منتديات سبيع الغلباء - والله مصيبة يامدير مستشفى رنية

الـــســـــلام عــــلــــيـــكـــــم ورحـــمــــة الله وبــــــركـــــاتــــــه

ياليت تكون المسألة ماهي خبر نقراه ونعلق وانتهت السالفة كل اللي علقوا على الخبر من خيرت الموجودين في المنتدى وناس فاهمه ومتعلمة والمسألة أمكن ماتكلف الواحد منهم مشوار واحد للوزارة في الرياض طبعاً اقصد الأعضاء الموجودين في الرياض إذا كانت مصلحت رنيه تهمهم ، وإلا مشوار للناس الموجودين في رنيه للطائف ويقدم خطاب بالمشكلة ما ننتظر صاحب المشكلة أو والد الطفلة هو اللي يشتكي لأنه ترى بكره نفس المشكلة بتصير علينا فإذا تحركنا بدري ترى أفضل ، ولاكن حنا تعودنا على الانتقاد فقط والتعليق ملينا من التعليقات في المجالس واتهام الموظفين والمدراء بالفساد والإهمال كلهم إذا ماصار وراهم احد يتابعهم أكيد بيهملون لان الإداري الناجح في رنيه ماينال غير السب والانتقاد والكلام السيئ لأنه متمسك في النظام وهذا مايخدم مصالحنا الخاصه ، كلنا نعرف مدير المستشفى السابق الأستاذ عبدالله محمد السبيعي من افضل المدراء اللي مرو على أدارت المستشفى وكان شاد في النظام وما كنا نسمع سائق رفض قيادة سيارة الإسعاف وإلا طبيب مايداوم الا الساعة التاسعة . ورغم ذلك كان يسمع أنواع السب في المجالس هذا ماينفع هذا ردي جيته وما سنعني ماعطاني اجازه مرضيه لزوجتي ومن هل الكلام .
على العموم وزارة الصحة فيها علم من اعلام محافظة رنيه اظن الكل يعرفه هو سعادة ا لاستاذ / محمد بن عبدالله بن بقيران السبيعي وهو من اشد المهتمين بالمحافظه الكل يعرف انه هو اللي أنشاء الطوارئ الجديده اللي تحت الإنشاء في المحافظه وهو اللي أنشاء وحدة الكلية الصناعية التي تحت الانشاء بجوار الطوارئ الجديده ولاكن بعده عن المحافظه وانشغالاته العمليه لاتجعله يعلم ما يحصل في المستشفى وانا على اتم العلم انه اذا نقلت له الصور هالي صايره راح تلقون اللي يسركم الرجل مهتم اهتمام كبير مستشفى رنيه ومستشفى الخرمه ويهمه مصلحتهن ويسعى للي فيه مصلحه للمحافظتين .
تقبلو مروري واعذروني على الاطاله كلنا تهمنا مصلحة محافظاتنا