منتديات سبيع الغلباء - برقعك يازين قامت تلاعبه الهبوب

[QUOTE=مبارك مقين;205344][poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
برقعك يا زين قامت تلاعبه الهبوب =وأنت تدريبه لكن ما أنت حريص عليه

يالميع الأوكسجين وشفق وقت الغيوب= لا ارتفع عنه الغطى جعل ربي يبتليه

عزتي للي يشوفه وهو ناون يتوب= راح مرواح القطا والشمالي مقتفيه

بري حالي منه برية محاحيل الغروب= عند شراخ يحوفه ويرك النار فيه

ونتي ونت خلوج (ن) تلد لكل صوب= تخترش وإن بان زول (ن) بعيد تلد فيه

احتدوها بالعصا في الترايب والجنوب= لين شال حوارها اللي بماله مشتريه

حرك الموتر وقفا وهي قامت تلوب= والحبال مجوده من فقاره ليديه

كن وزيز ضلوعها جندب الصيف اللعوب= تطلع من الذود يم الطويل وتعتليه

والله إني مثلها بين غالب ومغلوب= مرة عاقل وعشرين مرات (ن) سفيه

انفرا جيبي وأنا صابر (ن) صبر مغصوب= طاحله في يد عدون بيلعن والديه

الجفا يا ناعس الطرف مهوب امحبوب= لو سألت أدنى بشر قال والله ما نبيه

وأنت تسبح للمفاتن تحملنا الذنوب= وإن بغينا ناصل حماك ما نقدر نجيه[/poem][/QUOTE]

[size=5][align=center]أخي الكريم الشاعر / مبارك مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هالقصيدة الرائعة والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .[/align][/size]