|
قصيدة ابن دليقم رد على المسردي كاملة
[poem=font="Simplified Arabic,5,black,normal,normal" bkcolor="transparent" bkimage="" border="double,4,orange" type=0 line=0 align=center use=ex num="1,black"]
أول كلامي ذكر وال الشان= اللي رفع سبع ٍ بلا عمدان الواحد المعبود جلا شانه= منزل الإنجيل والقرآن هو الإله ولا إله ٍ غيره= رب السماء والأرض والأوطان سبحان من له يسجدون عباده= ما يسجدون لزمرة الأوثان عساه يهدينا ويرضى عنا= في ساعة ٍ كل ٍ بها عريان وعسى لساني ما يقول الزله= ولا يحاسبني بها الرحمن شاعر ولي فالعلم رأي ونظره= وأحط قول الصدق في حسبان وأرم الهدف وأحقق الأصابه= لا ضاع رمي مدحرج الأعيان ولو هاضني بعض القصيد وغاضني= ما اضيع اسلومي مثل كوبان بعض الجواب اللي يقوله عايض= ملزوم أرد ابداله ويندان لو الحكى يا المسردي مع مثلك= يمل منه العاقل الطنيان وقول الجواب اللي بليا فايده= ما هوب يقنع خاطر الفنان مبداك مبدى شاعر ٍ له وقفه= وتنقض جوابك في عشر ثوان قلت اللسان حصان لا عنيته= طاعك على دربك وهو مصان وفي لحظة ٍ فكيت قيد لسانك= حبله على الغارب بدون عنان وهاذي ترى تعناك ما تعناني= واراهنك واخذ عليك رهان حنا سبيع الجود لطامة العداء= ما تعرف السبعان يا ظبيان إن كان بن هادي نزل في صبحا= حنا من الوديان لا بن بان ومن الحفر ورماح والرمحيه= ومن جو ساقان ٍ اليا الصمان دار ٍ بني عامر تواسوا فيها= ما ساقوا الطبخه على راكان سطر لنا التاريخ في نجد منزله= يا منك من جاش ٍ اليا سنحان ولا قام كل ٍ يفتخر في ربعه= لي الفخر في سيرة السبعان سبيع ٍ الغلبا سلايل عامر= وعين المعادي وسطها عيدان افخر بطيبهم وأعد فعوله= يوم الفعول وحزة الأكوان أبذكر الفارس وأبين فعله= ما أقول لي قول ٍ بلا ثبتان أسخر بيوتي وأثبت قولي= ما ني بسويها مثل هذبان جدي عسم في هية المسارده= افتكها من سربة اقحطان افتك ذوده لين بين فعله= والفعل مثبوت ٍ على البرهان افتكها بالرمح وام رقيبه= لين أصبحت وقف ٍ على الحيران خيال واحد ينطح الملمومه= مسارده وقفوا كما الغزلان أفخر بجداني واعد فعولهم= على ظهور الخيل في الميدان امثال بن دليقم راع الخطه= يوم الدلي توخذ على الذرعان قد خط له خطه ولا حد ٍ جاها= على ثلاثينً من الشجعان خط بجفير السيف قدم وجيهم= بين الحقون وبين خشم اذقان واللي تعدى خطتهه حول به= خلى علايق محزمه قطعان ويوم العريف انشد وتلقى علمي= والصدق ما يغطه الجحدان جايد قلع عشر ٍ بيوم ٍ واحد= وفي جنيح ٍ منكم قلع ريشان وفي معركة بتران شالح حاضر= عينت ابن لغده وابن ريحان ومحمد بن عمير وانشد عنا= ما فتكهم شالح وابن عروان وثلاثة الفرسان لا ذكرتهم= ذولاك في وجهك يا بو وجهان والمنع بين الناس سلم ٍ دارج= يومك على سلمك وسيع ابطان وفيحان يا عايض اليا طريته= هاذي عوايد لقوت الصبيان ما فيه نكره لا ذبحتوا فارس= يخوض فيكم كنه السكران ناداه زيد ٍ بالعهد والذمه= والله يخون اللي بعهده خان ظلمت نفسك يا ردي المنهج= في سالفة فيحان بن فيحان فيحان يا منك تقوله يا الردي= فوجيهكم منيع يا كذبان والله درى عن ذبحته من بينكم= يا شين والله ذبحة الامان سلم العرب يا من اليا ومنته= حتى بعرف المذهب العلمان وصارت عليكم ذبحته عقوبه= بعده وسمناكم على الحجان ثاره يعومه مير منت بتدري= كافينك اللي دمهم هموان وحنا خذينا في يعومه ثاره= على ظهور الخيل فرشيدان يا من أخو ساره يفرق جموعكم= ورقابكم عوج ٍ على الامتان ويرجع أولكم على تاليكم= والخيل في طرافكم شرعان منكم خذينا فيه خمسين لحيه= بمجوف ٍ حده وريع اسنان خذنا القضاء من روسكم من حينه= عينت بن مجدل وبن سفران ما سلم منكم غير من خلاها= على قبلها مثل بن شلوان وأبو عشق مروي شبات السله= يخط الدروب ويطمر الجرفان انشد من الدواسر اللي معهم= ابن غرفان ٍ من الرجبان وابن شعواء وش قال يوم يغني= عسى يعومه ما يجيها غشان يوم ٍ على تالي عبيده كنه= يوم الحشر في روغة الأذهان قحطان ساس العرٌب ما هيب هينه= ولا حد ٍ بهاينها ولا تنهان قحطان ساس ٍ للعرب معروفه= ولا مثل عايض ينتمي قحطان لو كان لو تسمع دواهي هروجها= ترد البحور وتاكل الحيتان يا عايض بن مناحي أنت البومه= من دون لا مخلب ولا جنحان تصف ريش ٍ ضايع ورهيف= وما غير تنغق في حجا الضلعان بومه وبن بومه وجدك بومه= والبوم ما يغلط على الشيهان تقول أنا في جاش وأقول ترتع= بالمنزل الكائن وبالوطان من طق باب الناس طقوا بابه= ما يندخل بيت ٍ بلا بيبان أقول لي كاف ٍ على واضح النقا= وأدهن سبايل لحيتك بدهان اليا عوا ذيب ٍ كحلنا عينه= بالملح والبارود والخفان يا ضايع المنهج تسمع قولي= جدك على عقيلان يا شريان ابن شري جدك عش ٍ للغلبا= وبداح وعويد وبن حصوان وحيبان ومحمد بن مليحه= وأنشد بن شفلوت والشيبان يوم ٍ عجلات المحارف دارت= والملح والبارود له دخان غاراتنا تروع قلب الغافل= طلوع شمس وحزت مسيان ويا ما ويا ما يا عويض ذقتم= يوم ٍ يوم الموت طيره حان ما صمخ قحطان مثل الغلبا= من حد سنحان ٍ لحد عنان تظلم هل الغلبا كعام العايل= وتبين الذله من العتبان حنا هل الردات في ساعة الوغاء= مركاضنا يشبع به الجيعان وحنا رجال ٍ نفعل المثلوثة= وفعولنا تبقى مع الزمان يا منك يا خبلان ما تفعلها= ما عندك الا الصمغ يا صمغان وتولف علوم ٍ ورا حدانك= والميل ما يرضى به الانسان تنقص حقوق القبايل كلها= وهذا دليل إنك قليل ايمان ولا ينقص حقوق الرجال ويهينها= الا غليظ القلب والديان ولا حد ٍ لابن هادي يسوق الجزيه= هاذي علوم ٍ كلها بهتان عطني قبيله قد عطته اياها= حتى نحسب انك من الصدقان في وقت بن هادي وبو ضيف الله= وفيحان بن باحص وبن جرشان كل ٍ على رمحه يفلي ذوده= ورد البرى يبنى على التيجان يمن ابن هادي على الجهامه= يسوق في طرافها طليان في رقة الصاقب لعنا جده= وعلى الحويا جالهن عكلان لين اصبحن أثقالهن اخفاف= واللي طرح في القاع بن شبعان عينت بن شافي من الهواجر= خلي عشا ٍ للذيب ابو ذرعان وراحت مقاديم قحطان اسحيله= وصلت اليا صبحا وهي ضيعان اليا نشدنا عتيبه المعروفه= قالوا نحيناهم على الجبلان حول على صبحا وفلا فيها= خلى الشفا والعبله وكبشان حدوك عكفان الشوارب عنها= ذوي حميد مروعة الاذهان عتيبه اللي علقوا في شالح= رمح المطني لين جاه اجنان الذيب عند الذيب كانك تدري= عينت ذيب الذيب يا ريشان عتيبه الهيلا متى صاحبتها=عقب الفديع وذيب طبعك زان تمدح عتيبه لأنها مديحه=والا بلاك الذل يا ذلان واللي تسلطن وسط نجد الأنجد= عبد العزيز مطوع العيان ما ساد فيها الا طويل اليمنى= بسيف ٍ يوطي هامة الطمعان ولا ركب فوق الخيل مثله فارس= من خلقت الدنيا لحد الآن جمع شتات الناس لين التمت= جزاه ربي صادق الاحسان زال الجهل عنها وزال الغمه= لين أصبحت خير ورخا وامان واليوم في عهد الملك عبد الله= اللي على شعبه كما الهتان ولي عهد المملكة قايدنا= سلطان أخو نايف واخو سلمان حكامنا دستورها العدل والوفا= وإنا لهم شعب ٍ على ما كان وختامها طيب ٍ من العود صابه= والمستكا والورد والريحان ناصر بن منصور بن دليقم= سويد ٍ لي في سبيع مكان وتمت وصلى الله على شفعينا= ما لاح براق ٍ بغر امزان عليه الصلاة عداد ما ذعذع الهوى= وما غرد القمري على الاغصان [/poem] |
رد : قصيدة بن دليقم في يرد على المسردي كاملة
[B][size=4][align=center]أخي الكريم / سبيعي من الهضوب السلام عليكم ورحمة الله وبركاته وبعد : صح لسان الشاعر / ناصر بن منصور بن ناصر بن دليقم السودة السبيعي وسلم نبضه وبنانه وإعتلا شانه وسبيع الغلباء وقحطان غلابة ما يلحقهم الشك من كلام الجهيل مثل المسردي الله يهديه ويرده إلى الحق ردا جميلا وقد أدخل بعض الرواة بيوت الجزية على قصيدة الغوج بين ابن هادي والشريف سلطان وأي راوية أو شاعر يعرف أنها منتحلة حديثا ولا تقوم بمثلها حجة وقد أنكرها رواة الأشراف ورواة سبيع الغلباء والكذب ما يهفي للأجواد ميزان والله يعافيك ويبارك فيك ويجزاك خيرا مع أطيب الأمنيات واسلم وسلم والسلام .[/align][/size][/B]
|
رد : قصيدة بن دليقم في يرد على المسردي كاملة
[align=center]صح لسان الشاعر الكبير / ناصر بن منصور بن ناصر بن دليقم السودة السبيعي
ابداع وجزالة كما عهدناه وقبيلة قحطان غنية بتاريخها المشرف على تلفيقات عايض المسردي شكرا يا سبيعي من الهضوب وننتظر قصيدة الشاعر ذياب والشاعر ناصر بالصوت حيث يمكن تحميلها على مركز تحميل الشبكة ووضع رابطه في الموضوع [/align] |
رد : قصيدة بن دليقم في يرد على المسردي كاملة
[color=#0000FF][size=6]سبيعي من الهضوب بيض الله وجهك على نقل القصيدة الرائعة وصح لسان شاعرها ناصر بن منصور بن دليقم السودة السبيعي ومثل ماسبق وأن قلنا سبيع وقحطان مأحد يلحقه شك بطيبهم لكن عايض المسردي اخطا بحق جميع القبايل ويستاهل كل ماجاه[/size][/color]
|
رد : قصيدة بن دليقم في يرد على المسردي كاملة
[color=#00008B][font=Simplified Arabic][size=5][align=center]الله لا يوفقك يا عايض بن مناحي الاشدق
والله يذهبك من الارض يالفاسق المنافق اثار الفتنه وايقظ نار الفتنه بين القلوب المحبه فقبيلة قحطان وسبيع بينهم روابط نسب وجوار وخوه ومحبه وهذا الفاسق الاشدق اتى بتزوير والبهتان وقبيلة قحطان في غنى عن اهازيجه و خبالته نسئل الله عز وجل ان يعجل بزواله [/align][/size][/font][/color] |
رد : قصيدة بن دليقم في يرد على المسردي كاملة
صح لسان الشـاعر / ناصر بن منصور بن دليقم السودة السبيعي
وبيض الله وجهه والحمية فيكم يالاد سواد معروفه من غير نقص في باقي قبائل سبيع . وابن لشدق يستاهل ماجاه ولكن ماودي أنك شملت قبيلته في القصيدة كان أختصيته حتى ولو أنه شمل قبيلة سبيع في كلامه لكن كلامه مردود عليه. أخوك أبو سليمان |
رد : قصيدة بن دليقم رد على المسردي كاملة
حرررررررررررررررررام بالله ان كفووووووووووووو
وخله وياه .. العن ثووواه .. من يسب سبيع نلعن ابو خيره عايض مدري من وين جاي يسب عمانه سبيع |
رد : قصيدة بن دليقم رد على المسردي كاملة
سبيعي من الهضوب بيض الله وجهك على نقل القصيدة الرائعة وصح لسان شاعرها ناصر بن منصور بن دليقم السودة السبيعي ونتظر منكم المزيد من الموضيع المميزه لطرحها في المنتداءلنرقاء به الى الافضل
تقبل تحياتي |
رد : قصيدة بن دليقم رد على المسردي كاملة
أخي الكريم / سبيعي من الهضوب السلام عليكم ورحمة الله وبركاته وبعد : صح لسان الشاعر / ناصر بن منصور بن ناصر بن دليقم السودة السبيعي
شكرك على النقل وانا اشوف ان اسبيع عطوا هذا السفيه اكبر من قدره ولوا كانو هاينينه لئنه يقول المثل العربي ( لا تخاصم الاحمق حتى لا يلتبس على الناس تفريق بينكم من الحق معه ) هذا معنا المثل تقبل تحياتي وتقديري |
رد : قصيدة بن دليقم رد على المسردي كاملة
سبيعي من الهضوب بيض الله وجهك و صح لسان الشاعر / ناصر بن منصور بن ناصر بن دليقم السودة السبيعي
ولو انــــه ترك السفلـــة هـــذا حشمــــة لربعــه اللي أطلق منــه شارب لأن المثل يقول لحيــة احشمها ولحيــة احشم نفسك منها وعويض المسردي ماهو بحساب هذا وتقبلوا تحياتي |
رد : قصيدة بن دليقم رد على المسردي كاملة
[size=9]سبيعي من الهضوب صح لسانك[/size]
ولسان قايلها وخل المسردي يعرف قدررة.... ونشكرك على النقل. تقبلوووا تحياتي............ |
رد : قصيدة بن دليقم في يرد على المسردي كاملة
[QUOTE=خيال الغلباء;158698][B][size=4][align=center]أخي الكريم / سبيعي من الهضوب السلام عليكم ورحمة الله وبركاته وبعد : صح لسان الشاعر / ناصر بن منصور بن ناصر بن دليقم السودة السبيعي وسلم نبضه وبنانه وإعتلا شانه وسبيع الغلباء وقحطان غلابة ما يلحقهم الشك من كلام الجهيل مثل المسردي الله يهديه ويرده إلى الحق ردا جميلا وقد أدخل بعض الرواة بيوت الجزية على قصيدة الغوج بين ابن هادي والشريف سلطان وأي راوية أو شاعر يعرف أنها منتحلة حديثا ولا تقوم بمثلها حجة وقد أنكرها رواة الأشراف ورواة سبيع الغلباء والكذب ما يهفي للأجواد ميزان والله يعافيك ويبارك فيك ويجزاك خيرا مع أطيب الأمنيات واسلم وسلم والسلام .[/align][/size][/B][/QUOTE]
[size=6][align=center]وصح لسانك ولسن شاعرنا وبيض الله وجهك على المعلوميه ووفقك الله[/align][/size] |
رد : قصيدة بن دليقم في يرد على المسردي كاملة
[QUOTE=خالد الشماسي;158701][align=center]صح لسان الشاعر الكبير / ناصر بن منصور بن ناصر بن دليقم السودة السبيعي
ابداع وجزالة كما عهدناه وقبيلة قحطان غنية بتاريخها المشرف على تلفيقات عايض المسردي شكرا يا سبيعي من الهضوب وننتظر قصيدة الشاعر ذياب والشاعر ناصر بالصوت حيث يمكن تحميلها على مركز تحميل الشبكة ووضع رابطه في الموضوع [/align][/QUOTE] [size=7][align=center]مشكور استاذي العزيز ابو عمر وسوف احاول ان اجلب لكم القصيدة بالصوت[/align][/size] |
رد : قصيدة بن دليقم رد على المسردي كاملة
سبيعي من الهضوب
الله لايهينك على النقل ... وصصصصصصصصصصصصصصح السان الشاعر القرم ناصر بن منصور بن دليقم السودة السبيعي .. بس يالايت تنزل المقطع حق الصوت للقصيده ان وجد تحياتي لك اخوك : مترك ابن هليمه الثوري |
رد : قصيدة بن دليقم رد على المسردي كاملة
صح الله السان الشاعر واعانه على الحق
وبيض الله وجهك ياسبيعي الهضوب على النقل وانا ارى انه يكتفى بقصيدة ذياب بن دحيم فهي لا تغضب الطرفين ولا فيها مس لقبيلة قحطان العريقه وابن الاشدق هذا مايجي من وراه الا المشاكل فذعوا السفيه فلقد القمه ذياب حجر من قصيدته الاولى وهي تكفي في هذا السفيه وشكرا |
رد : قصيدة بن دليقم رد على المسردي كاملة
[size=5] اخواني الكرام
. متحمس للمزاين . ابو سليمان . فهيد القريشي . ابن عفتان . علي بن مقبل . علي الفارس . مترك ثواب . الزناجة . مشكورين على مروركم الكريم .ودمتم بخير[/size] |
رد : قصيدة بن دليقم رد على المسردي كاملة
[QUOTE=جفين الطويرش;158846]أخي الكريم / سبيعي من الهضوب السلام عليكم ورحمة الله وبركاته وبعد : صح لسان الشاعر / ناصر بن منصور بن ناصر بن دليقم السودة السبيعي
شكرك على النقل وانا اشوف ان اسبيع عطوا هذا السفيه اكبر من قدره ولوا كانو هاينينه لئنه يقول المثل العربي ( لا تخاصم الاحمق حتى لا يلتبس على الناس تفريق بينكم من الحق معه ) هذا معنا المثل تقبل تحياتي وتقديري[/QUOTE] اخي العزيز/ جفين الطويرش السفيه لابد من توقيفة عند حده وابو منصور قام بالواجب بيض الله وجهة وشكرا لك على مرورك تعليقك |
رد : قصيدة بن دليقم رد على المسردي كاملة
[size=4]كفوووو ماقصرتووو لجمتوة خلاص والله ماعاد له وجه بين الناس الرخمه مسوي فيها
ياثور لا تنطح الجبال بقرونك وووووووووصح لسااااانه وابيض وجه ولا هنت على النقل لا هنت لاهنت لاهنت [/size] |
رد : قصيدة بن دليقم رد على المسردي كاملة
[align=center][size=6]
صح لسان الشـاعر / ناصر بن منصور بن دليقم السودة السبيعي وبيض الله وجهك يا سبيع من نجد على النقل ونسأل الله أن يطفي الفتن بين المسلمين ولا يقودها إلا شرير ولاهانو الاخوان على المرووووووور[/size][/align] |
رد : قصيدة بن دليقم رد على المسردي كاملة
بيض الله وجه الشاعر والناقل
|
رد : قصيدة بن دليقم رد على المسردي كاملة
[size=4][align=center]قسم بالله ..
انه كفو .. صح لسانه مليوووون ولاتكفى .. وبيض الله وجهك على نقلها كامله .. وحسبي الله على هالاشدق .. يبي يثير الفتنه ..[/align][/size] |
رد : قصيدة بن دليقم رد على المسردي كاملة
[QUOTE=متفائل2485;159779]بيض الله وجه الشاعر والناقل[/QUOTE]
ووجهك ومشكور على المرور |
رد : قصيدة ابن دليقم رد على المسردي كاملة
أرق سنود ياذيبان والمسردي يستاهل وهذي فعول جدانا بنذكرها ويكفي فخر
أناء الغلباء ، وتقبلو تحيـــــــــــــــــــــــاتي |
رد : قصيدة ابن دليقم رد على المسردي كاملة
بيض الله وجه الشاعر الكبير / ناصر بن منصور بن ناصر بن دليقم السودة السبيعي
عز الله أنه ماقصر الكفو الله لايهينه |
رد : قصيدة ابن دليقم رد على المسردي كاملة
حذف للتكرار
|
رد : قصيدة ابن دليقم رد على المسردي كاملة
[font=Arial Black]يالربع عينوا خيررررر
الشاعر ابن الاشدق المسردي قصيدته مردود على قصيدة (ناصر الفراعنة) وانا سمعت قصيدة الفراعنه وذكر منها البيتين هذي:[/font] [poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] وحزم شباط وهضبة ابن ( المسردي )= خلي بها راسه مداس ثعال وركابة العبّود ما منهم حي = تسعين لحية قطّعن اشلال[/poem] [font=Arial Black]فإعتقد ان البادي اظلم . صحيح انه يحق للفراعنة ان يفتخر بقبيلته فقد ذكر في هذه الملحمه والتي يمكن يتجاوز عدد ابياتها الف بيت . ذكر فيها جميع وقعات سبيع الغلبا ولكن لم يتطرق الى اسماء ناس معينيين . ولكن الشخص الذي ذكره بعينه هو (( المسردي )) في البيت السابق وهذا في اعتقادي مأخذ على الفراعنة هل يعقل ان سببيع في هذه الوقعات الكثيره لم يقتلوا الا المسردي فقط لا اعتقد . إذا لماذا لم يذكر الشاعر الا المسردي فقط اين البقية ؟؟ اجزم ان السبب هذا هو ما اغاظ الشاعر بن الاشدق ودفعه ليقول ما قال . بكل تأكيد ليس مؤيده على ما فعل فهذه رجعية وعصبية بغيضه ونحن اخووان . والحمد لله على نعمه الاسلام . ولكن اذا رجعنا للحق فبدايه الخطا من طرف شاعركم (( الفراعنه )) لو ترك الفخر مقتصر على الوقايع ما احد زعل ولكن ذكره للاشخاص لا ينبغي منه . فاذا ذكر اشخاص فالناس تعرف الكثير والكثير وما (احد شقه بأثلم) وكل زور فيه شور . سبيع قبيله عزيزه على قلبي ولكن يمكن البعض لم يسمع بما قاله الفراعنه وقد ذكرها الشاعر عايض في قصيدته فقد ذكر اسم الفراعنه .. اخيرا ... انا من اشد الناس الذي ازعجهم ما قاله المسردي فالرجال العزاز ما يسبهم الا ردي . ولكن يجب ان يلام الشاعر الذي يبدأ بالخطا . اشكر الجميع ويشهد الله انكم وافين ياسبيع احد ابناء قبيلة قحطان [/font] |
رد : قصيدة ابن دليقم رد على المسردي كاملة
[color=#FF0000][size=7][font=Comic Sans MS]
يا قحاطاني يالطيب انت وش مصدرك اان سامع القصيده وفاهمها الرجال بعد ذكر وقعه سبيع مع مطير يوم زبنو القبر وهاذي عار وفضيحه على مطير وعن قولتك انه غلط يوم قال المسردي صحح معلوماتك يالغالي الرجال يذكر الصحيح الا اذا كان الصحيح يغيضكم وينغص عليكم هاذي فيه كلام ثاني والختام السلالام[/font][/size][/color] |
رد : قصيدة ابن دليقم رد على المسردي كاملة
[size=6][font=Comic Sans MS]يا خي الكريم
اذا كان كلامه عن المسردي صحيح كما تزعم .. فلدينا الصحيح ايضا واذا ذكره المسردي او غيره لا تضيق ذرعا بذلك وتقبله اما تقول ان الفراعنه يقوول الصحيح ويجب ان لا يرد عليه احد . وغيره اذا تكلم فهو كاذب فهذا هو الخطأ بعينه اذا رجعنا للصحيح عندنا وعندك خيرررر . لكن اقطعوا دابر هذه الفتنة الحديثه والقدر بيننا ما يأثر فيه قصيدة شاعر والله يعز الدين وابن سعود . وسلامتك[/font][/size] |
رد : قصيدة ابن دليقم رد على المسردي كاملة
[B][color=#FF0000][size=7][font=Comic Sans MS]
هههههههههههههههههههههههههههه كلامك مدعاه للضحك .. ياخي الفاضل .. المسردي كما يقال لم يرد على نفس القصيده بس ان وجهاء سبيع طلعو الحقايق وكل شي وتوجه اتجاه ثاني .. الله يهديك يالغالي طبحت في بير مالها قااع[/font][/size][/color][/B] |
رد : قصيدة ابن دليقم رد على المسردي كاملة
[QUOTE=غصنان;168991][font=Arial Black]يالربع عينوا خيررررر
الشاعر ابن الاشدق المسردي قصيدته مردود على قصيدة (ناصر الفراعنة) وانا سمعت قصيدة الفراعنه وذكر منها البيتين هذي:[/font] [poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] وحزم شباط وهضبة ابن ( المسردي )= خلي بها راسه مداس ثعال وركابة العبّود ما منهم حي = تسعين لحية قطّعن اشلال[/poem] [font=Arial Black]فإعتقد ان البادي اظلم . صحيح انه يحق للفراعنة ان يفتخر بقبيلته فقد ذكر في هذه الملحمه والتي يمكن يتجاوز عدد ابياتها الف بيت . ذكر فيها جميع وقعات سبيع الغلبا ولكن لم يتطرق الى اسماء ناس معينيين . ولكن الشخص الذي ذكره بعينه هو (( المسردي )) في البيت السابق وهذا في اعتقادي مأخذ على الفراعنة هل يعقل ان سببيع في هذه الوقعات الكثيره لم يقتلوا الا المسردي فقط لا اعتقد . إذا لماذا لم يذكر الشاعر الا المسردي فقط اين البقية ؟؟ اجزم ان السبب هذا هو ما اغاظ الشاعر بن الاشدق ودفعه ليقول ما قال . بكل تأكيد ليس مؤيده على ما فعل فهذه رجعية وعصبية بغيضه ونحن اخووان . والحمد لله على نعمه الاسلام . ولكن اذا رجعنا للحق فبدايه الخطا من طرف شاعركم (( الفراعنه )) لو ترك الفخر مقتصر على الوقايع ما احد زعل ولكن ذكره للاشخاص لا ينبغي منه . فاذا ذكر اشخاص فالناس تعرف الكثير والكثير وما (احد شقه بأثلم) وكل زور فيه شور . سبيع قبيله عزيزه على قلبي ولكن يمكن البعض لم يسمع بما قاله الفراعنه وقد ذكرها الشاعر عايض في قصيدته فقد ذكر اسم الفراعنه .. اخيرا ... انا من اشد الناس الذي ازعجهم ما قاله المسردي فالرجال العزاز ما يسبهم الا ردي . ولكن يجب ان يلام الشاعر الذي يبدأ بالخطا . اشكر الجميع ويشهد الله انكم وافين ياسبيع احد ابناء قبيلة قحطان [/font][/QUOTE] اولاً الله يحييك ياغصنان بن قحطان إذا انت كذلك أو من آي جهة كنت ؟!! ثانياً طرحت في ردك هذا تساولات واقعية وكنت اتمنى ان تجد من يجيبك عليها حتى لاتاخذ الامور منحى أخر وحتى نعرف هل انت صادقاً بماقلت وإلا تظمر عكس ماتقول!! وعلى هذا الاساس اسمحلي بالإجابة على استفساراتك وبالنهاية سأطرح عليك سوالاً أمل ان تجيب عليه بصدر رحب وبكل مصداقية ؟؟!! [color=#FF0000]وإليك الأجوبة ؟ 1ـيجب ان تعرف انه لايوجد فرق بين الفراعنه والسودة إلا بالأسماء ومن يسيئ لآي منهم فهو يعتبر مسيئ للجميع ؟؟! 2ـ قلت ان الفراعنه ذكر المسردي فقط وأظنك اتيت بالشاهد معك ؟ فالبيت الثاني يقول ( وركابة العبود مامنهم حي** تسعين لحية قطعّن أشلال) وانا أظن التسعين أكثر من الواحد آليس كذلك ؟؟!! 3ـ قلت ان فيه مأخذ على الفراعنه بالبيتين اعلاه وتعترف بانها حقائق وبالمقابل تنكر عليه ذكرها!! مع العلم ان الحقائق لم ينكرها الفراعنه ولا السودة بغظ النظر هل كان وقتها أم لااا؟؟!! انتهت الأجوبة [/color] [color=#4169E1]والآن الاسئلة ؟؟؟ 1ـملحمة الفراعنة مضى عليها عدة سنوات, فأين كان عائض المسردي طول هالمدة عنها ؟؟؟ 2ـلماذا لم يكتشف بن الاشدق أسم جده ضمن القصيدة, إلا بعد مشاركة ناصر بشاعر المليون ؟؟!! عسى ان يكون عندك الجواب ؟؟؟ وإذا عرف السبب بطل العجب !!! وإلا انت ويش رايك ؟؟؟[/color] |
رد : قصيدة ابن دليقم رد على المسردي كاملة
الاخ فهد القريشي
اكتفي بردي السابق عليك [QUOTE=السبع 501;169077]اولاً الله يحييك ياغصنان بن قحطان إذا انت كذلك أو من آي جهة كنت ؟!! ثانياً طرحت في ردك هذا تساولات واقعية وكنت اتمنى ان تجد من يجيبك عليها حتى لاتاخذ الامور منحى أخر وحتى نعرف هل انت صادقاً بماقلت وإلا تظمر عكس ماتقول!! وعلى هذا الاساس اسمحلي بالإجابة على استفساراتك وبالنهاية سأطرح عليك سوالاً أمل ان تجيب عليه بصدر رحب وبكل مصداقية ؟؟!! [color=#FF0000]وإليك الأجوبة ؟ 1ـيجب ان تعرف انه لايوجد فرق بين الفراعنه والسودة إلا بالأسماء ومن يسيئ لآي منهم فهو يعتبر مسيئ للجميع ؟؟! 2ـ قلت ان الفراعنه ذكر المسردي فقط وأظنك اتيت بالشاهد معك ؟ فالبيت الثاني يقول ( وركابة العبود مامنهم حي** تسعين لحية قطعّن أشلال) وانا أظن التسعين أكثر من الواحد آليس كذلك ؟؟!! 3ـ قلت ان فيه مأخذ على الفراعنه بالبيتين اعلاه وتعترف بانها حقائق وبالمقابل تنكر عليه ذكرها!! مع العلم ان الحقائق لم ينكرها الفراعنه ولا السودة بغظ النظر هل كان وقتها أم لااا؟؟!! انتهت الأجوبة [/color] [color=#4169E1]والآن الاسئلة ؟؟؟ 1ـملحمة الفراعنة مضى عليها عدة سنوات, فأين كان عائض المسردي طول هالمدة عنها ؟؟؟ 2ـلماذا لم يكتشف بن الاشدق أسم جده ضمن القصيدة, إلا بعد مشاركة ناصر بشاعر المليون ؟؟!! عسى ان يكون عندك الجواب ؟؟؟ وإذا عرف السبب بطل العجب !!! وإلا انت ويش رايك ؟؟؟[/color][/QUOTE] [color=#0000FF][size=6][font=Comic Sans MS]اخي الكريم اشكرك على حفاوتك وتحيا وتدوم واشكرك على واقعيتك في النقاش ركابة العبود يقصد بالعبود ( ال عبود ) شيوخ ال مسعود من قحطان .. ويهم الشاعر هذا الشان فهم ربعه . تقول انني اعترفت بأنها حقائق انا لم اتطرق الى اعتراف او نفي في كلامي ومسأله الصدق من عدمها علمها عند الله سواء في كلام الفراعنه او المسردي او الشعراء الباقين فنحن جميعا لم نبلغ هذه الاحداث ولم نعاصرها وتبقى المسألة رهينة بالروايات وما بقى في صدور الرجال وهذا كله يحتمل للزياده والنقص والتحريف والمبالغه من الطرفين ... هذا ردا على ما قلته انت على لساني من اعتراق بالحقائق فانا لم اعترف بها ولم انفيها ولم اتطرق لها ابدا فجميع كلامي حول الشعراء وما سبب هذه القصائد الهجائية فذكرت ان من ولع النار في راس الفتيلة هو الفراعنة وما ذكره المسردي كان فقط ردا عليه . (يمكن تقصد انني قلت لماذا يذكر المسردي لوحده ).. فحسبت هذا مني اعتراف !!! طيب لو فرضنا ان مقتل المسردي صحيح وانه حقائق كما ذكرت .. اليس مقتل فيحان بن باحص على سبيل المثال بحقيقه ؟؟؟ اذا ما دامت كلها حقائق وليس عليها غبار لماذا الغضب من كلام المسردي ما دام ان ما ذكر من كلا الطرفين حقائق .. لا تسألني اين كان المسردي عن هذه القصيدة وهي قديمه على حد قولك . انا من الناس الذين انكروا على ابن الاشدق ما قاال وكنت ابحث عن القصيده التي يزعم انه يرد عليها . فوجدتها وهي موجوده لدي الان بصوت الفراعنه . لا اعلم هل هي قديمه ام جديده . وبأمكانك توجيه سوالك للمسردي نفسه . فانا لم اسمع بقصيدة الفراعنه الا قريبا . مهما كان لا اجد لهؤلاء الشعراء مبررا لأثارة مثل هذه الأمور التي اكل عليها الدهر وشرب وطويت صفحتها ويشهد الله انني لا اعرف المسردي ابدا ولو التقيت به لأنكرت عليه ذلك بشدة . فنحن اخوان في الاسلام ولا نرضى بذلك ابدا واعلم ان في سبيع الكثير ممن لا يرضون بذلك واذا تكلم شاعر بما لا يرضى به اصحاب العقول النيره فيجب عليهم الوقوف في وجهه وكما يقال (( يجيبها اللي ما يسد انبوبها )) اشكر الجميع والله يصلح ما في القلوب والخواطر ان شاء الله ما فيها الا الزين تحياتي لكم جميعا [/font][/size][/color] |
رد : قصيدة ابن دليقم رد على المسردي كاملة
غصنان انت اذا كنت شاعر سوف تنقض كلامك هذا كااااااااااااااامل
يقول ناصر هضبة ابن المسردي يذكر الشاعر من حيث قناعاته واحد اما انه اطيبهم او على سبيل المثال وانت تنقض كلامك بنفسك بقولك:" هل يعقل ان سببيع في هذه الوقعات الكثيره لم يقتلوا الا المسردي فقط [color=#FF0000]لا اعتقد[/color] " انت صادق لا تعتقد في هذي بل ذبحوا منهم حتى ان طيور الخلاء والجعره والذيابه تعازم عليه نستشهد بهذا البيت : والا ياذيب لحيين والحرة وياذيب المصاليخ *** اكلن ولا تاكلن على مناعير الرجالي سبعة زحول نضا ثامنهم الشيخ *** كرمة سباع الخلا لا بكحلن شهب الليالي نسيت اقولك شالح ابن هدلان لا يحق لابن الاشدق التفاخر به فهو من عنزه واذا بتقول وين الدليل انت تقولونه مهوب انا وانشد ابوك . |
رد : قصيدة ابن دليقم رد على المسردي كاملة
[QUOTE=غصنان;169132]
[color=#0000FF][size=6][font=Comic Sans MS]اخي الكريم اشكرك على حفاوتك وتحيا وتدوم واشكرك على واقعيتك في النقاش [color=#FF0000]ركابة العبود يقصد بالعبود ( ال عبود ) شيوخ ال مسعود من قحطان .. ويهم الشاعر هذا الشان فهم ربعه .[/color] [/font][/size][/color][/QUOTE] اخي بن غصنان حياك الله في محلك وشكراً ع الاشاده , لكن كثر الكلام وتسطير الحروف لايأخذ حق ولايمنع باطل ؟؟!! بأختصار شديد الفراعنه لم يخطي فكل ماقاله هو افتخاره بقبيلته وذكر فعولها المؤكده وليس هو الاول ولن يكون الاخير اللي يستشهد بتلك الاحداث, حتى وان راح عصرها فـ جميع القبائل ماتملك من الأدله إلا الشعر وذكر القتلى بالاسماء؟! وإذا انت لاتعرف بن الاشدق فأنا كذلك لأعرف الفراعنه ولا السودة معرفه شخصية وانما أعرف شي واحد ؟؟ وهو ان الكثير من ضعاف العقول ثارت فيهم ضغائن الحقد والاحساس بالنقص بعد مشاركة الفراعنه في شاعر المليون وسالفة (( [COLOR="SeaGreen"]اللي دوجوا في فيافي نجد جوس[/COLOR])) ولاتنسى انني قلت ضعاف العقول وإلا العقلاء يعرفون ان محد يأخذ فعل احد وان القبائل كل منها له افعاله وتاريخه؟؟!! إذاً فالمسردي هو المخطي وهو الاهبل ولايحق لك تبرر موقفه, ولو كان الراي بيدي رد عليه بقصائده الصوتية فهو يستحق أكثر مما قيل وربما الايام حبلى بالمفاجأءات وماعلينا سوى الانتظار؟؟! ملاحظة ـ [color=#FF0000]السطر الملون بالاحمر ؟؟ انا اعرف انهم ال عبود وقتل منهم تسعين لحية لكن ردك لم أفهمه فهل من توضيح ؟؟؟[/color] تقبل تحياتي ,, |
رد : قصيدة ابن دليقم رد على المسردي كاملة
ههههههههههههههههههههههههههههههههههه
ياحليلك ياغصنان .. اززززبن بس > قالو ايش قالو شيخهم ولد هبلان اخر شي طلع عنززززي ههههههههههههههههههههههههههههههههههههههه ياشيخ اطلعو من مخي بس |
رد : قصيدة ابن دليقم رد على المسردي كاملة
[align=center]وحزم شباط وهضبة ابن ( المسردي ) خلـي بهـا راسـه مـداس ثـعـال
وركابـة العبّـود مـا منهـم حــي تسعيـن لحـيـة قطّـعـن اشــلال اخي الكريم غصنان لاتحاول تغطي عنه ودافع تراه مايدري وينها محدره لئنه ماعرف يرد على ابن دليقم وذياب بشواهد وادله في القصيده قصيده كله اساء لسبيع لنه حاس بنقص فيه وفي قبيلته لكن هضبة المسردي انت اعلم مني فيها وشعارنا ابن دليقم وذياب يقدرون ان يردو باخس من المسردي لكن ماهيب من عوايدنا وركابة العبود ماهم من عبود قحطان من عبود ال شراف لئن صارة هيه بين بني ثور والبقوم وكان قائد البقوم من العبود الاشراف وعلى مااعتقد في القصيده لكن هي كاالتالي ياواصلن جعفر يقبر بني عمه .... يشيل عني جنايز ريحه اعماني والاي وطينا فاالضحى تسعين جمجمه ... ترسي غرايسنا على الدمى الحامي والقصيده ماني بحافضها زين لكن يااالقحطاني مالك علينا درب [/align] |
رد : قصيدة ابن دليقم رد على المسردي كاملة
لولا مجننا كلتنا المجنين وتطمعبنا الجهال لولا جهنا
|
رد : قصيدة ابن دليقم رد على المسردي كاملة
السلام عليكم ورحمة الله وبركاته
ياالربع صلوا على النبي أولاً وثانيا ماجيت هنا اتهجم على سبيع لأن لا سبيع ولا صبيان مسرد فيهم كلام بعضكم يتطرق للمساردة بكلام لو قروه عارفينكم مارضوا به لن أرد على هذا الكلام سوى بابتسامة :) لكن ان كان هناك من ينشب الفتنة ويدعي على عايض ويقول انه هو اللي شبها ليه تطرق لها من الاساس هنا في القصايد الموجهة لعايض لقيت تناقض كبير من بعض الاخوان وان كان البعض يسأل وين المسردي من زمان على القصيدة فالقصيدة مااحد عرف بها الا هالايام ؟ تحياتي لكم |
رد : قصيدة ابن دليقم رد على المسردي كاملة
[QUOTE=تركي المسردي;180902]السلام عليكم ورحمة الله وبركاته
ياالربع صلوا على النبي أولاً وثانيا ماجيت هنا اتهجم على سبيع لأن لا سبيع ولا صبيان مسرد فيهم كلام بعضكم يتطرق للمساردة بكلام لو قروه عارفينكم مارضوا به لن أرد على هذا الكلام سوى بابتسامة :) لكن ان كان هناك من ينشب الفتنة ويدعي على عايض ويقول انه هو اللي شبها ليه تطرق لها من الاساس هنا في القصايد الموجهة لعايض لقيت تناقض كبير من بعض الاخوان وان كان البعض يسأل وين المسردي من زمان على القصيدة فالقصيدة مااحد عرف بها الا هالايام ؟ تحياتي لكم[/QUOTE] مدري من تعنيه في كلامك اخوي تركي ولن أرد عليك نيابة عن احد؟؟ لكن سالفة انك تقول ان قصيدة الفراعنة محد عرف بها إلا هالايام أظن في هذا جانبك الصواب ؟! فقصيدة الفراعنة والمعروفة بالملحمة العامرية قيلت قبل كم سنة وسمعها الكثير من الناس ؟ وإذا كان البعض ماعرف بها أو لايريد ان يعرف بها فهذا شانه ؟؟ وأظن الامور لما تقفي وتضمحل ماينبشها إلا من كان يبحث عن المبررات حتى وان كانت واهية !! وعلى العموم الخطاء لايبرر بخطاء ياتركي والشمس ماتحجب بغربال!!! تحياتي لك ,, |
رد : قصيدة ابن دليقم رد على المسردي كاملة
الذيب
من قصدت يعرفون أنفسهم لن أواجههم اطلاقاً لأن كل رجل يعرف وين يضع نفسه ؟ إن بغا الثريا وان بغا الثرى الملحمة العامرية على قولتك ان كانها انتشرت في الانترنت فكلنا بدو وعشرة من مية اللي يعرفون النت وعايض ابن الاشدق مايعرف في الانترنت اي شيء أنا ماجيت هنا ادور للنشب ولايدور للنشب الا غلطان لكن جيت ابعرف الرجاجيل اللي تسب المساردة وش شافت منهم ان كان قصدهم عن حروب الاوايل فكل فيه حقه ان جابوا وحدة جبنا عشر لكن الرجل مايقول فلان مخطي ويخطي نفس خطاه صح وانا اخوك على كل تحياتي لك |
رد : قصيدة ابن دليقم رد على المسردي كاملة
يالمسردي ابن الاشدق اخطاء في حق كل القبايل قبل قبيلة سبيع وانا عارفين ان قحطان كفوا وغنية عن التعريق لاكن الاشدق اخطاء وقاله علوم يجهلها كباركم ويستنكرونها
اذا كان الملحمه العامريه فيها ذم لقبيلة قحطان اعطني بيت واحد ينقص من قدركم وحقك عندي اذا كان فيه اي تزييف اوتحريف لاكن الاشدق رجح بقعل رجل واحد ابن هدلان على قبيلة سبيع وانا نعلم ان ابن هدلان غني عن التعريف لاكن لا يقارن بقبيلة ولا برجل فيها ونحن نعلم من الذي وراء هذا الدلخ ابن الاشدق والدعم الي يجيه من وجه قبيح تشره عليه حتى من وقفته بين الرجال هو الي يحث الاشدق وهو معروف ابن شري صاحب الوجه القبيح والفعل الردي انكان الله ارزقه بالمال لاكنه انقصه المرجله وقحطان غنية عن التعريف اقولها امرار وتكرار لاكن لابد من ان يكون في الماء العذب بعض الشوائب ولا تطرد الشوائب الا بالتحلية والفوتره واقولك واكرر راجع قصيدة الاشدق في سبيع وتعرف مدى الخطاء الذي جرح هذه القبيله من سفيهه والعيب ليس في السفيه لاكن العيب فيمن يشجعه ويصفق له هذ ولك كل الحب والتقدير |
| الساعة الآن 15:36. |
Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها