|
رد : مواااااال من يرد
اليا زهمت ربعي عليك مصيبة
والرجل صحيبك أنتبه لا تعيبه ياصامل ولدكم ترى ودي أجيبه والرأس مرفوع والريات مرفوعة ولدنا ترى عد عن تسعين رجال *** وحنا ترانا في اللقاء شجعاني لانته جمل ولاتعد من الجمال *** وانا مديري متنسب في عمّاني |
رد : مواااااال من يرد
لاطال هرج بلا وكدان ماجيبـــــــــــــــــه
فعل على الطيب ماعيبه ولاخــــــــيبه وراس الصميلي ترى ووالله ماتحريبه والراس مرفوع والرايات مرفوعـــــــــه ياكثر الهروج اللي تورد لك افعال***وشجاعه لشيب ماتارد لوغداني وكان تالي اغنامــــــــــكم خيــــال***وقت اللقا هيا ياشجــــــعانـــــي |
رد : مواااااال من يرد
أدري انكم في اللقاء فرساني
افخر بكم ليا قيل سبعاني لاكن حنا الأول مالنا ثاني والرأس مرفوع والريات مرفوعة ترانا نضد زحول الرجال *** مير انتبه لا تعود مع الصبياني اظن ياصحيبي طال الجدال *** انتبه لا تكون عشاء السرحاني |
رد : مواااااال من يرد
كل(ن)له فعوله ولابد يفخربه
وتاريخ سبيع الغلبا لاتلعب به ومن تالي اغنامنا طارت مع الهبّه والراس مرفوع والرايات مرفوعه ياراعي القاف لاتبعد تعال***طبع صليب ليا جنا الجاني تجحد بني عمك على الطلال***لاحميا فيك ومعاني |
رد : مواااااال من يرد
افعلونا وقت اللقاء تشرفنا
وحنا بين القبايل والناس تعرفنا لاكن اشوفك ترى مانته بمعنا والراس مرفوع والريات مرفوعه ماني بعيد ولاكن ما حب الهبال *** نقصر الهرجة عن طوال الأيماني الي يجحدهم عساه للزوال *** ولكن الصيملي تراني اشوفه جاني |
رد : مواااااال من يرد
الهرج لاطال جاب العيد وضحيه
والظاهر انك جنيت النفس للهيه وانت من اللي سكت وشرق الميّه والراس مرفوع والرايات مرفوعه المجنون يحق له السؤال***لاتفتح علم وهو فاني شد حيلك وشد للشمال***ناكر الفعله مهو هاني |
رد : مواااااال من يرد
هرج على الدين ونصرة الملة
والهرج الغثيث يا صاحبي خله لاوالله بذبحك بجنبي لا والله والرأس مرفوع والرايات مرفوع علومك انتهت وكل الأقول *** وترى ما أنت بجيعان ولا شبعاني يا صحيبي لا تجيب كلام الجهال *** وانشد عنا عتيبه وقحطاني |
رد : مواااااال من يرد
ياليت قافك على الخيرات تاتي به
والخير اقفا ولياجانا ماتحري به وراسي لاخذته ترى ملفاك ياطيبه والراس مرفوع والرايات مرفوعه العلم بين ولاينقال***والفلك دوار وينباني مير شد الحيل ياخيال***يدري به رذيل وجباني |
رد : مواااااال من يرد
صح لسانك وانا استأذنك ولعلنا نبدأ الليلية بقاف ثاني واعذرنا على الخطأ والقصور
|
رد : مواااااال من يرد
صح بدنك وتراك مثل اخوي لكن هذا كلام يروح ويجي ولاحد يزعل منه وحنا عيال عم من قبيلة الغلبا سبيع الله يبقيها وبيض الله وجهك
|
| الساعة الآن 03:45. |
Powered by vBulletin® Version 3.8.11, Copyright ©2000 - 2025, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها