منتديات سبيع الغلباء - فقيد الشعر / عبدالعزيز البراهيم السليم

[size=5][align=center]نستأنف معكم بقية القصائد لشاعرنا المميز[/align][/size]
[size=6][align=center]يقول[/align][/size]

[poem= font="Traditional Arabic,7,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
سرى بارق جنح الدجى بالحيا مامـور = ترفرف بروق معقرب بالدجى سـاري
تنهض من الريعان نوه عطى بحـدور = يسوقه عظيم الشان في دبرة البـاري
اغشى سيله الوادي وحدر يمين القور = تخيل الخباري صافيٍ نقعهـا الجـاري
مرابي خشوفٍ عقب خبري غدن بحور = تدش السفينه ما لمس زورها العـاري
الا يا غزال فيه ملح الهـوى منثـور = الى قلت كم البيع ما ناسـب الشـاري
وانا فيه مثل مصخرٍ شال حمل الجـور = وهو يا سعد مهوب عن علتـي داري
غزاني بنجله يوم ضف الهدب بفتـور = احسبه يلاعبني وهو قصـده يمـاري
الا يا جريح صوبنـه بنـات الحـور = براه الهوى بري القلم في يد البـاري
تصبرت واثر الصبر ما يبعد المحـذور = يهب الهبوب وينكس التبـن للـذاري[/poem]

[size=5][align=center]

ويقول في قصيدة اخرى[/align][/size]
[poem= font="Traditional Arabic,7,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
يالله يـا واحـدٍ معـبـود = يرجون الاجواد معروفـه
وش حيلة الضايع الملهود = من ضيم الايام وصروفـه
ما دام غبر الليالي سـود = سود على البيض مردوفه
تعطيك من طيّب الماجـود = وتبدل الطيـب بحسوفـه
دار بها المهتنـي مفقـود = ذله يباريـه مـن خوفـه
يلعب بها السيد المسيـود = ابماطل الكـذب وحلوفـه
خذ ما ترا بالرخا والكـود = ومصادم الوقت وحتوفـه
ما دام ليل السعد وسعـود = يوم ان الاكواب مصفوفـه
والكيف من بيننا ممـدود = يشرب اويعطين بكفوفـه
اشرب وباب الحيا مسدود = حلـوٍ يباريـه قرقـوفـه
ليلة يروح القمـر ويعـود = مسلويـة العنـق مالوفـه
والله فلا انسى دقاق العود = روحـي بلامـاه مكلوفـه
أخذ معـه سجّـةٍ وقعـود = ماسلي عن الريم وخشوفه
ما خاب ظني مع ام جعود = وش يمنع العين من شوفه
اشيل نصف الهوى والزود = ويشيـل باقيـه بكتوفـه
وان سايلوا ما عنه منشود = جوده من الروح لضيوفـه
لو صاير بالهوى منقـود = ما ضيفوهم هـل الكوفـه[/poem]

[size=5][align=center]

وهذه من قصائده المميزة[/align][/size]

[poem= font="Traditional Arabic,7,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
الاعب بالهوى عذرا مليحـه = ذرير الملح ينثر من شعاعـه
قضيته يوم لي نفسٍ مريحـه = زماني بالهوى يطرخ شراعه
انوح بجانب الدار الفسيحـه = الا يا دار يـا دار القطاعـه
اعيد ترابهـا واشـم ريحـه = بخبري يوم صبيان الشجاعه
واباقف فوق مطوي ام شيحه = على حد القليب من الرفاعـه
واصوت واتبع العبرات صيحه = على دار حوت حزن الجماعه
اعـزي حيهـم والله يبيحـه = واجدد حزنهم في كل ساعـه
الهي ارحم الـروح الجريحـه = ابجثة مسلـم مثـل الوداعـه
سقى حمر العداين والصفيحه = ابمزن الصيف ما يعطى مناعه
تهشّم وانتثر واقبـل طفيحـه = بروقه تاخذ القلب الرعاعـه
من القلته الى صفحى مطيحه = زما فوق النفود من الوساعه
ونرجي خالق النفس الصحيحه = يقيسونه ولا يلقـون قاعـه[/poem]

[size=5][align=center]

اللهم نسألك من فضلك وخيرك باكريم

ويتبع ان شاء الله

[/align][/size]