منتديات سبيع الغلباء - أنا من الغلباء عما كل معتدي = لا شب نار الحرب يوم الدبايلي

[QUOTE=خيَّال الغلباء;255726][U][size=5][align=center]بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة من قصائد الشاعر الكبير / محمد بن ناصر بن جمل القريشي يفتخر فيها بقبيلته سبيع بن عامر الغلباء وقد أجاد القول فيها وأبدع وفيها يقول :-

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أبدا بذكره في بداية مثايلي = اعداد ما حنت قنوف المخايلي
الواحد اللي في يده دبرة الملا = لو زال ما في الكون ما هو بزايلي
من بعدها يا صاحب الجيب مرني = يا عزوتي يا شوق ضاف ِ الجدايلي
ياللي نويت عصر تسبق به الهوى = تله وفي يمناك غالي رسايلي
أبيات شعر ٍ من ضمير نظمتها = أوفيت وزنتها بواف ِ المكايلي
حيث إن ملفاها من القوم قدها = وافي وباعه بين الأبواع طايلي
جاني خبر طيبه وجتني مثايله = الشاعر اللي يرتكي للثقايلي
تظهر لك الأيام لو نزّح النيا = ذكر الحيا والطيبين الأوايلي
يسبح بحور الشعر ما خاف موجها = ما يقضبنه محكمات الحبايلي
يسعى مع أصحاب الجمايل بمثلها = ويقابل العايل بحرّ الملايلي
من لابة دهم كاسب المدح والثنا = عبدالله ابن العود واف ِ الخصايلي
والعذر كاني يا ابن محسن مقصر = في مدحكم يا كاسبين النفايلي
وإن كان قلت العلم ياللي ذكرتنا = ببيوت شعر ٍ من عيون المثايلي
أنا من اللي ما شكى الضيم جارهم = لو كان في شهب السنين المحايلي
يبنون عزه مثل بنيان عزهم = في راس عيطا من طوال القذايلي
وأنا من اللي ضيفهم يكرمونه = بالبن والترحيب وعصوب حايلي
وقت الشدايد بالكرم ذاع صيتهم = وإلا الرخا كل ٍ يمد الجزايلي
وأنا من اللي طيبهم مع خويهم = تضرب به الأمثال لأهل الجمايلي
أنا من الغلباء عما كل معتدي = لا شب نار الحرب يوم الدبايلي
كم غارة على العوادي نجرها = ونسوقهم للموت سوق الرحايلي
ياما وياما طاح بأيمان لابتي = من شيخ قوم ٍ جاء من البعد صايلي
أقبل يبي يشعى من النوق هجمه = وأمسى عليه الضبع والذيب مايلي
أنا من آلاد العسيلي قبيلتي = عصر الوغى ندهن ثوى كل عايلي
ياما نزلنا جوس في ديرة العدا = وقت الجهل وأيام قدح الفتايلي
أنا حفيد العود طعان بالقنا = عذاب سرب الخيل عطب الفعايلي
يتبع مشاهي جرد الأرقاب في الوطن = بحمايته ترتع بخضر المسايلي
جمل إلى عدّ الفتى فعل جده = أعد فعله وأسنده بالدلايلي
وشلفى جري في نجد كل ٍ يهابها = يفضابها صم العضام الصلايلي
ما علق العاني على القوم لا نزل = علق على ملقه وقب الأصايلي
وربعه سهوم الموت في حومة الوغى = إن كان عج الخيل جاله ضلايلي
وابن مشاري حربة الحرب عزوته = مجده مثل نار ٍ على راس طايلي
بالعد ما نحصي نمور القبيله = ومدحي بهم مجروح والشك زايلي
حقايق ٍ كل العرب خابرينها = ما قلت لي هرج ٍ بليا دلايلي
باقي زحول القوم ما أعيب قدرهم = ما حط من قيمة عيال الحمايلي
وصلاة ربي عد ما هبت الصبا = على شفيع الخلق يوم الهوايلي [/poem]

منقول مع خالص التحية وأطيب الأمنيات وأنتم سالمون وغانمون والسلام .[/align][/size][/U][/QUOTE]

[size=6][align=center]مشكور وما قصرت ولا هنت[/align][/size]