كفو والله ياالمعتزي
مشعاب مجاز وطويق عنده بعد اجازه:D يالمعتزي افتح عيونك خل عنك الغائبيين ----------الحاضرين اللي هنا يكفون عن غيابها بالك عسى بالمعرفه ياصاحبي بالٍ وسيع -------اقولها واللي عقد روس الحبال يحلها ردها على ان استطعت:D |
يافيصل الله لايهينك مانبا غير الثمين
---------ترا الرخيصه مالنا فيها ولانرضابها الصيف جوه يصطلي والزبد من حره يميع --------اقولها واللي عقد روس الحبال يحلها |
اسف على التأخير يالمعتزي :D
دوك استلم طال عمرك الهابطه ماليبها والقرص من شق العجين ---------والعله اللي بنحر ياوين ابالقا اطبابها هذا الزمن ياصاحبي يشيب الطفل الرضيع --------اقولها واللي عقد روس الحبال يحلها ردها ان استطعت:D |
دوك يابعدي
اطلع على قمة جبل مالك ومال الطامنين ---------والياطلعت الراس رجع خنجرك بجرابها وتطيع ياعبد الصبور الياومر عبد السميع --------اقولها واللي عقد روس الحبال يحلها |
الله الله يالمعتزي سلمت كم انت ممتع:D
دوك ردها يالمعتزي يابعد جبدي:D طلعت في راس الجبل لقيت ناسٍ طامعين ---------وابشرك ياصاحبي خذيت حتى اثيابها يا لمعتزي يا محترم كلٍ تحت امري يطيع --------اقولها واللي عقد روس الحبال يحلها ردها ان استطعت:rolleyes: |
فيصل تصبح على خيرههههههههههههههههه
الياطلع فيصل جبل ياخذ هديه هالحين -------------------- قلم وطاقيه ويلبس لبسها وادابها ويصبح وداعه والوداعه علمها عند الوديع ----------------اقولها واللي عقد روس الحبال يحلها |
بغينا مانخلص منك ياالمعتزي:D اثرك بلشه:D ولاتنقرب:o
وانت من أهل الخير يابعد جبدي:mad: فيصل يهديك اجمل التحيات اللي تطامر مثل الغزلان:rolleyes: |
الأخ المعتزي
والأخ موصاحي والاخ فيصل موصاحي السلا معليكم ورحمت الله وبركاته ماشاءالله على هالمحاور ه الطيبه صراحاه تشوق المتابع لها ولاكن لي ملاحظه عليك يالمعتزي ألا وهي كالتالي المفروظ تقدمون الإعلان عن المحاوره بوقت كافي والتنسيق مع الشعار لأجل الأعضاء والزوار يتمكنون من المتابعه والتشجيع |
الواسطه
شكرأ للتوجيه والملاحظه وبعد كم مره وانا اعلن وارسل للشعار لكي نحدد وقت المحاوره للجميع والاكن والاواحد من الشعار رد علي بالموافقه 0 ولجل ملحظتك نشالله نطرح اعلان بوقت كافي ونفتح المجال لمن يستعد من الشعار وانت يالواسطه ترا مالك عذر) تحياتي |
الاخ _ الواسطه
ترى هذي المحاوره بدون تنسيق او موعد مسبق المعتزي لو قريت موضوعه اللي حاطه في الاول يطلب 4 شعار واخوك نط في حلقه :D وبعدين لايشترط موعد مسبق صراحه اذا بتحطون مواعيد بين اللي يلعبون محاوره ما اعتقد بتكون صح هذي من وجهة نظري خلو البساط احمدي واللي وده يلعب هناك طريقتين 1 اما يطلب بالاسم 2 او المجال مفتوح هنا اعتقد يكون احسن وانتم بكيفكم فيصل |
الساعة الآن 21:37. |
Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها