|
رد: 000000سري للغايه
احتجاج الشماسي 1
اثناء لعب مبارة في كرة القدم القطنية قبل تصنيع الكره المطاطية تقدم الشماسي باحتجاج على حكم اللقاء بكون الكره المستعمله ينخفظ فيها مستوى الهواء عن المحدد حسب لوائح الفيفا مما حدى بالحكم الى استدعاء خبراء من الدول المجاورة لتقصي الحقائق والتأكد من صحة الاحتجاج 0 ما هو احنا عندنا كل شئ من الخارج ما احنا معتمدين بعد الله الا على البترول عفوا نعود لموضوعنا وقد قبل الاحتجاج شكلا ورفض مضمونا واستكملت المبارة بعد ستة ايام وقد هيئ للاعبين المكان للنوم حتى الرد على الاحجاج المقدم من قبل الشماسي وذلك لصعوبة سفر الللاعبين وعودتهم للمبارة مرة اخرى نظرا لكون الطريق بعيد والسير على الابل يستمر لمدة خمسة وعشرون يوما وبعد البدء بالمبارة اطلق احد البدو الرحل ماشيته في الملعب الزراعي ضنا منه بأنها روضة طبيعيه ولم تفلح اللجنة والحكام من منع البدوي من القيام بما يريد واشعال النار في نصف الملعب مما حدى بفريق المثري تقديم احتجاج على فريق الشماسي كون المبارة تقام على ارض الاخير وما زالت الاحداث مستمرة ( صار مسلسل مكسيكي ) وسنوافيكم بباقي الاحداث في وقت اخر والسلام عليكم ورحمة الله وبركاته |
رد: 000000سري للغايه
الحتجاج الشماسي 2
ولا زالت الاحداث مستمرة في بمباراة الشماسي والمثري على ارض الفريق الاول وبسبب تعنت الفريق الثاني من اكمال المباراة الا بعد اخراج البدوي من ارض الملعب الا ان الجمهور صب جام غضبه على الفريق الضيف وقد تم الاعتداء على عناصره بقذفهم ببعض الاقط و بعض الاحجار الموجودة في المكان المخصص للجمهور ولم تفلح الوساطات وقد اضطر شيوخ القبائل واعيان المنطقة من اقامة وليمة عشاء للجلوس لنماقشة القضية والبث فيها وقد تناول وجبة العشاء الفريق الضيف مع معازيبهم في اجواء تسودها المحبة والالفة والنقاء وبعد المناقشة استقروا على ان يتم بدء المباره باليوم التالي 0 وفي صبيحة اليوم التالي فوجئ الجميع ببناء بيوت الشعر حول الملعب الذي اصبح مرعى مقصود من جميع رعاة القبائل المجاورة له من اجل ماشيتهم وبعد مداولات عده احتكم الطرفين الى قبيلة مجاورة لحل النزاع على المبارة وقد تقرر ان يتم الاحتكام للشيخ فلان لعله يحكم المبارة بعد انسحاب الحكام لتأخرهم لمدة شهر في الموقع ولم يحصل ما يفيد بإنتها المشكلة والوصول الى حل هل يحكم القاضي والحكيم المباراة ام يرفض لنا معكم لقاء اخر فتابعونا |
رد: 000000سري للغايه
احتجاج الشماسي 3
هذا وقد افادة الجهات المنظمة للمباراة بأن عدد الجمهور فاق الخمسين الف متفرج وعند حضور متفرج جديد يلف كامل المدرجات مصافحا الجمهور فردا فردا وقد اقيمت تكتلات داخل المنطقة المخصصة للجمهور حيث اعتمدت اساليب الظيافة القصوى بإقامة الوليمة لكل مشجع ينزل على اي من جماعات الجمهور وقد تقرر ان توزع المباراة على شهر كامل حتى يتمكن الجمهور من متابعة المباراة والاعبين من اللعب حيث يظطر الحكم كثيرا لتوقيف المباراة لسلام الجمهور الداخل الى ارض الملعب على الحكم واللاعبون ولذا تقرر ان تلعب المباراة كل يوم خمس دقائق وباقي الوقت يبقى لرد التحايا وحضور الامسيات الشعرية وتلبية دعوات العشاء التي يصر اصحابها على ان تلبى ولنا لقاء اخر يجمعنا نكمل به المباراة راجين ان تتمتعو بلعب ومهارات فنية راقية وما لدى اللاعبون اكثر مما تتوقعون والى لقاء اخر |
رد: 000000سري للغايه
العريس الي جاء يخطب البنية الي انا وصي عليها
وفي الاصل ما فيه بنت قالي حق الله انها ما تزوجت ان كان هذا رايها وان كان هذا رايك حق الله انك كسبت اثمها اقول انت لونه كعبه مافيه غيرها ما تشرطتو هالشروط مير فك الباب خليتي اسري لهلي انت الظاهر ( سكت) قلت له انا انا مركب لي زنبلك الحريم يشغلني وان ما فرن الزنبلك اقعد محلي حبيبي ان عجبك وان ماعجبك اشرب قهوتك ورتاح ترى ما فيه بنت للزواج بس اتفقنا عليك شفناك هايم تدورلك بنية تقول حبة سبحه انفرطت منك وتدور عليها قم بعد ما تقهوا خل ابوك يخطبلك ان كان فيك خير ما هو يسحبونك الدشري ويلعبون عليك من كثر ما تدور الزواج يالهايم وتصافت القلوب وتعشينا بعد ما عرف انه مقلب وسرو وكل يوم وهو يطق الباب يدور السواليف وكل ما جاء اقوله والله مافيه عروس نمزح |
رد: 000000سري للغايه
[size=6]المثري عاد المباراه انتهت كم كم
تراني غبت عنها بسبب امني!!![/size] |
رد: 000000سري للغايه
احتجاج الشماسي 4
ياحكم يانهار شوف ماجد الشماسي يجي من كراسي الاحتياط حق فريقة ويجي عندنا اسمع يا ماجد المباراة في اولها بعد ما انتهى شئ منها وان عادك تعديت يم كراسي الاحتياط حقيني اشتكيتك للشرطه انا زيي زيي اداريي الوحده المعاملات يافي الشرطه يا في المحكمة ما عندي وقت روح رياضيه هذي على صفحات الجرايد ياحبيبي انا الداعم وانا رئيس النادي وانا نائب الرئيس وانا مدير الكوره وانا اعضاء الشرف وانا مجلس الاداره وانا موضفي النادي وانا الاحتياط كيفي حالي حال وزير بالدوله كل شئ ملكناه بس الوزير بنفوذه بالقرار الملكي وانا بفلوسي والموعد بيني وبينك الملعب ونشوف مين الفائز بس خل المبارة تنتهي الي ما ادري متى تنتهي بس لا تكون خالد البلطان تعرضت للضرب من شرذمه فاسده مسلطهم عم فاسد زيهم |
رد: 000000سري للغايه
مره حبيت وحده ما فيه طريقه اني اكلمها الصراحه فداااااااغه
بما تعني الكلمة بس بسوي نفسي احب لو عنز بس احب المهم مافيه امكانية اكلمها وتكلمني بس فيه طريقه جنونيه اني دب طخ صرقع يعني اصدمها وانقلها للمستشفى واسوي فيها بطل اقتنعت بفكرتي وجهزت سيناريوا الحادث بس تجري الرياح بما لا تشتهي السفن اليكم ما حدث بس تابعونا سنعود ونكمل باقي ماحدث نتابع الاحداث وهي منصرفة من المدرسه وانا وراها متردد ابا اصدمها عشان انقلها للمستشفى واسوي فيها منقذ واقولها كم كلمه تنم عن حب واحساس ومشاعر الهايم ولا هي تلف يمين وراها يسار وراها ابا اصدمها بس اطرحها ارضا ثم اشيلها للمستشفى ولا دريت الا هي تلف علي وتقولي فلان ذف عني الله لايبارك بابليسك وش وراك ما غير اطاردن بس واكبس فرمله الا راسي بالقزاز وخشتي الدركسون مسوي فيها علامات اثرها فراشة المدرسه وانا احسبها طالبه لا وصديقة لنساء الحاره في اجتماع الغيبه والنميمه الدوري الي يعقد كل بعد يومين في بيت وحده منهن وما هم مقصرين جايبين علومي على بساط النقاش ومن حركاتي عرفت انه انا مشهور غزلنجي غشيم يعني مفضوح واحب لو كيس فحم يبرقعونه ولا يغشونه احبه لو يسحبونه بحبل وما له رجول غشيم ومتعافي يا ربي لك الحمد |
رد: 000000سري للغايه
[size=6]خلاص ماراح ادخل على دكة احتياط فريقك
بس راح اوجه لاعبي فريقي للفوز والا ممنووووووووووووع بعد[/size] |
رد: 000000سري للغايه
[size=5]يسلملك فمك على السوالف الي ماتنمل
مشكور اخوي المثري[/size] ولا تبطي علينا............. |
رد: 000000سري للغايه
[QUOTE=شورى;229214][size=5]يسلملك فمك على السوالف الي ماتنمل
مشكور اخوي المثري[/size] ولا تبطي علينا.............[/QUOTE] [size=6]مرحبابك تراحيب المطر ياشورى اما يبطي المثري!!!! ماشاء الله عليه رد ورى رد وقصه في القطب الجنوبي والاخرى فالشمالي[/size] |
| الساعة الآن 23:01. |
Powered by vBulletin® Version 3.8.11, Copyright ©2000 - 2025, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها