منتديات سبيع الغلباء - والله لو تنطق الأرض السعودية = إن يذكر سبيع حاضرها وماضيها

[QUOTE=طويق;120294]السلام عليكم ورحمة الله وبركاته
أتمنى وبصدق أن ترتقي لذائقة المتلقي
منكم خاصة

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الوقفة اللي تبيض وجه راعيها = وصيّةٍ قد لها مانيب ناسيها

امشي على ضوها وآرد مشاربها = قدم اعتنز للقصيدة وابتدي فيها

خل الجماهير لامن مرّها ذكري = تثني على كاتب القصة وقاريها

وإن قامت سبيع تندبني وتزهمني = أبيع روحي بنص ريال واشريها

سلام يامحزم النخوة وشلفاها = سلام ياساسها واطول مبانيها

ياعون عبدالعزيز العود وانصاره = لين اعتلى الصوت في نجد وضواحيها

الحكم لله تعالى ثم لاخو نورة = وانا على ظهورها ونقول يمديها

إن كان الأنصار هم حربة رسول الله = فسبيع هي حربة معزي وباريها

والله لو تنطق الارض السعودية = إن يذكر سبيع حاضرها وماضيها

مواقفٍ سطرت ماهيب حيا الله = لو مابقى غيرها لسبيع يكفيها

واليوم بالعلم هذي هي حضارتنا = واللي سواها من القاموس نلغيها

حتى زهينا مكاتبنا وصناها = مكاسر الطيب ماصتها وكرسيها

والا العوايد فريضة وين ماكنا = لو كان مانوحي المذن نصليها

ماكن ذاك المثال ألا علينا أنا = صحيح من له طبيعة مايخليها

بين القبايل لنا فزعة وجاهية = ناخذ لها حقوقها جملة ونعطيها

وان جت على الجار هذي قصة مهادي = سلم على الراوي اللي قام يرويها

والثانية قصة ابن دهيم في الحاير = بالله قولوا سواته من يسويها

ونستر على الخلق دام الثوب ساترها= ما الله ومرنا نفتش في مخابيها

والبل من الجيل الأول ماتركناها = لو كان بالدين نطعمها ونسيها

نمشي ورى شفها منّا ليا منّا = واكبر زعل يعترينا كيف نرضيها

إن جيت للعود يخشرها مع عياله = من الغلا اللي لهم في الجوف يغليها

ماباقي ألا ليا بشّر له ببكرة = قدام يذبح تميمتها يسميها

واليوم فاطراف عرق سبيع نكرمها = زود على طيبها من طيب قانيها

واليا اختلط حابل العالم بنابلها = هذي نصفق لها وهذي نهنيها

وختامها الله يجمل كل من شارك = في محفل سبيع قاصيها ودانيها[/poem][/QUOTE]

[size=9][align=center]طويق صح لسانك ولا هنت .[/align][/size]