رد : حسيبي على الاحلام مدري جزاها خير
 

حسيبي على الاحلام مدري جزاها خير))((توريني الاحباب وتنقـض جروحـي
وانا لي سنة وكسور خاينـي التعبيـر))((لكن العباير ساطيـات ٍ علـى روحـي
مغير اتغافا كل ساعة ولا القى غيـر))((هموم تجي مع غفوة العين وتروحـي
انا كن قلبي معلق في جنـاح الطيـر))((تصفق بي الدنيا على غير مصلوحـي
تفكرت لين انه تعب منـي التفكيـر))((ولاشفت لي مخرج ولاشفت مربوحي
لو انه مكان ينوصل ماذخرت السيـر))((لاسج القدم واصله مابـان منضوحـي
انا اذهبت نفسي فيه من قلـة التدبيـر)()(ياعنك اني مناديـه لـو انـه بيوحـي


ابو غنام صح لسانك على هذه الروعة وكلمة روعة قليلة ومانقول غير الله يجزا الاحلام بالخير


صح لسانك وسلم بنانك يابو غنام

تواصلك قليل لكن دائما تكون كالغيث الذي يبهج القلوب

دام لنا هذا التواصل

وترانا نفقدك ومايفقد الا الغالي

رد : حسيبي على الاحلام مدري جزاها خير
 

صح بدنك ياطويق والله لايهينك على مرورك وتشرفنا

رد : حسيبي على الاحلام مدري جزاها خير
 

اخوشما

صح بدنك

لاهنت على مرورك الذي
اعتبره وسام وشرف

رد : حسيبي على الاحلام مدري جزاها خير
 

[color=#333399][size=5][align=center]

لاهنت ياخالد

قصيدة رائعة جدا من شاعر كبير

صح لساااااااااانك ملاييييييين

ولاتحرمنا من كل جديد طال عمرك

اخوك البدر [/align][/size][/color]

رد : حسيبي على الاحلام مدري جزاها خير
 

أخي خالد....

صح لسانك على ما جادت به قريحتك من كلمات شفافه...و تعابير جميله...

واصل معنا ..الله يجزاك بالخير....و نحن بانتظارك دائما...

حسب ما نسمع و نرى فان انتاجك ليس بقليل...لا...و جزل بعد...

فجد علينا بما أفاء الله به عليك...و لا تبخل علينا......طال عمرك..

أخوك ...و أخو الجميع....مروّض...

و سلمتم أعزتي...

رد : حسيبي على الاحلام مدري جزاها خير
 

الاخ المولع

الله يبقيك ويبارك فيك اخوي


صح بدنك ملايين

ولاهنت على مرورك الكريم

رد : حسيبي على الاحلام مدري جزاها خير
 

انا كن قلبي معلق في جنـاح الطيـر^^^تصفق بي الدنيا على غير مصلوحـي
الله الله
صح لسانك ياخالد و تسلم يمين كتبتها
لاهنت ياشوق البنت