طـفـلٍ يـحـرّم عـلـى روحــي وأوجّـــبْ لـــه

لــو شـافـه الـلـي تهـجّـد وســـط مـحـرابـه
= صـلّـى أمّ الأربــع ثـــلاث وضـيّــع القِـبـلـة

ولـو شافـه اللـي بنـي عبـسٍ تـعـزوى بــه
= والله فــلا عــاد يـسـأل عــن هــوى عَبـلـة

عـلـيـه راعــــي الـمـعــمّ يـشـقّــق ثـيـابــه
= وش لون أجل مَن عمر عشرين يلعبْ له ؟

مـجــدّلٍ يـــا حـيــاة الــشــر يــــا خـضـابــه
= ينقـض قرونـه علـى زنــدي وأطبـطـبْ لــه

وعـيـنٍ لسلـهـم بـهــا عـــن ألـــف دبّـابــة
= تلـعـب بــالأرواح لـعـب الظـبـي والشَـبـلـة

والجفـن يــا لعنبـوكـم كـيـف مــا آهـابـه ؟
= مــن ذلّ سَـلْـم وحـيـاة الــروح تكـتـبْ لـــه

والرمش لأغضى تشـوف المـوت بأهدابـه
= مـدري لـو الـمـوت ابــن عــمٍّ يـقـاربْ لــه

رمـشٍ علـى طـغـوة السلـطـان يـدعـى بــه
= عـلـيــه قــلــب الـمـعـنّـى طــايـــرٍ شَـبــلــه

لـو فـي شجاعـة هـدب رمشـه معـي لابــة
= المـوت فــي ذمّـتـي ذمّــة مــا أحـسّـبْ لــه

وإنّ أحكم الأرض من ( صيدا ) إلى ( طابة )
= وأطـهّـر الـقـدس مــن نــذلٍ قـضـب حـبـلـه

والخـشـم سـيــفٍ يـلــوح الـغــيّ بانْـصـابـه
=االا سـلّـه الـلـي طعـامـه مـــا يـجــي هَـبـلـه

وثــغـــرٍ ولا طــاولـــه ثــغـــرٍ ولا شــابـــه
= يــا قَبـلـة الله يــا مـــا أحـــلاه مـــن قَـبـلـة

مــدري مــن الخـمـر وإلا الخـمـر بلْـعـابـه
= وإلا مــن الكـوثـر المعـسـول يِِسـكـبْ لـــه

مــن ذاق معسـولـه الخـمـري ودلّــى بـــه
= مـن سكرتـه مـا نلـومـه لــو يـمـوت اَبـلـه

كـنْ حـدري الشـفّـه إلـيـا عــضّ بــه نـابـه
= شـفّــة صـغـيـرٍ بــمــاي الــتــوت منـعـبـلـه

ولسـان إلـى مـن حـكـى والجـابـه الجـابـه
= يـرتّــب الـهــرج مـا بــه مـــن يـرتّــب لــــه

صـوتـه ولا صــوت ( عُـــودٍ ) عـنــد لـعّـابـة
= لا دقّّــه الـلـي عـلــوم الـفــنّ تُـنـسـبْ لـــه

والـخــدّ مـــا غـــطّ نـــوره لـــون جـلـبـابـه
= والله مـــا شــفــت أنــــا بــعــده ولا قـبـلــه

ودّه بـذبـحـة حـضــر نـجــدٍ مـــع أعــرابــه
= وأشـــوى , بريـقـعْـه عـيّــا لا يـوجّــبْ لـــه

والـكــفّ حـالــه وحـــال سـهّـيـل متـشـابـه
= مــدري نسـابـة ! أو إنّ سهـيـل نـاسـبْ لــه

بــإيــده مــلــك مــــوت هــلاّ بــه وحـيّــا بــه
= قـــوسٍ تـمــزّع مـعـالـيـق الـحـشــا نِـبـلــه

وفوق النهـد شفـت ( أخـو بـدوه ) بمشعابـه
= وحــدر النـهـد شـفـت أنــا خيّـالـة السَـبـلـة

نهـدٍ مــن الـثـوب الأحـمـر يفـقـد أعصـابـه
= يبغـى يتنفّـس شــوي والـثـوب نـاشـبْ لــه

يـا ليـت مـن خــذْه صـبّـح بــه ومـسّـى بــه
= نـــاسٍ عـلــى خــــزّة الـعـشــاّق منـجَـبْـلـه

وخصـره مسـافـة ما بـيـن اصـبـعْ وسبّـابـة
= أحـيــان يـخـطـون فـيــه ويـلـبـس الـدِبْـلــة

وردفٍ ليا أقبل تقـل مقْفـي وإلـى أقفـى بـه
= تـقــول مقـبـل عـسـى الله لا يـسـبّــبْ لــــه

لا ســار واهـتـزّت الـشـطـوه حـــدر كـابــه
= تشـبـه شـجـاعٍ سـمـع غالـيـه يـنــدبْ لـــه

والسـاق كـنّـه لـسـان الــداب لأومــى بــه
= أو كـــفّ ( طِـفـلـة ) تـــردّ الـفــرْد وتْـحـبْـلـه

وأقـدام لـو فــوق قـبـر المـيْـت تـاطـى بــه
= شفتـه يصـوّت قبـل يِضحـي الضحـى لإبلـه

بـعـض الأوادم هـبـال الحـسـن مــا عـابــه
= وإلـيـا انهبـلـت أكـثـر العـربـان منهـبْـلـة

زيــنٍ بزيـنـه نـمــوت ونـــوب نـحـيـى بـــه
= مــا بـإيـده إلا الشـقـا ونْـحــبّ نـتـعـبْ لـــه

غلـطـان عـمّـه يـا خـالـد يـــوم وصّـــى بـــه
= ســوات هــذا جمـيـع الـنــاس تـقــربْ لـــه

يـا زيـن أنـا وأنـت سِلْـك عْـقـال وعْصـابـة
= تُـومٍ عسـى مــن عـقَـب للـتـوم يِعْـقـبْ لــه

يــا زيــن كـانـك وحَــشْ ريــمٍ فـأنـا غـابــة
= غـدَت ضلوعـي علـى شـانـك زهَــر رِبـلـة

بيـنـي وبـيـنـك مـــاْ بـيــن الـكُــمّ وأجـيـابـه
= وعلـيّـه أبـعـد مــدى مـمّــن ورا القِـبـلـة

يـــا زيـــن قـلـبـي عـلـيـكـم يــــدّرج دابــــه
= بيـن الحصاتيـن حـذف النـاس عـرقـبْ لــه

مـا نـيـب مـــن قـــال : يـابــه آه يــــا يــابــه
= وهـمّــه بقـلـبـه كـبــر راس الـقـلـم ذِبــلــة

يـا زيــن مـوْدعْـك قلـبـي وأنـتـه أدرى بــه
= يــا طلبـتـه لـيـه بـيـن الـنـاس تطـلـبْ لــه ؟

إمّـا أسـعـف القـلـب يــا زيــن وتَهـنّـى بــه
= وإلا فـأنـا الخـبْـل يــوم أطـــرد ورا خِـبـلـة

صح لسان شاعر الثقلين / ناصر بن محمد الفراعنة السبيعي .[/align][/size]