رد: قصيدة حزمي فراج السبيعي
 

[size=9][size=7]هذه القصيده للشاعر / غانم بن نوار السبييعي مدح في 00 مجري بن مسند بن حشر البسبيعي


سلام للي يرفع الراس طاريه
اللي لنا من طاري اسمه مهابه
شيخ" علا العليا تسوقه هقاويه
ذيب" تسلسل من عرين الذيابه
يامن به الصاحب ويشبع بناخيه
ومن رافقه مامل رفقة جنابه
ان كان به للطيب راعي فراعيه
مجري ولد مسند نعم لا غرابه
راع الكرم فالطيب محد" يجاريه
له مجلس" للضيف ماصك بابه
اليا عطا مامن ماكان معطيه
يوم ان بعض الناس رزقه هبابه
والياحماالموقف وشانت به وجيه
يقدم له مجري بعزم وصلابه
شجيع راس وباس محد" يحاليه
اخو حشر عساه ياكل شبابه
حقه علي المدح واجب وباديه
وراع العمل يجزا بقدره ثوابه
وانا افتخربه يوم تحمد مساعيه
وغيري بعد تفخر قبيله ولابه
تشهد له الاجناب واللي مخاويه
غير الكرم والطيب خلق وذرابه
هذا بعض مانذكره من حسانيه
ومحاسنه ماتنحصر بالكتابه
الشعر في شرواه تعلو معانيه
لانه علو وكل عالي رقابه
وختامها يالله ياربي تخليه
للي ليا صكت عليه التوابه[/size][/size]

رد: قصيدة حزمي فراج السبيعي
 

[ كفو والله يامجري يااخو حشر ويكفي انك من المجامعه]

رد: قصيدة حزمي فراج السبيعي
 

صح السانك وبيض الله وجهك

قصيده مايلحقها كلام


والله لايهينك ياخوي

رد: قصيدة حزمي فراج السبيعي
 

[size=7]صح لسان الشاعر حزمي ابن فراج المجمعي على القصيدة الجميلة
وصح لسان الشاعر غانم بن نوار على القصيدة
ويستاهل ابو سلمان[/size]

رد: قصيدة حزمي فراج السبيعي
 

الشاعر غانم بن نوار السبيعي صح لسانك علا القصيد الجزله

ويستاهل الشيخ مجري بن مسند المجامعه كل خير ولاهو غريب عليه فعل الطيب




تقبلو تحياتي.

رد: قصيدة حزمي فراج السبيعي
 

السلام عليكم ورحمة الله وبركاته مشكور يابن فراج علي هذه الابيات الجزله وعزالله انها قصيده تفرج عن الخاطر

رد: قصيدة حزمي فراج السبيعي
 

سلام عليكم اشهد بالله انها قصيدة جزله وصح لسامك يابو فراج ولاهنت ؟؟؟؟؟

رد: قصيدة حزمي فراج السبيعي
 

شـــــــــاعر ياحزمــــــــي وصـــــــــــح لســـــــــانك علي هالابيـــــــات اللي اوقــــــــدت شـــــــــرارة مدفـــــــــــونه بين الاظــــــــــــــلاع والله ان النـــــــــوم حـــــــــارب العـــــــــــــين مـــــن بــــــعد قرائتـــــــــــها مما حــــــــداني علـــــــي مســـــــــك الــــــــــقلم والـــــــــدواه لتـــــــفريغ مـــــــافي الـــــــــقلب لست في مـــــــقامك ولاكـــــــن احـــــاول اتــــــعلم مـــــنك ؟؟؟

رد: قصيدة حزمي فراج السبيعي
 

صحح الله لسانه
والله لايهينك