منتديات سبيع الغلباء - عـضو فـي .../ ضيافتنـآ ~ ♥

[CENTER][SIZE="5"][U]بسم الله الرحمن الرحيم

● ماهي علاقتك بالشعر ..؟

أخي الكريم وشاعرنا المحبوب نبع الوفاء / سعد المحمدي السلام عليكم ورحمة الله وبركاته وبعد : شكرا جزيلا لك على استضافتي في هذا الموضوع وعلاقتي بالشعر قديمة منذ المراحل الإبتدائية من حياتي ولأن البيئة تفرض نفسها على ابنها وكما قيل : فإن الإنسان ابن بيئته وأنا من أسرة يكثر فيها الشعراء المؤثرين والرواة فحفظت شعرهم صغيرا وتغنيت به وقلت الشعر صغيرا وإلى يومنا هذا إلا أن شعري متكلف لا يأتي إلا بعد لأي وفي المواقف الصعبة وجله رد على الغير فلذلك فإن أغلبه غير قابل للنشر ومنه الأبيات في توقيعي .

● من هو شاعرك المفضل ..؟

كل شاعر مبدع هو شاعري المفضل وقد يعجبني الشاعر ببيت من الشعر إلا أنه يخيب اّمالي ببيت اّخر أتمنى أنه لم يقله .

● أعضاء تثق في ذائقتهم الشعرية ..؟

جل الأعضاء أثق بذائقتهم الشعرية إلا أنهم يتميزون بينهم فبعضهم لا تفوته أدق التعبيرات والاّخر قد يمر عليها مرورك الكرام والعرب كلهم شعراء بتلك الذئقة ولو لم ينظموا الشعر فالذين تتحرك مشاعرهم بالشعر الجزل شعراء .

● بيت شعر يحضرك دائما ..؟

الطيب لا تستغربه من هل الطيب = اللي لهم في منهج الطيب خبره
أوسع على الأجواد من فيضة شعيب = وأضوق على الأنذال من خرم الإبره

● قصيده تعدها من أروع القصائـد ..؟

كثيرة هي القصائد الرائعة والتي تعد من عيون القصائد سواء في الشعر العربي الفصيح أو الشعر النبطي إن صحت التسمية وهذا أنموذج من الشعر المعاصر للشاعر / غازي بن دخيل الله بن عون الرويس العتيبي :-
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عفا الله عن عين إليـا مـن كـل نـام= جفاها المنام وسبلـت مـاء مدامعهـا
تفيض ومخازنها بزرق الدموع اجمام =ولا تقلـع إلا ليـن تنضـب منابعهـا
إليا من عينـي جفنهـا عن منامـه شـام =تجافا الجنوب من السهر عن مضاجعها
وقلبي يجـي للهم منجـاع واستجمـام =همـوم يقبلهـا والأخـرى يوادعهـا
سبايب فتاة رمحها من ثمـان أعـوام =يخج الضلوع وبسـرة الكبـد فالعهـا
فتاة تخادعني بالإغضـاي والسلهـام= وتجر العواطف ليـن فيهـا تطمعهـا
إليا أقفت ترخي عن صغار الثمان إلثام= وعن وجنة بالوشم الأزرق ترودعهـا
ولا شفتهـا يقتادنـي شوقهـا بخطـام= وريعت معها عقب صملـت أقاطعهـا
إليا جيت أوادعها تقول الوعـد قـدام= وطمعت بمبادي وصلها من تواضعها
ولا كنت أظن وعودها لي خدع وأوهام =ولا أظنهـا يمشـي علـي تصنعهـا
ولا كنت أظن بحسنها قبلي أحـد هـام =ولا قبلي أخذت جاهل فـي مذارعهـا
وبعد فعلها نيم الضحى من منامه قـام =ودرى عن مغيب انجومها من مطالعها
دريت إنها قد عذبت نسل حام وسـام =نصوب لعوب مـا تخلـي طبايعهـا
تعشر بلا زوج ونماها يجـون أتـوام= إليا أظنت نماها خانت اللـي مبايعهـا
يا كم بايعت من روس قوم ومن حكـام =بقت دورهم شهـب قفـور بلاقعهـا
خراب غراب البين فوقه يجـر أنغـام= وأهلها المنايـا جودتهـم بأصابعهـا
غدى ذكرهم بين البرايا تقول أحـلام= تحت قاعها صرعـى خلـي مرابعهـا
وكم جندلت من فارس فالوغى مقـدام= اصرعته وهو محتال فيها يصارعهـا
وبحر مكرها للي يعومون مـا ينعـام= ومن لا تطيعـه مالـه إلا يطاوعهـا
أثر تركي بن حميد معذور ما ينـلام =بدنيـاه لـو حـرج عليهـا يبيعهـا
ومثل ما ذكر تركي إليا صرت الأقلام =هل الحكي كثر الحكي ما عاد ينفعهـا
فلو البقى والمجـد والعـز لأحـد دام =تجلت نجوم الأنبيـاء فـي مواقعهـا
ولا نكست راية ملوك اليمـن والشـام =وهي ما أحد يقدر مـن أول ينازعهـا
لكن البقـى للواحـد المؤمـن السـلام =فهو رافع الرايه بحكمـه وواضعهـا
وبقعا مثل مـا قيـل لو إنهـا تنسـام= بعد ما ظهر لي مكرها مـع مخادعهـا
لأحرج على بقعا مثل قرشة الأيتـام =وأخليـه لا حـرّج يقـنـع مقنعـهـا
ولا أستثني إلا طاعة الواحـد العـلام= جزيل العطا مفني البرايـا وجامعهـا
بيومى (ن) يثبـت فيـه للمؤمنيـن أقـدام= ويجي فيه لأقدام الشقي ما يزعزعهـا
ورفقة مشاكيل عـزاز حشـام كـرام =لضيقة ضميري عندهم مـا يوسعهـا
أبادلهم الأشعار شروى هـل الدمـام =بروح عليهم دافـع الشـوق يدفعهـا
من الواد وادي سبيع نقريهـم السـلام= تحية شفوق من ضميـره يروجعهـا
وأخص الأديب أبو حمود الكريم اشمام =وعلى الربع منـي بالنيابـه يوزعهـا
وبأزكى الصلاة الطاهره والسلام ختام =على مسس السنـه ومعلـن شرايعهـا [/poem]

● هل لك محاولات في كتابه الشعر..؟

نعم لي قصائد شعرية بعضها مشهور مع الرواة .

● لك مساحة لكتابة بيتين مـن قلمكـ فـأمتعناا ..؟

ربعي سبيع متيهة كل عرماس = وربعك سبيع اللي تضد المضدي
أهل العبية معسفة قحص الأفراس = وخيالة الغلباء نهار التحدي

● لك مساحه بلآ حدود وحرية بلا قيود امتعنا بقصيدة على ذوقك ..؟

قال الشاعر الشريف / بركات المشعشعي :-
[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قال بركات الحسيني والذي له = جواد (ن) ما تدنى للمبيعه
قصير (ن) قينها وافي جماها = صغيرة راس منتجها رفيعه
معارفها كما بسلة حرير = وذات مناخر (ن) جلخ (ن) وسيعه
وحاركها كما ذيب موايق = على الرعيان ضاري للفديعه
لها صدر (ن) وسيع الشبح رحب = منفجة (ن) حواجبها تليعه
مليح وصفها واف شبرها= بري القين شيفه بالطليعه
منتجة الفيافي خيل نجد (ن)= طفوح الجري لينة الطبيعه
إلى ما سمعت الصوت المذير= تنط عيونها كنها خريعه
أبديها بما تملك يميني= من ألبان الخلايا والنقيعه
وأدنيها لمنقوش عياضي= ويا من صنع داود صنيعه
كرقراق الغدير بصفق ريح = على جنباتها القلعا رصيعه
ومع ذا طاسة صلدا ضمان= مخفضة (ن) مرفعة (ن) منيعه
وسيف (ن) من سيوف الهند بيدي= شباته باللحم ما له وقيعه
ومطرود الكعوب من البلنزا= وبه كالنجم سطواته فنيعه
اّلا يا ماجدي عندي سنادي= من العدوان وإن شاف القطيعه
مبارك الذي للجود منهل = وبذل الجود من كفه نريعه
سلامي مع تحياتي إليه= وقل يا سيدي وش ذا القطيعه
تعاتبني بذنب ما جنيته= وظني فيك حسن ما أضيعه
وإن عيرتني فأنا غذاتك= وهذي قالة (ن) كودا فنيعه
أنا ابن مبارك زبن المجلا= إذا الممنوع أشفى في منيعه
أنا وافي الذمام نقي عرض = عن المنقود لي نفس رفيعه
ولا خليت ربعي في مضيق= وكم من واحد (ن) خلا منيعه
أنا أبذل مهجتي من دون ربعي= وروحي بالوغا خوف الشنيعه
وأعلم سابقي يوم التلاقي= على المطروح ردتها سريعه
وكيف أرضى بخفض القدر عندك= ولي نفس عن الزهداء رفيعه
إلى عدت خصال الجود عني = تخير من معانيك القريعه
وصلى الله على سيد قريش = نبي الحق نصاب الشريعه[/poem]

وفي الختام أشكرك جزيل الشكر أخي الكريم وشاعرنا المحبوب نبع الوفاء / سعد المحمدي وأتمنى أن لا أكون أثقلت عليك ولا على إخواني القراء بإجابتي على تلك الأسئلة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .[/U][/SIZE][/CENTER]