|
رد : { ملحمة قبائل سبيع الغلباء }
الاخ ابو يزيد والاخ الشالي السلام عليكم ورحمة الله وبركاته وبعد يقال في المثل كفى المرء نبلا ان تعد معايبه والشاعر ما قصر وبيض الله وجهه وما مع كمال تعذر وهو يقول مويه وادخلت ميه خطاء والسلام
|
رد : { ملحمة قبائل سبيع الغلباء }
[poem=font="Simplified Arabic,7,white,normal,italic" bkcolor="transparent" bkimage="backgrounds/22.gif" border="none,medium,white" type=2 line=0 align=center use=ex num="0,black"]
منهم عرينات ٍ تراوع به العداء لاجاء اللقاء وإصطكت الجيلان ألاد العريني محتمين التالي تشهد لها الاجناب والصدقان كم فرقوا من جادل ٍ عن خليلها ودموعها هلت على الأوجان وكم سربة ٍ يوم اللقاء عيدوا بها فوق المهار وكل أصيل حصان يانعم يالاد العريني وأفتخر بأفعالكم لاحنّت الحيران ومنهم عوامرة ٍ مطوعة الصعب حريبها يصبح لها مرسان حريبها دايم بقلبه عله مايستلذ النوم من الاحزان عوامره كل ٍيهاب رجالها من ضربها ماتسلم الأكوان ياكم خذوا ذود ٍعلى وضح النقاء والعامري كسبه ماهوب خيان ينطح وجيه الخيل لاناحروا بها ويلحق على اللي كنها شيهان وسم ٍ ذحاح ٍزايد ٍحنظليله على عدوه دفقة الثعبان وغيث على الجيران والضيف والخوي ومن الصخى يذبح سمين الضان ومن ربعي العزه هل العز والشرف قولي صحيح ولا عليه غشان قبيلة العزه لها ماضيها واليوم حاضرها مثل ماكان تاريخهم يشهد لهم بالطوله وإلى إعتزوا فان إسمهم عزوان يانعم بالعزه عسى الله يعزهم شر ٍ على اللي غزه الشيطان العزه إسم وقسم والله قسم لهم وأفعالهم بين الرجال سمان ومن فعلهم ياوقة ٍبالحاير سمي بها الحاير عقب ماكان ومن ضمنها سيف الشجيع الصامل اللي فلق قرو ٍوروس اثنان قطع رقاب الترك في ميراده سيف ٍيداوي علة الوجعان حده وريع ومن ضربه صامل يبرد طنى من خاطره طنيان والى ذكرت فعولهم تشفيني فعل ٍ يطيولني وأنا طربان ولو كنت أعد فعولهم مااحصيها الله يرحم شيخهم جفران شيخ ٍ جميع الناس تعرف طيبه ولوغاب نجم النجم الاخر بان ومنهم جمالين ٍ يجّمل فعلها يانعم والله وأمدح الجملان شر ٍ على اللي حايشه مقروده على العداء كنهم رحى طحّان تكسر زمام القوم في ميراده تبقم وتدقـم شوكـة الـحـدمان تنسيق فقط [/poem] |
رد : { ملحمة قبائل سبيع الغلباء }
[poem=font="Simplified Arabic,7,white,normal,italic" bkcolor="white" bkimage="backgrounds/22.gif" border="outset,medium,white" type=2 line=0 align=center use=ex num="0,black"]
وإن كنت اماري يطلقون لساني فعل ٍحقيقي يشفي السقمان وباقي قبايلهم فلومانعدها فعولها مثل الفجر بدران كل ٍ عرف عنها وكل ٍ درابها الحضر واللي ينزل البران جواسة ٍ نواسة ٍ حساسه تضوي عدها ضوية السرحان ربعي بني وأولاد عامر قبايل ٍ يرجح لها الميزان قبايل نفخر الى حل ذكرها ياكم رموا من مشرك وخوان وياكم قزى في وردهم من سربه شي ٍ يشيّب جاهل الغران خيالة يوم اللقاء مشهوره فريسها تخضع لها الفرسان وإن جاء الكرم ربعي هل المثلوثه سعد الغريب الى لفى ضرمان وإن جاء بعز الجار ياسعد جارهم قصيرهم يدعى على الخرفان وإن جاهم المحتاج يلقى حاجة لاشك مافي لابتي نقصان مدحت ربعي ماعليّه لايم ومن لامني جعله لهم حذيان من بعدها يالابتي ياعزوتي ياسبيع ماخصيت شخص فلان أرجو السموحه كان فيها قاصر مايكما إلا الله عظيم الشان فعولكم ماوالله احصي اعدادها خذيت ماضيها من الشيبان تنسيق فقط[/poem] |
رد : { ملحمة قبائل سبيع الغلباء }
[poem=font="Simplified Arabic,7,white,normal,italic" bkcolor="white" bkimage="backgrounds/22.gif" border="outset,medium,white" type=2 line=0 align=center use=ex num="0,black"]
الشاعر سعود بن مسند المجمعي السبيعي في تكملة الملحمه الرائعه فعولكم ما والله احصي عدادها وخذيت ماضيها من الشيبان ومن بعدهاباذكر فعول القبايل واخصهم بالفعل والبيان قبايل في المملكه مشهوره نشدلها بالسر والاعلان في كل دار حقها من رجالها والاوله تختص بقحطان قبيلة يوم الجهل معروفه وافعالها مضمونة ضمان من بعدهم شمرهل العز والشرف شمرجمال الشيل بالوكدان اقولهاوالله على مااقوله الشمري يدين مايندان اماعنزه من ماضي الدهر واخره قوم تهدم سيد الحيطان قلت عنزه واقول نعم اللابه من ساس وايل نعم بالويلان وقبيلة العجمان لاوصل عدها ياويل من تلوي به العجمان قبيلة منها الشجيع الفارس ياجاهلين اسمه فهوراكان واما الدواسرناطحين الغاير ماهمب في يوم اللقاء شردان وبني رشيد اهل اليدين الطليقه ياكم فرقوامن جملة الخلان لاجاء نهار فيه عدل ومايل بين العزاوي هن والاديان اما بني مره فمر حالي مروين حد المرهفات سنان اما الظفير مظفرت من عنالها قوم على الجيره لهم حنان واماالسهول اهل الفعول الوافيه اللي وردهم راجع ظميان لادارهم ذيب العشاء ما صادهم يدوج ويعود وهوجيعان والادالعتيبي هل فعول قديمه لاثار عج وكاضمات اعنان ذباحة الحايل عسام العايل الاد العتيبي لابة ظفران محدن دخل حد العتيبي وهازه الاعقب ماياخذاستئذان اماقبايل حرب لاوصل عدها تشهد معي بفعولها البدوان نطاحة البارود ساعة يحتمي وفعولها بنين على سيسان ومطير لاجت بالزعل والتحدي كل القبايل خافوا المطران واذكر بلي بلوا على كل عايل واماجهينه فاعرف الجهنان اهل الجمايل في نهار الدبايل في ظلهم تريح الرعيان وسليم ما حي رعى بحماها ولاكل جمع ينطح السلمان وبني عطيه محتمين الرديه لاجاء نهار يفخر الكسلان واماالشراري بالشجاعه يماري وفعولهم يثبت لها وجدان والحارثي محراث نار حاميه وهذيل لاعدومع العمران وغامد الى عدوا رجال الشجاعه رجالهم ياتيك لو حفيان وان سلت عن الاشراف لاوصل ثقلهم هم الرجال اللي لهم عنوان يانعم يالاشراف وانتم هل الشرف ولايجحد الشجعان كود هدان اماالبقوم اللي تعرف العاني سم على كبدالمعادي لان امابني شهران لاوصل عدها فالناس كل يعرف اشهران اما قبيلة يام يوم المعارك ياكم غدى في دقلهم هموان وعسير عسرين على من هازهم وكم واحد من ضربهم خمدان والاحمري والاسمري والقرني منهم الى حتى بني زهران اما بني مالك فهي معروفه والبارقيه هم واهل جيزان اما بني شهر لاوصل دورهم ذكرتهم بالفعل مع شمران وياناس ياللي ماذكرت اسماكم والله ماخليتكم حقران وهذا الذي قلته وعد لساني ارجوالمغفره منك يارحمان الله يغفر مامضى من ذنوبي ارجيه ماغيره لنا لجوان والسلام تنسيق فقط[/poem] |
رد : { ملحمة قبائل سبيع الغلباء }
الاخ وافي السبيعي شكرا لك والشكر موصول للاخ ابو يزيد والاخ الشمالي وكل من قراء هذه الملحمة الفريدة من نوعها الرائعة في نظمها وسبيع الغلباء تستاهل اكثر والسلام
|
رد : { ملحمة قبائل سبيع الغلباء }
والله يا مسلط 22 لا شكر على واجب ولكن ارجو من الاخوان يشوفو موضوع
التنسيق يا الادارة المحترمين |
رد : { ملحمة قبائل سبيع الغلباء }
[size=5]اخوي/ مسلــــــــــــــط 22
هذا الواجب واقل مانستطيع ان نقدمه (للغلبــــــــــــاء) ولكن ياليت الاخوان في الاداره يشوفون وش مشكلة التنسيق (اخاف يصير ياكد مالك خلـــــف)[/size] |
رد : { ملحمة قبائل سبيع الغلباء }
الاخوة المشرفين على منتدى قبيلة سبيع
بعد التحية قراءة الملحمة والردود عليها من قبل بعض الاخوة وحبيت ابي بعض الملاحظات وارجو ان يتقبلها الجميع بصدر رحب وقبل كل شي بيض وجه الشاعر مسند بن سعود وصح لسانه وفهو اجتهد وماقصر ولا يلام المر بعد اجتهاده ولكن اولاً هل تم اخذ راي الشاعر على طرحها بهذه الطريقة وبهذه الاخطاء اللغوية والتي سجلت منها التالي . الحميدية والصحيح ال محمد أو المحمدية. الاد السويدي والصحيح الاد بن سواد . ياكم سعو يوم الجهل والصحيح شعوا . الاد فرعون والقصد الفراعنه والصحيح الاد علي . ويمكن يقول قائل انها اخطاء مطبعية والجواب هذا عندنا نحن لآننا نعرف بعضنا لكن الذي لايعرف إلا قبيلة سبيع ماذا يقول الشي الثاني مدري هل شاعرنا طلب من القبائل الاخرى أذن بذكرهم ولن اقول مدحهم وهو ماجعل بعضهم عرضة للهمز والغمز اخواني شاعرنا ربما لم يعلم انها سوف تداول قصيدته بهذا الشكل وعليه فهو معذور اما العتب كل العتب على الاخوة الناقلين الذي لم يحسنوا الكتابة والتسلسل بالترتيب وهذا رايي الخاص عموما جزاكم الله خير وبيض الله وجه الشاعر مره اخرى |
رد : { ملحمة قبائل سبيع الغلباء }
الاخ السبع السلام عليكم ورحمة الله وبركاته وبعد عندما قال الشاعر سعود بن مسند القصيده ووزعها فهذا اذن بنشرها وبعد ماانتشرت لايملك الشاعر منعها لانها صارت ادبا وملكا خاصا بكل سبيع اما ال محمد فينتخون بالاد الحميدي وجدهم محمد كما تنتخي العزه بابن عزوان وجدهم عزيز وكما تنتخي الشايابين بالاد مشيب وجدهم شيبان وقد قال الادابن فرعون يقمح عدوها والاد السويدي جمه لابن سواد والقبائل الاخرى لايشترط منهم الاذن لانه مدحهم والسلام
|
رد : { ملحمة قبائل سبيع الغلباء }
السبع 501
السلام عليكم ورحمة الله وبركاته اخي الفاضل اكيد الشاعر يشرفه نقل القصيدة والا كيف تكون الفايدة والقصيدة تستحق النقل وتستحق النشر وبالاخص في هذا المنتدي لاان الشاعر سبيعي واما عن الاخطاء فالمجتهد خير وافضل من الذي لايفعل شي تحياتي لك خي العزيز السبع 501 |
| الساعة الآن 00:06. |
Powered by vBulletin® Version 3.8.11, Copyright ©2000 - 2025, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها