منتديات سبيع الغلباء

[size=5][align=center]عديت مرقاب طويل وعملاق
= رجم طويل يبرح الخد شاهوق

رجم يوسع خاطري كل ما ضاق
= من عقب مشرافي بسميه مرزوق

عساه نون يزعج السيل دفاق
= ما هوب من عجل المعاصير مرفوق

نوٍ ثقيل راسين له تفهاق
= سيله على روس الغراميل مدفوق

يسوقه الغربي ولا هوب ينساق
= ويرده الشرقي ولو كان مسيوق

ما فيه رعاد ولا فيه براق
= بلا يهل من الهماليل برفوق

عقبه تشوف النبت كله بالأوراق
= مدهم ويكسي عاري الخد من فوق

وليا مضى عشرن وعشرن على ساق
= تشوف في بعض الدواوير زملوق

يفرح به اللي فيه يرعاه بنياق
= واللي يبيله سجة مع هل النوق

يا ما حلى والعشب غادن به أرناق
= صوت أم سالم بين عاشق ومعشوق

وشوف البيوت اللي بها قاطع ارواق
= في صيهد ماشيه ما هوب مرهوق

لا جاء الضحى من عقب حزات الإشراق
= تجمعوا والبن يحمس ومدقوق

في ربعة يوجد بها كل الأرزاق
= يجيبها اللي جاره الله من العوق

ويا ما حلى شوف الدبش عقب الإطلاق
= ما ردد الطياح والحشو مفهوق

تلد له صفراً تمايح بالأشناق
= صفراً كسوها بالمراير مع الطوق

صفراً خذت زين المغاتير وأعماق
= ما وقفوها عند أبو ذيب بالسوق

وصى عليها اللي كريم بالإنفاق
= بالبذل ما مثله مع الناس مخلوق

وعيا قليل الفود ما يصخي الناق
= ويقول لو حطوا لي الطاق مطبوق

أبغى ليا من حطوا العالم سباق
= أكون أنا السابق ولا ني بمسبوق

أخي الكريم / فارس السلام عليكم ورحمة الله وبركاته وبعد : شكرا جزيلا لك على نقل هذه الإستغاثة الجميلة ورحم الله قائلها وأسكنه فسيح جناته واغاث الله البلاد والعباد والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .[/align][/size]