رد : قصيدة سعد بن ثلاب المسماه الوثيقه
 

حياك الله يالقباني في أي وقت وأنتم لنا منذ القدم أبناء عمومة وأنساب

وأضيف أن القويزاني سمي بهذا هذا الاسم نسبة إلى ضاحيته القوز من قرى الشماسات في رنية حيث إن سكانها الشماسات كان يقال لهم القوازين تمييزا لهم عن غيرهم من القبابنة

رد : قصيدة سعد بن ثلاب المسماه الوثيقه
 

صح لسان شاعر التوباد ..

ولا هنتوا جميعا يا بني عمي .. والنعم في سبيع كلها .. والقبابنه منا وحن منهم ..

تقبلوا تحياتي ،، ودمتم سالمين ..

اخوكم
محمد بن سلطان الثوري

رد : قصيدة سعد بن ثلاب المسماه الوثيقه
 

صح لسان شاعر التوباد

رد: قصيدة سعد بن ثلاب المسماه الوثيقه
 

مساكين يالقبابنه
ابتلشوا ماهم عارفين هم سبيع او سهول
لاحول ولاقوة الا بالله
انا قباني من الكويت لن ارضي بغير السبيع لي قبيله اما من يدعي انهم سهول فهذا لحاجه في نفس يعقوب
ومالى شغل بدكاترة المنتديات الاشاوس

رد: قصيدة سعد بن ثلاب المسماه الوثيقه
 

توضيـــح بسيط فقط .. بما إني معاشر سهول ومخاويهم انا اعرف مناجله (( آل منجل )) واعرف لي قبابنه وقريبين منا وبيننا عشرة عمر .. المناجله كلهم يقولون حنا مشاعبه اللي هم من بني عمير من سبيع بن عامر بن صعصعه وكذالك القبابنه يقولون حنا شماسات من الزكور من سبيع بن عامر لكنهم ينتمون للسهول اكثــر من سبيع لانهم ترابطو تحت اسم قبيلة وده ودافعو عن انفسهم وهذي حكمة الحياه لكنهم لايكنرون انهم ابناء عمومتنا واننا اقرب الناس لهم وحنا بعد ماننكر هالشي .. والله يعطيكم العافيه اتركو هالفتنه فانها منتنه ..

رد: قصيدة سعد بن ثلاب المسماه الوثيقه
 

[CENTER]مساكم عطر

اول شي الذين يدعون انهم من القبابنة لن ولم يغيرو المحبة مابين السهول والسبعان
وكلامهم مايؤثر في القبابنة اصلاب السهول الذين وقفو يد واحده دفاعاً عن اسم السهول

وعلى مر الوقت الى الان والله مايسب سهلي والسبيعي حاضر ومايسب سبيعي وبه سهلي حاضر
والشواهد على ذلك كثير


في السنوات الاخيرة طلع لنا موضة تغيير القبيلة
القبابنة على مر الوقت هم من قبيلة السهول ولا يختلف على ذالك اثنين
والشيخ ابن شخيتل معروف عند القبايل كلها وهو من القبابنة من السهول فكيف بلاه عليكم سهلي يصير شيخ على سبعان ماتصير هاذي او العكس سبيعي يصير امير على سهول ماحد يرضاها
مع العلم ان السبيعي والسهلي عيال رجال واحد الي هو عامر بن صعصعة

وفي قصة نزوح القبابنة من رنية هاذي نكـــتة
والسهول كلهم نزحو من رنية جميع ونزلو في نجد ثم الى العارض
والقبابنة كانو في العارض وبالاخص مع المحلف من السهول وصارت مشكلة بين ابن شخيتل والكرك امير المحلف
وصار معركة
وابار القبابنة موجوده في شعيب الشعب وموجوده الى الان والي يبي يتاكد يروح لشيبان المحلف
بعدها طردو المحلف القبابنة الى الجنوب ويشهد على ذلك شيبان السهول كلهم
وشاهد القصة قصيدتها ومنها بيت يقول شاعر محلفي

جدي حدى جدك على روس ضلعان = = حدة من ورى الغيل وداراً وبية

لما يعرف ان الغيل الي هو ديار القبابنة ماكان احد يسكنة لوجود الامراض والغيول

والسهول والسبعان مابينهم فرق ربع وعواني

اما بالنسبة للقبابنة فهم سهول ولا يرضون بغير السهول


وللعلم فية من القبابنة من كتب في بطاقتة الشخصية الدوسري وموجودين فالعزيزية فالرياض ومنهم من يكتب التميمي
وهم الان في حوطه تميم راحو تميم

ياليت ان الذين يدعون انهم قبابنة ان يجدون قبيلتهم الصحيح هل هم من الدواسر ولا من السهول ولا من سبيع ولا م تميم


وليس القبابنة هم من سبيع فقط فغيرهم من السهول ايضاً
وفيه من سبيع افخاذ ترجع الى قبائل اخرى وكل القبائل احلاف ماعاد قبيلة قحطان
فمثلاً :
الدويش شيخ مطير هو من شهران ولم ينكر ذلك
ابا العلا امير العصمة من عتيبة من شهران
ابن حميد امير عتبية من الكرزان من البقوم

وعندك العوازم من عتيبة يعودون في القريشات من سبيع
عندك الحمراء من بني هاجر من سبيع
عندك الفراج من سبيع يعود عنزي ومعترف بذلك
وانا اعرف احمد بن سلمان الفراج يقول انا من عنزة ولكن مانطلع من سبيع كود يطلع الماء من العجين

كل القبايل من بعضها احلاف لكن ماحد راجع بعد خمس مية سنة او الف سنة توة يلقى جدة خلاص اندمجت مع قبيلة خلاص خلك معها

هذا ما احببت ما ان اقولة

وارجو ان لا احد يزعل من الحقيقة [/CENTER]

رد: قصيدة سعد بن ثلاب المسماه الوثيقه
 

شكر شاعر التوباد على القصيدة وصح الله لسانه
والله يبيض وجه أبو عمر على ماقام به
الشيء الي حبيت أنوه عليه وأذكره
تعقيب لما قاله المحلف السهلي
أنا ابناء الشيخ سعد بن مجلي الملقب بسعد بن قبان هم ال جلال
ومنبع القبابنة الغيل والكل يعرف هالشيء
لاتجيني تقول ال فلان وال علان يقولون انا سهول دواسر عنوز بقوم قحاطين
المعروف معروف ولا زيف البعض الحقائق
وانشد ابناء الشيخ سعد الي هم ال جلال
ويعطونك العلم
أنا يا ال مجلي لنا ابناء عمومه فالبحرين ونزوحهم من 80 سنة وكاتبين المجلي السبيعي
والبعض من الجماعة ضايف المجلي السبيعي والبعض مكتفي بأسم العائلة
ولو تدخل موسوعة كبار شعراء سبيع تحصل الشاعر ابراهيم بن راشد المجلي القباني السبيعي

انت طال عمرك شفت شخص واحد او فرع من الفروع التي تنتمي للقبابنة وتستدل به
والبعض يذكر انه من القبيلة الفلانية لمصالح شخصية
لكن الله يبيض وجه ابو ثنين يوم طرده وقال رح دور أصلك
واسف على إلاطالة