اخوي صقر الحماد :

عز الله انك عرفت من تمزح معه في المنتدى .....

مزحت على واحد ٍ يحب المزح وصدره وسيع

مزحت على واحد ٍ كل من فالمنتدى يحب ويتمنى ان يمزح معه ..... فعلاً اسم على مسمى .

واشهد بالله انك صقر من يوم اخترت مزح ٍ معه دون غيره من غير قصور فالباقين .........

الا اذا كنت تعرفه من قبل .... فهذا طيب ٍ على طيب .


اسمع ياصقر :

[poet font="Arial,4,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
انا اشهد انك صقر ياابن الكرامي = يومك عرفت المزح وين انتهاجه

اخترت تمزح مع رفيع المقامي = اللي مع الاصحاب يضحك حجاجه
[/poet]


اخوي المزاح بيض الله وجهك على روحك المرحه وصدرك الرحب الذي
يتقبل المزح وفعلاً اسم على مسمى ... وكم تمنيت ان اخوي صقر يمزح
معي مثل مامزح معك ..... وكم اغبطك على اتساع صدرك وهذا من طيبك .


اسمع يالمزاح :


[poet font="Arial,4,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
تقديرنا والشكر والاحترامي = واعجابنا بك بالخفى والمواجه

ياطيب فعلك لو تكب الملامي = وتجزّل عن اللي ابتداء بالعواجه

وانت الذي تعرف طريق النظامي = ولا عاد ينفع بعد كسر الزجاجه

[/poet]


وسجلووووووووو تقديري وشكري لكما


اخوكم

ابو فهد

مرحبا اخوي ابو فهد وشكراْ على مشاركتك وشكراْ على الابيات

ويعطيك العافيه على الكلام الطيب


واسمع يابو فهد :

[poet font="Simplified Arabic,4,white,bold,italic" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=""]
يابوفهد يابن الربوع الحشامي = وترى الخطا عند الآوادم سماجه
ولابدر مني غلط في كلامي = ولحدٍ يحب الضلم حتى الخواجه
ومن عارض الطرشان ماله وسامي = ويابو فهد كلٍ يميز خراجه
[/poet]

وتقبل تحياتي00000وشكرا

السلام عليكم ياأهل الصدور الوسيعه..
الرد للجميع واولهم المزاح..
والله منت بمزاح الا فضاح..!!ماصار ديك .. صار جورج بوش الابن!!
اجل مسمي نفسك المزاح ليش مو عشان تمزح ؟؟ ولا له معنى ثاني.. اذا كذا اسف اخوي..اما اذا تبي تمزح ولا احد يمزح عليك معصي:mad:
ديكنا ردوه لنا نسوي عليه عشى بعيد راس السنه..لو مهديه لأمريكي استانس مو انت يالفضاح..!!!
ولا الباقين كلن قام يفرد ويستعرض عضلاته الشعريه على راسي:(

وقفوووووو:o جاكم الصقر.....
لقيتو لكم سالفه بالمنتدى حقكم تسولفون فيها.. ماصارت مزحه؟؟!!

ياااامزحه..ياحلوووووه..
يامزحه اختي ارجعي محلك سالمه غانمه... جيتي لعرب مايعرفون المزح والسويلفات الحلوه والدوعابات...
والله شفته ديك يواجه ويبيض الوجه وجبته هديه... وخليتوها هوشه..
خلك .. جعلك ماتقوم يالمزاح.. دامك ماتعرف المزح ليه تنشدني عن طيري..تري مازعلت من سبكم لانه يقولون من سبك حبك..وانا اعرف انكم تحبوني ومستانسين على ديكي..اللي طلع مواهبكم وقريحتكم الشعريه.. صارت قرحه مو قريحه..
وبعدين قاعدين تنفخون علي تحسبوني ماني من الجماعه .. تري سبيعي منكم وفيكم.. ولافيكم زود علي.. بس ان دمي خفيف وغرتو مني.. ياثقال النفوس
وللمعلوميه .. الحماد لكل الصقارين مو بس لأهله..
ولاترضوني تراي مازعلت.. ولاني بطالع من المنتدى .. لانه اذا طلعت من يهديكم غيري؟؟
والله اني احبكم .. وتحياتي لكل من ساهم في شتمي..

اخوكم
بابا نويل الحماد<<<<< ابو الهدايا

ياخوي صقر الحماد (( ابا الهديا )) :D

ياخوي انت منا وفينا ولاحد قال غير ذلك ومن قاله مخطي ولا عليك منه .

وهذي مزوح تجي وتروح

واخوي المزاح مازعل منك ولا زعل من الهديه

ولاحد ٍ شتمك الله يهديك ......

وارجع للردود وراجع نفسك مافيه ولا واحد سبك او تلاحظ في رده زعل :D

بس انت يمكن قريت خطاء او فسرتها خطاء


بالعكس لو تلاحظ الردود تلاحظ انك اغلى واحد فالمنتدى وارجع وشف:)

ودمت سالماً غانماً يااخ العرب

تحياتي

ابو فهد

اخ العرب يسلم عليكم
وترا اخ العرب يعرف ال...... من ال........ وانت تفهمها:D؟؟

وانا مافهمت غلط وكل شي واضح..ليه شايفني امي مااعرف اقرا:rolleyes:

الا اذا انتم تكتبون شي ماتفهمونه هذا شي ثاني.. ولا انتم تمطنزون علي قولة المثل..
يامطينزه وين انتي رايحه ؟؟ قالت بروح اتمطنز...

صحيح اني ماني بشاعر بس افهم الشعر ومعانيه وعلي لسان ارد فيه مو شرط اكتب قصيد:cool:

وصحيح يابو فهد على قولتك من الردود عرفت اني اغلى واحد في المنتدى:D

اشوفكم مشاء الله تحاشمتو علي.. وانتم تعرفون بعض.. وانا مسيكين توني جاي وادربي راسي
عندكم بالمنتدى:(مااعرف احد.. بس تدري

الله يبارك بالديك اللي جمعنا وعرفنا على بعض:D

ولكم مني احلى سلام

ياصقر :mad:


الدعوى كلها مزح:D

وحنا تجمعنا على المزح وكلامك مايبين الا انت صدرك وسيع وانشاءالله ماهنا الاالزين

ولايكون في خاطرك شي وانت كانك سبيعي فوالله ان ذا المنتدى واصحابه وخذها مني ماعملوا عملهم الا عشان
القبيله ككل

فكر وذوق وتوجهه


بس لاتشيل في خاطرك;) وماجا الا الزين وكلنا بنينا النيه على الحق وانا النيه صافيه عند الجميع

وكلنا اهل مزح وخطرنا وسيعه ومن كان غير كذا فل يتنجهالى منحنى غير هالمنحنى

والله يهديكم يوم سجلت معكم قلبتوا منتدى الطرايف الا فضايح

والكلام موجه لك انت والمزاح

وكلم على راسي من فوق
وقدركم عالي عند الجميع

والله يحفظكم;)

اللي يبي يحب خشمي بالدور لاحد يسقط :D

والله ياسارس كلامك حلو
وكلك ذوق
ومايجي منك الا الزين
وماهنا زعل ان شاء الله

وبالنسبه لحبة الخشم..محد بماخذها اطيب منك..ولكن يحول دونها الكمام اللي انا لابسه:D

لو منت بسارس كان انا اول من سقط وحب خشمك

وابشرك...:D

لقيت لك علاج يمدحونه.... بزر الحنظل و شوية صبره.. وحلتيته.. مع رشة عنزروت..:rolleyes:

لو درت به الصين طولت خشومهم:D

وتحياتي لك ولكل القائمين على هذا المنتدى

اخوكم ... بابا نويل الحماد..(( ابو الهدايا)):cool:

رد : طير المزاح.. من صقر الحماد..هديه
 

مشكور اخوي صقر الحماد
وتقبل تحياتي
شحيفان بن ملفي ال حماد العريني السبيعي

رد : طير المزاح.. من صقر الحماد..هديه
 

مزح × مزح = شعار


صحت السنتكم