منتديات سبيع الغلباء - فتاة الوشم ورد السبيعي عليها

[QUOTE=ابوعزوز;83178][align=center]شباب اليوم

فتاة الوشم شاعره حره اصيله سجلت اسطوره في وصف شباب اليوم ورد عليها الشاعر / محسن بن علي بن جغيثم بقصيده .

امل ان تنال اعجابكم

[frame="4 80"][poem=font="Simplified Arabic,7,black,normal,normal" bkcolor="transparent" bkimage="backgrounds/47.gif" border="double,4,orange" type=0 line=0 align=center use=ex num="0,black"]
ياناس عيني من الموعات مذعوره=ونفسي عيال الفلس جابو حضايبها
قلبي يهوم الزعل والنفس ممروره=حسيت بلي عيوبه مايحس ابها
لقيت رجل وفيه من المره صوره=يمشي على العيب نفسه مايعاتبها
يوم يتمخطر يقلد مشي غندوره=من مشيت الرجل للخفرات يقلبها
قلت آآهـ .. انا من شباب اليوم مقهوره=كيف الحمايل تجنب عن مذاهبها
يابنت شومي عن اللي يمشط شعوره=ويميل الكعب ووروكه يهز ابها
ليته لبس له بلوزه فوق تنوره=دام المناقيد مايدري عواقبها
اهل الخنافس غدوا لأبطالنا عوره=ياكيف نجدٍ يتمشون بمناكبها
شباب ياللي عليك السود منشوره=ارفع مقام الرجوله لا تخربها
ترا الشجاعه لجيش صف طابوره=نقاله البندقيه مع مقاضيها
جيش بهم دارهم تفخر ومنصوره=دونه عمار على الاخطار يجلبها
عاشوا حماة الوطن من عهد أخو نوره=درع الجزيرهـ لاشبت حرايبها[/poem][/frame]

رد الشاعر / محسن بن علي بن جغيثم السبيعي

[frame="4 80"][poem=font="Simplified Arabic,7,black,normal,normal" bkcolor="transparent" bkimage="backgrounds/47.gif" border="double,4,orange" type=0 line=0 align=center use=ex num="0,black"]
عسي فتاة الوشم من الشر موفوره=مهر ة ٍ اصيلة عريبـــــات مناسبها
كلامها بالشباب يسجل أسطوره=قامت بدور المحامي دون واجبها
تسمعي للسبيعي واقبلي شوره=من كثر ماشاف بالدنيا عجايبها
شبابنا اليوم عسى الحال مستوره=تضيع فيه الروابع لو نجربها
بهم مرض ماعرفنا وين دكتوره=علاتهم ماعرفنا وش سبايبها
الثوب يسحب وجيبه دالعٍ زوره=حتى الازرهـ بجيبه مايركبها
حط الكبك بالكموم وطول أظفوره=يتبع هوى النفس يوم بليس مطربها
بالدرس فاشل وقلبه عاشق الكوره=يحلم بها في منامه مع ملاعبها
عن المراجل يصد وتقصر شبوره=ماله طموحات يسعى في مطالبها
ماله هدف بالحياةـ وماعرف دوره=وله سمعه مع جميع الناس مخربها
كسلان ياكل ويرقد مارفع سوره=وهدومه مبعثره ماهو مرتبها
الابو مغبون وكبد الام مفطوره=بكثرة عنادهـ وشين الطبع مغضبها[/poem][/frame]
تحياتي

ابوعزوز[/align][/QUOTE]

[size=5][align=center]أخي الكريم / أبو عزوز السلام عليكم ورحمة الله وبركاته وبعد : شكرا جزيلا لك على نقل هذه القصائد الجزلة لشاعرة الوشم ورد أبو علي الشاعر الكبير / محسن بن علي بن جغيثم القريشي السبيعي رحمه الله وأسكنه فسيح جناته عليها والله يعافيك ويبار فيك ويجزاك خير هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام . [/align][/size]