منتديات سبيع الغلباء - ملحمة مجد القبيلة سبيع بن عامر الغلباء

[QUOTE=خيَّال الغلباء;263230][U][size=5][align=center]بسم الله الرحمن الرحيم

= : (( جزء من ملحمة شاعر القبيلتين / دسمان بن مناحي المحمدي السبيعي )) : =

قصيدة من القصائد الخالدة في ذكر أمجاد قبيلة سبيع بن عامر الغلباء ويقول فيها :-

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أبدا بذكر الله رفيع المقامي =هو السلام ومنه يبدا السلامي
المقتدر محيي هميد العظامي =وبشايته تصوير الأنفس والأجساد
المطلع علام ما في الخفايا= وعن خاينة الأعين وسر النوايا
رب الفلق محصي جموع البرايا= جميع ما في الكون عنده بتعداد
إلهنا اللي مالنا غيره إله= معبودنا ما غيره أحد عبدناه
كل الاّمال معلقات برجواه =حنا عبيد له اركوع وسجّاد
سامع دبيب النمل فوق الحيودي =فوق الحيود السود والنمل سودي
في ليلة سوداء عربها رقودي= إلا خطيب ضاري (ن) بالتهجاد
اللي فتق سبع السموات فتقا= من بعد ما كانت مع الأرض رتقا
يالله عسانا من بلاويك عتقا= في ساعة يكثر بها عض الأنجاد
يا حي يا قيوم يا عالم الغيب= يا واقي العثرة ويا ساتر العيب
تلطف بمن سالك ومن جودك تجيب= أنت الذي بأمرك تصاريف الأنواد
يا فالق الحبة ويا رافع الطير= يا منزل الماء من مزون مزابير
يا خير من يجزي هل الخير بالخير= يا باعث الإنسان من تحت الألحاد
يا خالق الجنة ويا خالق النار= للجنة أبرار وللنار فجار
ميزان عدل وكل شئ بمقدار= منك الطغاة مقرنين بالأصفاد
يا مهلك فرعون يا مهلك عاد= يا مهلك اللي جابوا الصخر بالواد
أنت لهم يوم الملاقى بمرصاد =وبالريح دمرت إيراما ذات الأعماد
مجري سفينة نوح من فوق طوفان= اللي عليها إثنان من كل زوجان
أرست على الجودي وكان الذي كان =في حكمة اللي عالم غيب الأرصاد
يا مقدر الاّجال يا عالم الحال =حنا تحت رحمتك في يوم الأهوال
في يوم لا ينفع بنين ولا مال= يكود من قلبه سليم وعبّاد
عبّاد للي يعلم الكائنات =يرجي ثواب منزل المحكمات
اّيات حق وكلهن معجزات =ترتيلهن يغني عن الشرب والزاد
باسمك بدينا القاف وابك استعنا= ولا قط في غرات مسلم طعنا
ولا نتبع المقفي ليا صد عنا= تبت يد اللي للمقفين نشّاد
من بعد ذا عندي بمجد القبيلة= نوادر ما هي علينا دخيله
يكفي عن الهرج المطول قليله= إن ما نقص هرجي عن الصدق ما زاد
حنا سبيع مطوعين الخصومي= وحنا سبيع موردين السهومي
وحنا سبيع اللي سعدنا يقومي= ينهض سعدنا لا تردن الأسعاد
سبعان لا قالوا على الخيل سبعان= من ماضي الدنيا هل سنان وعنان
نمشي بقو الزند والسيف شامان =ريف القصير وللعدا سم الأكباد
يا ما خذينا من حفيف قلاعه= لا طار عن وجه المزين قناعه
يسوقنا زود الدجر والشجاعة= يا ما كسبناها صباح ومهجاد
حنا ليا منا نوينا بعدوه= ما نجعل الدخان للنصر قدوه
كل (ن) نسوقه لين نقصيه مدوه =نتعب ظهور الخيل ونطول الاّماد
كم خايع قفر نجيه ونعسه= وكم طارفة قوم قلعنا مرسه
يبطي وهو منا صوابه ينسه =لا ذاق منا ملحة الحرب ما عاد
سقم الخصوم مبعدين المشاحي= مروين حد مكعبات الرماح
كسابة الطالة نهار الصياحي= وإليا عطينا الوعد نوفي بالأوعاد
دواسة الجمع المناحر ليا هيب= بالخيل والسلة وسرد محاديب
ومذلقات يوسعن المضاريب =والجبخان وضرب صلفين الأولاد
نبيد جمع معسكرات السرايا =ونشوش فوق المكرمات السبايا
لا غردن بالصوت بيض الصبايا= نفضا الجموع لعين مركوز الأنهاد
تلمنا الغلباء وحنا قبايل =قبايل يذري ذراها قبايل
من طيبهم طالوا على كل طايل= ساس المعرفه والمروه والأمجاد
ما نقطع الساقه ولا ناكل السور =ولا نذبح الغافل ولا نشهد الزور
ولا ننقل النمه ولا نجحد النور= ولا نوقت الساعه لغراة الأجواد
حنا هل الشيمه بعيدين الأنظار= ما نزعل العاني ولا نزعل الجار
ليا هفت ملة قصيرين الأشبار= انفوسنا ما هي دنياة وإزهاد
حنا هل الردات لا صاح صايح= ليا غدت جرد السبايا سبايح
كسابة الطالة نهار المدايح= نرجع ونسقي خصمنا مر الأكباد
نمشي مع البيرق عضود الإمامي =شرق وغرب وفي جنوب وشامي
بياعة الأرواح يوم الزحامي= قوم على حرّابنا علة فواد
تشهد لنا البيداء ويشهد لنا الجيش= وصنع اليهود معكفات النواتيش
وسيوف هند في يدين المداغيش= تشهد لنا نطاقة الصاد والضاد
ناطا الحمى في شف سجح الخلايا =جرد الرقاب مبعدات الهوايا
وإن قامت الأعداء علينا حمايا= ندوس غبات الخطر جد وإعناد
نفرح بفنجال المبارز ليا سيق= لو كان هو صعب ومر إليا ذيق
ويفرح بنا المضهود في ساعة الضيق= نبوج عنه الظلم والنور ينقاد
دخيلنا يامن وتامن جواده= عام وشهرين وعشر زياده
نفرض على طلابته فرض اراده= وحنا لمن يلجا لنا كن وبراد
تامن بنا حنا الشعاف المصاغير= نرعا بها بالخوف وقت المخاضير
ونظمي بها في نازحات المصادير= واللي يبينا لا عرف وسمنا حاد
أحسن محل في الجزيره خذيناه= بمثمر لا صادم العظم يشظاه
من فوق حيل للمطارد مضراه =ويدرى خطرنا اللي ورا حد الأكراد
حنا هل الغلباء وأهل الجهامه =وعرق حمينا فيه بيض النعامه
وأيضا خذينا عصب نجد وسنامه= ولا جاء لنا إلا عقب غارات وطراد
خذنا من العارض ليا جو عوجان= بالسيف ما جتنا بتسليم الأثمان
دار لهزعات المراقيب مقطان= تسمن بها شيب القرا قبل الأذواد
زحنا صناديد الأشاويس عنها= بمشوك كن السحايب دخنها
حتى ثنينا في يدينا رسنها =من فضل رب للمخاليق جوّاد
كم ضربة منا تفج الترايب= وكم ذود مصلاح نجيبه غصايب
وكم مربع سقنا عليه الركايب= يلقى لها مع صحصح الخبت مرجاد
وإليا غزونا ناقلين البواريد= يبغون حلوات اللبن شمخ القيد
هذاك يوم عندنا كنه العيد =يوم التشابك عندنا مثل الأعياد
نفرح بهم فرحة قريب بقربه= إليا تحلا ديرته عقب غربه
وإنفك له من شوف الأقراب كربه= ومحقق في غربته كل ما راد
نذبح مذربهم ونلثم شباهم =ويطيح بيرقهم ويظلم سماهم
ونحطهم عبره لقوم وراهم= يمسون فوق كبودهم مثل الأوتاد
ناخذ على الخيل الأصايل عجاريف= بالرمح والمزروع والدرع والسيف
نولف مفرق ونفرق مواليف =وحرّابنا نقطع هجومه والأمداد
كم واحد ينقل علينا ضغينه= طويل (ن) لسانه قصيره يمينه
في كل سبل المرجله غالبينه =في خشمه خطام وفي رجله قياد
نرفع كرامتنا عن الهرج لا راب= ولا نندفع في ساقة النجم لا غاب
ولا ندعي وسط المجالس بالأكذاب= للخير حصاد وللشر حصاد
ما نستمع لمحرفين السوالف =هذارة المجلس وجيه المكالف
اللي لها أعراض الأوادم معالف =ولا همنا مغرض ولا قول حساد
هذي مزايانا وهذا فخرنا =سون على صف المحارب خطرنا
ننزل ديار أخصامنا مع ديرنا =بمصقل ينزل على المتن قدّاد
عديت فعل مخرقين الطوابير= مخضبة حدب السيوف البواتير
إن فرحوا الصدقان خير على خير= وإن كظمت خطّر هل الغيض وش عاد
موجز وفي بعض العلوم اختصرنا =ديره هدمناها وديره عمرنا
بيض صحايفنا بعيد نظرنا= علم عليه الله والأجواد شهّاد
من دون نقص في حقوق القبايل= مروين حد مفتقات السلايل
يوم المشاكل والخطر والدبايل= ومصادم الدنيا بخفخاف وزناد
قبايل فوق الجزيره مقيمه= ولهم تواريخ وقيمه وشيمه
تقاسموا ثم ارتضوا بالقسيمه= ومن جاد حظه مع ظروف الدهر جاد
قبايل ما أحد يقف في نصدها =جبع محازمها كثير عددها
توعد وتوفي في المواقف وعدها= أمجادهم تذكر قديمات وجداد
ذكرتهم من دون عد وتخصيص= أخاف من هرج يجي فيه تنقيص
للعلم باب وللخطايا قوانيص= وأنا عن الزله أحب التركاد
والحضر صافين القلوب المشاكيل= سم تغلغل في القلوب المغاليل
تسمع بناديهم للأذكار تهليل =أهل سفرة تندل وأهل بن وقناد
للمعرفه والخير فيهم مواري= رجالهم في بذل الإحسان ضاري
حديث مسلم عندهم والبخاري= والنصح منهجهم والإفتاء والإرشاد
واليوم في نعمه وحكم السعودي= والراية الخضراء براس العمودي
والعود يكسر في عيون الحسودي= أمن وأمان ونعمة وأكل ورقاد
كل (ن) تحت فية علمهم يفلي= حج الجمل وانكف وصلى المصلي
وتبدلت كوخ الكواويخ زلي= وعاشوا بظل الأمن والخير يزداد
شعب جعلنا الله للإسلام خدام= وأظهر لتصريف أمرنا خير الأنام
إختارهم رب السماوات حكام= ولموا شتات الشعب عقب التشرّاد
راحت عصور الظلم مع فايت فات =والسلب في أيام الجهل والقوامات
والشرك وأنواع البدع والخرافات= وتوقفت عنا قواميس الإلحاد
فضل من المولى عزيز الجلالا= ثم السعود مخضبين السلالا
كواكب فوق الجزيره تلالا= خير على الخير وضد للأضداد
مدوا حبال الأمن في كل ديره= واستاصلوا عنا الخيوط الشريره
يفخر بهم سكان شبه الجزيره= سادوا على من قبلهم كانوا أسياد
حطوا لهم في عالية نجد حجري =في ألف وميه وسبع وخمسين هجري
بشلفا ومصقول وبن ونجري= وعلم ودين وضرب مسقوف واشداد
من ذلك التاريخ لليوم حكام =ومواكبين سبق الركب قدام
شر على الظالم ونصر للإسلام= بذالة المعروف خطلان الاّياد
ترجمت فحوى الهاجس اللي طرا لي= مثلي مثل غيري وجالي مجالي
لا نيب أنا الأول ولا نيب تالي =لي مع ورود الماء مقام وميراد
عبرت عن ما في ضميري يجولي= وموثق بالمستندات قولي
قول على حسب الثقه والأصولي= متحفظ عن كل شاعر وقصاد
مثايل تبقى على طول الأزمان= يعرف لها من بين الأشعار عنوان
أبغي ليا من قيل وش قال دسمان =أرضيك ياللي للشعاعير نقاد
أقولها ما نيب أدور عطايا= ولا أبغي من التاجر فلوس وهدايا
ولا أرجي من العالم كفية بلايا= ما أحد يريد ووالي العرش ما أراد
هذي عدد وقفاتها أربعمية بيت= خصيص في مجد القبيلة ولا أفويت
وعلى محمد سيد الرسل صليت =المستقيم الناصح المرشد الهاد
أزكى صلاة عد ما هل همال =وما غرد القمري على روس الأقذال
على الشفيع بيوم تقسيم الأعمال= اللي يصلي والمخاليق هجاد[/poem]

مترك بن ثواب جزاك الله خيرا ولا هنت[/align][/size][/U][/QUOTE]

[size=6][align=center]مشكور وما قصرت ولا هنت[/align][/size]