الشاعر الكبير ذياب السبيعي يرد على المسردي ب 123
 

هذا رد الشاعر والراوي ذياب بن دحيم السويدي السبيعي
على عايض بن لشدق الذي غلط علي سبيع وكل القبائل
شاعر مغمور يبحث عن الشهره ولكن أبو محمد لقنه درس
لن ينساه بيض الله وجهه ابو محمد وإليكم القصيدة كامله

/
للإستماع لقصيدة ذياب السبيعي
[rams]http://subaevb.googlepages.com/******.com.rm[/rams]

[url=http://subaevb.googlepages.com/******.com.rm][color=#00008B]للتحميل[/color][/url]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black"]
أبدي بذكر الله وصلي على النبي=على ٍ نبي ٍ وضّح الأديان

شفيع الأمة تابعين ٍ سيرته=وضّح أحدود الدين والأركان

وقدام أوضح موقفي من قولي=أبستبيح العذر من قحطان

أهل الكرم والطيب وأهل الهيبة=حقيقةٍ يقنع بها الإنسان

الكذب ما يقطع مجاعة جائع=ولا هوب يروي في العطش عطشان

ولا هوب يهدم رايةٍ مرفوعة=ولا هوب يبني يهدم البنيان

وأسباب قولي يا عيال الشايب=خطاء حصل ومها يطة خبلان

عايض ظلمنا وودي أوضح له=بقول ٍ صحيح يثبته برهان

حقائق ٍ بأمجادنا ما لفقت=بالكذب والتزوير والبهتان

حنا سبيع اللي نتيّه جارنا=يرعى بذوده خايع الريضان

وحنا سبيع اللي نعرف جارنا=وخوينا يرفع عصاه آمان

وحنا سبيع اللي حمينا دارنا=بسيفٍ يشيل الروس من الأمتان

وحنا سبيع اللي لنا المثلوثة=كرامةٍ نكرم بها الجيعان

وحنا سبيع اللي تسد وجيهنا=ونجازي الإحسان بالإحسان

وحنا سبيع اللي رفع رايتنا=مجدٍ نما ريبه على ما بان

أليا عطينا ما نعرف المنة=وأليا خذينا نيتم الورعان

ونقدم القصرة على شلفانا=وحدب السيوف ورمحنا الطنيان

وسقم الحريب مزبنين الجاني=فرز الوغى حماية الذيدان

ترعا بنا حم الذراء مرباها=من المختلط لا حومة النقيان

يبرالها من صلب جدي سربه=سهوم المنايا فزعة البلشان

من دونها كم نزلوا من هامة=ثم وسدوه الجوخ والذرعان

ومن جورنا خصيمنا وش سوى=بن قرمله يستنجد الشبعان

وأنا أشهد أنه جاه منهم فزعة=هواجر ٍ يتلون شيخ أسنان

هواجر ٍ ما يعرفون الذلة=سقم العداء حماية القطعان

دارت أرحاها واستعنا بالله=منهم ومنا يشبع السرحان

وشيوخنا اللي عندكم تذكرهم=خذنا قضاهم وأترك الجحدان

ما فيه شيخ إلا خذينا مثله=وإن كان فارس ثاره الفرسان

وإن قلت أبن ضاري نقول محمد=أبن مريحة خيرة الشيخان

والسبعة اللي قلت هم ثلاثة=بوجيهكم يا طافي النيران

وإن كان تنشد من خذينا فيهم=يوم ألتقوا بمزرج العيدان

محي وأخوه أهل الفعول الجزلة=وبداح وعويّد وأبن حصوان

وإن قلت فيحان أبن باحص عندنا=قنا هديف مطوع العدوان

وإن قلت مع دربه سمية وينه=قلت الجهيمي مع بني سفران

وأبن شري شارع عشاء للغلباء=زيزوم مسرد عند أبن وندان

وسالم أبن شفلوت خص بقولة=من غيّبه عن ساحة الخلان

قبل طلوع النفس قال أبياته=حمّل الأمانة ربعه الصدقان

يقول لا جيتوا حسين الفصلا=أخذوا علومه شرق من الخلجان

يا ما خذوا منا وخذنا منهم=شيخ ٍ لمتعبت النضاء مزبان

وإن قلت أبن هدلان يلدا لابه=قلنا خطاء من واحدٍ حمسان

ونعم أبن هدلان وأسمه شالح=هية يعومه طبها كحيلان

قصيد شاعركم دليل الهية=أبن شعوا في نظمه القيفان

يقول جعل الغيث يخطي يعومه=يا حسرةٍ ببطيبها حسران

وعند الدواسر يا قحطاني شهادة=أخذوا علوم الشيخ أبن غرفان

وفي كل قطر وصوب كل ٍ يشهد=لنا بفعل ٍ ضا منه ضمان

والمسردي يا مزعزعينه وافي=يا طيب وقفاته رفيع الشان

لكن جتبه قدرته للغلباء=مع سربته في ماضي الأزمان

حوبان واللي معه من يجحدهم=خمسة عشر زيزومهم حوبان

هذا دليل أنك فقدت أعصابك=ثم جيت راكبها بدون أعنان

كلمه بكلمه يا عريب المجنا=وخطوة بخطوة والمطر هتان

والله مجحد موقفٍ فزتوبه=وأن أعترف به وأفتخر يا فلان

والموقف اللي يخدمك يخدمنا=الفرق بين أهل الوفاء النكران

هاذي فعول سبيع لا تجحدها=وأنتم وحنا في الطريق اخوان

وإن جت بمدات العلوم الجزلة=وإن صار يوم ٍ مثل يوم أذقان

وفرسانا من طيبهم نفخر بهم=تفضا الجموع وتا خذ السلفان

نفخر بعبد الله وطيب أفعوله=ونفخر ببن جايد وابن هملان

وكم غيرهم من فارس ٍ نفخر به=إن زان له وجه الزمن وإن شان

هذا قليل ٍ من كثير ٍ قلته=وعندي دليل القول بالثبتان

وكل القبائل وافي ٍ ميزانها=سوى سوى لا زود لا نقصان

واللي يقول أنا يدي العليا=كذوب غير معزي وشامان

معزي موحدنا على دين الله=نطلب له الرحمة من الرحمان

وكل القبائل يا خذون الجزية=تعريفها مع ساير البدوان

تنوّع أسماها وهيّه وحدة=ولا هيب لا حد مخصصة وكدان

من ربعت داره محد ينزلها=إلا بجزية أو بخشم الزان

ويا عايض أبن مناحي أسمع مني=راجع ضميرك ذكر النسيان

أخطيت في سبك سبيع الغلباء=والسب ماله عندنا مكان

ولا له على سموا القبائل مرّه=ماله طريق إلا على الرديان

ولا فيه شي ٍ غير هذا يذكر=إلا طمع جاهل قصد طمعان

تقول أبن هادي حكم بالجزية=ما تستحي يا ملهي الرعيان

كل القبائل تنكر اللي قلته=لكن عطني واحدٍ قنعان

مبدأ القصيدة منك يا ما شاء الله=تمهيد مبنيّ ٍ على بطلان

ولمعتها بأرخص أنواع البويه=وجردتها من الصدق يا تربان

كذبك على جمع القبائل كلها=كل البشر تنفاه يا كذبان

والقصد يا عايض تدوّر شهره=بالهيلمه والكذب والطغيان

لو به خطاء يحسب علينا منا=مكبور غيرك في أقحطان أعيان

أعيان شعر ٍ يسبحون أبحوره=بجزل القصيد مسلي العمسان

وألا أنت شعرك خاسر ٍ من جابه=خسران واللي معجبه خسران

بغيت شهره ثم بلشت بنفسك=ثم عوّدت عشر الولد ثمان

وقصيد ربعك في سبيع الغلباء=عكس القصيد اللي تقول الآن

وهذا دليل أنك وحيد المنهج=في منهجك ما رافقك صدقان

أتصيح في أخفاف العرب وتنادي=تقول شيلوا بيتي أمسيان

وهاذي تراها حزةٍ مذمومة=تصبح نتايجها مرض وأجنان

وأسمعك في عقيلان تذكر هيه=في كل قيض يكوّز المعطان

منا ومنكم والصراع مواصل=على عقيلان ٍ وعلى نديان

وتقول أعرف سبيع في وديانها=كذبت يالكاذب وكذبك بان

حنا هل الطولات يا جاهلنا=وإحنا تعدينا وراء الحدان

على جناب الحرملية خضنا=بيوم ٍِ ضبابه كنه الربان

وفي حومة السرداح وأذن ادلينا=بشلفٍ ذكر وقعاتها عفتان

والشيخ زيد أفعولنا يذكرها=يرثي العريق ويزهم الجذعان

وعبيد أبن دلهم ذكر وقفاتنا=بيوم ٍ عبوس صار في بتران

وراكان أبن حثلين قوله فينا=ينهي قصيدك بيت من راكان

وتركي ولد صنهات شيخ عتيبه=أسند لنا مد حة وذكره حان

مدح ٍ على فعل ٍ ذكره بقوله=على المهار ومومية الأرسان

وقول أبن هادي وأبن عثفر فينا=ينهي النزاع ويثبت الأكوان

وآلاد زايد خصنا شاعرهم=بجزل المديح مهيّض الأشجان

ومدح العطاوي في سبيع ومعجب=عدوا حقائق والفعول أسمان

وقول الشلوي فينا يبيض وجه=نصا المديح متيّه الجيران

صدق بمدحه في سبيع الغلباء=ولا ينكر الصحيح غير أهدان

وشعار حمران النواظر تشهد=تمدح سبيع وخاصة الزمعان

ويا عايض أرقد في ظلال الصله=خل المهايط عنك يا هبدان

تبغى تقلل من مقام الغلباء=بعيد ٍ على لحيتك يا كوبان

حنا أليا جانا الخصيم أنرده=ويستنجد اللي في هجر قطان

وأكبر شيوخ القوم تستنجدنا=لا جاء لخطلان اليدين أصنان

لان قبيلة ما يداس أحماها=الروس صلفه والضلوع أمتان

وبنت الشيوخ اللي ذراهم يذري=سعد ومسلط مز بن القصيان

أعلومها من با حصي لا مثله=روس الشيوخ وقادة الركبان

وفيحان أبن فيحان علمه عندي=الشك ما يدخل وسيع أبطان

أنتوا غديتوبه وخذنا ثاره=ثلاثةٍ قد عدهم خد عان

وأنا لكم حدد تهم بالأسماء=وباقي السوالف عند أبن غيدان

هاذي قصص قدام حكم معزي=عبد العزيز موحد الكيان

وضحتها من شان غلطة جاهل=اللي على نفسه فتح بيبان

الظلم هدام البخوت العليا=وينزع من أهله صحة الابدان

وستغفر المعبود وأرجو عفوه=وأعوذبه من النقص والحرمان

وأنا ذياب أبن دحيم سويدي=سبيعي ٍ تفخر بي السبعان

شاعر وراوي وأعتني بالمبدأ=ورسالتي تصغي لها الآذان

العدل فيها والثقة موجودة=والصدق والإنصاف والإتقان

موثقه بالعرف من مصدرها=ومحصنه عن من ضميره خان

خان الأمانة والثقة والمهنة=وأصبح كذوبٍ يطمر الجرفان

والناس دون أحقوقها وأنفسها=لو لا كذا كلتهم الحيتان

هذا قبل حكم الإمام العادل=عبد العزيز اللي هجد عجلان

ثم وحد الدولة وزال الغمه=وصرنا بعد ذاك الشتات أعوان

وأبناه مع دربه تحث أخطاها=النهج واحد والعقول أذهان

رمز العروبة طبقوا شرع الله=روس ٍ لها عسر الليالي لان

وإنا لهم في كل وقت وحزه=جيش ٍ يقوده حامل التيجان[/poem]



.[/color][/align]




الشاعر والراوي / ذياب بن دحيم السويدي السبيعي

رد : الشاعر الكبير ذياب السبيعي يرد على المسردي ب 123
 

صح لساااانك ذياب بن دحيم

وبالنسبة لشاعر الاشدق فهذا خبل وجاهل ويدور على الشهره فقط

وسبيع وقحطان فعولها معروفه

ولكن الخبل الاشدق يبحث فقط عن الشهر فوجد الرد الشافي من ذياب السويدي وبيض الله وجهه

رد : الشاعر الكبير ذياب السبيعي يرد على المسردي ب 123
 

[B][size=4][align=center]أخي الكريم / ابن فليح السلام عليكم ورحمة الله وبركاته وبعد : صح لسان الراوي والشاعر / ذياب بن دحيم السويدي وسلم نبضه وبنانه وإعتلا شانه وسبيع الغلباء وقحطان غلابة ما يلحقهم الشك من كلام الجهيل مثل المسردي الله يهديه ويرده إلى الحق ردا جميلا وقد أدخل بعض الرواة بيوت الجزية على قصيدة الغوج بين ابن هادي والشريف سلطان وأي راوية أو شاعر يعرف أنها منتحلة حديثا ولا تقوم بمثلها حجة وقد أنكرها رواة الأشراف ورواة سبيع الغلباء والكذب ما يهفي للأجواد ميزان مع أطيب الأمنيات واسلم وسلم والسلام . [/align][/size][/B]

رد : الشاعر الكبير ذياب السبيعي يرد على المسردي ب 123
 

بيض الله وجه ذياب السويدي

رد : الشاعر الكبير ذياب السبيعي يرد على المسردي ب 123
 

[align=center]ابن افليح بيض الله وجهك على النقل



وأنا ذيـاب أبـن دحيـم سويـدي=سبيعـي ٍ تفخـر بـي السبـعـان ///

والله اني افتخربك واللي مثلك يا ذياب ابن ادحيم

وصح الله لسانه

وبيض الله وجهه [/align]

رد : الشاعر الكبير ذياب السبيعي يرد على المسردي ب 123
 

[color=#0000FF][size=5]ابن فليح بيض الله وجهك على النقل وصح لسان الشاعر والراوي ذياب بن دحيم السبيعي على هذه القصيدة الجزله التي وضح من خلالها كل الحقائق دون زيادة او نقصان او خطا على احد انما عد الوقايع التي حصلت بين الطريفين والكل يعرفها وقد ذكرها للتوضيح فقط لمن لايعرف الحقائق ولكي لاحد يصدق ماذكره الشاعر المسردي هذا مع كامل احترامنا وتقديرنا لقبيلة قحطان 0 ولكن الخطاء ماحد يرضاه على نفسه ولا على الآخرين [/size][/color]

رد : الشاعر الكبير ذياب السبيعي يرد على المسردي ب 123
 

[align=center]صح لسان الشاعر الكبير والمؤرخ ذياب بن دحيم السويدي وبيض الله وجهه


مثل هذا المسردي كان حقه " السفه "


ولكن أراد اخي ذياب التوضيح لمن تبلغه تلك القصيدة بأنها مهايط في زمن النعمه والآمان



وقبيلة قحطان غنية بفعولها عن تزوير هذا المتشدق[/align]

رد : الشاعر الكبير ذياب السبيعي يرد على المسردي ب 123
 

[align=center]صح السان ذياب بن دحيم السويدي

وبيض الله وجهه


ومشكور على نقل القصيدة أخوي أبن فليح[/align]

رد : الشاعر الكبير ذياب السبيعي يرد على المسردي ب 123
 

[B][size=4][align=center]كنت اتمنى من الشاعر ذياب السويدى ان يتجاهل هذا الشويعر السفيه فحقران السفيه وتجاهله افضل من الرد عليه لانه لايستحق الالتفات له 0


0[/align][/size][/B]

رد : الشاعر الكبير ذياب السبيعي يرد على المسردي ب 123
 

[frame="7 80"][align=center][size=5]أبن فليح بيض الله وجهك على طرح رد الشاعر والراوي
المعروف ذياب بن دحيم السبيعي الذي كفا ووفا وأبن
لشدق أخطأ في حق قبيلة سبيع بدون شك ولكن أبو
محمد بيض الله وجهه رده جزل ولم يمس قبيلة قحطان
وهذا هو المطلوب فقبيلة قحطان قبيلة عزيزه وتربطنا
بهم علاقات جيرة ونسب وغير ذلك من علوم الرجال التي
تربط القبائل ببعضها . وأبو محمد عد الحقائق التي سطرتها
القبيلتين في العصور الماضية وهذا يدل على قوة القبيلتين
بعد قوة الله عز وجل . والرجال الذين فيهم خير لا يهضمون
حقوق أخصامهم بل يعترفون بها ويفتخرون بأن أخصامهم
لايقلون عنهم قوة ولا يجحدون فعلولهم . بيض الله وجهك
يابن فليح وبيض وجهه أبو محمد ولا يستغرب عليه الدفاع
عن حقوق القبيلة والتصدى لكل من يحاول التعدي على
قبيلة سبيع الغلباء [/size][/align][/frame]

رد : الشاعر الكبير ذياب السبيعي يرد على المسردي ب 123
 

بيض الله وجه الشاعر الكبير والراوي المعروف ذياب بن دحيم
السبيعي على هذا الرد الجزل الذي الجم به المتشدق الحقير
ابن لشدق الذي ظلم نفسه وظلم قبيلة سبيع الغلباء وظلم
كل القبائل حيث حاول هذا التافه تغيير التاريخ بقصيدة وحاول
إلغاء تاريخ قبيلة سبيع الذي لاأحد يجهله من كل القبائل في
المملكة العربية السعودية وحتى في كثير من دول الخليج...

أخي ابن فليح بيض الله وجهك ولاقصرت بنقل القصيدة وأنا
قد كتبت موضوع هنا في هذا المنتدى ولكن حذف من قبل
الادارة هداهم الله حيث طلبت قصيدة المسردي لكي يتم
الرد عليها ولكن بعد هذا الرد أكتفي وبيض الله وجه السويدي


أخوك جبار السبيعي

رد : الشاعر الكبير ذياب السبيعي يرد على المسردي ب 123
 

ارجو ثبيت القصايد من ادارت المنتدى

رد : الشاعر الكبير ذياب السبيعي يرد على المسردي ب 123
 

[align=center][size=5]ابن فليح بيض الله وجهك على النقل ... وبيض الله وجه الشيخ والشاعر والراويه / ذياب ابن دحيم بن حديجان السوده .. على القصيده التي بتلجم المسردي وغيره الذين يحاولون التقليل في شأن قبيلتنا سبيع الغلباء العامريه الهوزانيه ... هاذى انسان ماعنده اي مفهوميه يحسب انه قحطان منزله من السماء لكن ظلم نفسه
ويستاهل ماجاه ... وقبيلة قحطان بغض النظر عن شويعرهم الخبل .. هم قبيله كريمه طيبه بينا وبينهم نسب وجيره واخوه لكن هاذا يبي يشبها بين سبيع وقحطان والضعيف مادراى انها بتعود عليه .... [/size][/align]

رد : الشاعر الكبير ذياب السبيعي يرد على المسردي ب 123
 

ابن فليـح ..

بـيّــض الله وجهك يالذيب على نقل قصيدة شاعرنا ذياب ابن دحيم السويدي اللي سكّت هالجيزاني وألجمه

وألف شكر لك يبو دحيم كانك تقرا ردّي على قصيدتك الرائعه التي بـيّنت بعضً من شيوخهم اللي ذبحوهم سبيع


واظنّـه مانسى الحويّا وما نسى ايضاً الشهيلا اللي ذبح فيها الشيخ / عويّد ابن هوا ، شيخ احد الفخوذ في قبيلة قحطان

رد : الشاعر الكبير ذياب السبيعي يرد على المسردي ب 123
 

بن فليح لاهنت على نقل قصيدة ابو محمد جعله يسلم على الرد الوافي المدعوم بحقائق وآثباتات صحيحه

يدافع بها عن قبيلته وعن ابن عمه ناصر الفراعنه وهذا ليس بغريب على آلاد بن سويد دون قصور فالباقين ...........

اما اللي يقولون لو تجاهل المسردي كان احسن اقول رايكم غير صحيح ؟؟

فاذا كان المسردي لايستحق الرد فمن هو اللي يستحق الرد إذاً ؟؟؟؟

صح لسانك يابو محمد ولاهنت على النقل يابن فليح ..

اخوكم / تركي بن مقعد السويدي السبيعي ..

رد : الشاعر الكبير ذياب السبيعي يرد على المسردي ب 123
 

[size=6]اخي الغالي-فعلا-ابن فليح بيض الله وجهك على هذا الجهد
ولا فض فم ابو محمد على هذه الابيات وهو ينهل من جزالة شعر وفعول ربع
وان كان السكوت في مثل هذه المجالات-وليس الاشخاص-مناسب حتى لايتحرك سفيه آخر منهم فيحرج ربعه ولكن انكار الكبر -الذي هو رد الحق واحتقار الناس-طيب
وفي الختام اسأل الله ان يصلح الأمور ويجعل ما حصل وحدة بوحدة والقلوب نظاف[/size]

رد : الشاعر الكبير ذياب السبيعي يرد على المسردي ب 123
 

رح وقوله مافيه قبيله ولا دخلة بحكم ابن رشيد

ماعدا سبيع سهول ويام

وخله يسمع قصيده ابن رشيد

وفعل بني عمي يوم فعل الفعل الطيب ولا خلواه ياخذ ناقه من الابل

ورده عنوانك ياعايض

ولا هنت يابن عمي

رد : الشاعر الكبير ذياب السبيعي يرد على المسردي ب 123
 

[align=center][size=6]

بارك الله بك , شكراً أخي الكريم على النقل

وصح لسان الشاعر الكبير على الرد الرائع


وكل اجواد لهم خلفة ولاكن اللوم على العقال


ولو مايوخذ على ايدي السفهاء لنشبة الناس


وشاعرنا لزم عليه ان يبين للجاهل عن القصص


الحقيقية من كل القبايل والقبايل كلا منها يعف قدر ومستوى الثاني


وبيض الله وجهه على القصيدة ولعلها تكفيهم[/size][/align]

رد : الشاعر الكبير ذياب السبيعي يرد على المسردي ب 123
 

يض الله وجه شاعرنا الذي اسكت الجاهل ووضع حجر في فيه

وقبيلة قحطان قبيلة عريقه ومجاوره نعم القبيله لاكن هذا المسفوه

حفر لنفسه في حفره

وانا اعلم ان قبيلة قحطان لن ترضى بالذي قاله هذى الشاعر وقد ردعته وانتقدته

لانها قبيله تعرف مالها وماعليها وهي نار مشتعله وهذا المسردي مجرد دخان او بالاصح رماد من نار


والي يقول ليت شاعرنا اسفهه اقول لا انت غلطان فالقصيده اصبحت تتداول بين القبايل وفيها اجحاف لحق اسبيع

علما ان اكثر من يتداولها هم صغار السن الذي سترسخ في روسهم انها صحيحه لاكن الرد عليها كان في محله

وشاعرنا لم يخطي في شعره بل اجاد واجاز


واشكرك اخي على النقل وصح الله السان الشاعر ذياب واطال الله في عمره وامد بصحه والعافية

رد : الشاعر الكبير ذياب السبيعي يرد على المسردي ب 123
 

بيض الله وجهك يابن فليح على هذا النقل المميز

وبيض الله وجه الشاعر والراوي/ذياب بن دحيم السويدي السبيعي

على هذا الرد الحاسم والمنصف على السفيه عايض المسردي

رد : الشاعر الكبير ذياب السبيعي يرد على المسردي ب 123
 

والنعم في سبيع والنعم في قحطان واذا كانوا يذكرون في بطونهم شيوخ وفرسان فسبيع في بطونهم شيوخ وفرسان منهم مثل هديف بن عبود ذبحوه القريشات طرجم بن لبده ذبحه هاجد بن سحمان ال محمد نحو بن شري ذبحه هياف الدرم ال محمد عقيل بن سفران ذبحه سحمي بن رديعان ال محمد بن عبود الثاني ذبحوه الفراعنه بن شفلوت ذبحوه السوده الجهيمي ذبحوه السوده شويرع الخيل ذبحوه الصمله ابن هوى ذبحوه القريشات ملهي العير ذبحه مواز بن عمير ال محمد حيبان ذبحه بن مثقال الفراعنه
وقد ذكرت الاسماء ليعلمون ان مانتكلم به صحيح وليس رمي كلام وفعل سبيع واحد

رد : الشاعر الكبير ذياب السبيعي يرد على المسردي ب 123
 

[QUOTE=متحمس للمزاين;156423]صح لساااانك ذياب بن دحيم

وبالنسبة لشاعر الاشدق فهذا خبل وجاهل ويدور على الشهره فقط

وسبيع وقحطان فعولها معروفه

ولكن الخبل الاشدق يبحث فقط عن الشهر فوجد الرد الشافي من ذياب السويدي وبيض الله وجهه[/QUOTE]

متحمس للمزاين لاهنت على التعليق
وسبيع وقحطان لن يهز علاقتها جاهل
يبحث عن الشهره مثل بن لشدق

رد : الشاعر الكبير ذياب السبيعي يرد على المسردي ب 123
 

[size=4]أخوي /

ابن فليح

أشكرك على نقل القصيده الرائعه التي أبرزت بعض حقائق ووقعات سبيع الغلباء.............مع قحطان.....

واتصفت بالواقعيه والصدق والانصاف...............

كما أنها باسم قبيلة سبيع الغلباء كافه في وقعاتها........

وأشكر شاعرها البارز والراوي الكبير والمعروف الشاعر / ذياب بن دحيم السويدي السبيعي......

[grade="8B0000 FF0000 FF7F50"] .......!!ويستاهل حبة الخشم!!........

[/grade]أخوكم /

[motfrk]المنتبه[/size][/motfrk]

رد : الشاعر الكبير ذياب السبيعي يرد على المسردي ب 123
 

[quote][size=3]ابن فليـح ..

بـيّــض الله وجهك يالذيب على نقل قصيدة شاعرنا ذياب ابن دحيم السويدي اللي سكّت هالجيزاني وألجمه

وألف شكر لك يبو دحيم كانك تقرا ردّي على قصيدتك الرائعه التي بـيّنت بعضً من شيوخهم اللي ذبحوهم سبيع


واظنّـه مانسى الحويّا وما نسى ايضاً الشهيلا اللي ذبح فيها الشيخ / عويّد ابن هوا ، شيخ احد الفخوذ في قبيلة قحطان[/size][/quote]

ونعم ونعم ونعم ونعم ونعم ونعم ونعم ونعم ونعم ونعم ونعم ونعم ونعم ونعم ونعم ونعم ونعم ونعم ونعم ونعم

[size=5]وصــــــح لـــســـانـك وبـــيـــض اللـــه ووجـــهــــــكـ

المهبووووووووول يدورها لين تحصلها في وجهه الخبل

ترى عليه من الله ضلال لا تواخذونه

والشرهه مهوب عليه علا اللي يسمعه واللي يشجعه

ومشكوووووووووووووور وتوها بردت كبدي من الجيزاني [/size]

رد : الشاعر الكبير ذياب السبيعي يرد على المسردي ب 123
 

[size=4]أخوي /

احمد احمد

أشكرك على ايضاحك...........ولكن جل من لايسهى.....!!!

هنا اوضح لك أن الشيخ / شارع بن شري قتله الفارس / سحمي بن وندان القريشات............

والشيخ / نحو بن شري وأخوه مترك قتلوا على يد الفارسين / عبدالله بن خلف والجعيب بن مسمار السوده.....

وأحفاد نحو موجودين ويؤكدون ذلك.............

والشيخ / هديف بن عبود وأخوه ناصر قتلوا على يد فرسان القريشات.......................

والشيخ / عقيل بن سفران اللي قتله / هاجد بن سحمان وليس سحمي................وكل الجميع والله ونعم...

هذا ما أردت أن أوضحه لك....والله أعلم......

اخوك /

[motfrk]المنتبه[/size][/motfrk]

رد : الشاعر الكبير ذياب السبيعي يرد على المسردي ب 123
 

[color=#0000FF]بيض الله وجهك ياذياب واتمنى من إدارة المنتدى تثبيت القصيده [/color]

رد : الشاعر الكبير ذياب السبيعي يرد على المسردي ب 123
 

انا اقول ياعايض اسمع لشاعر سبيع ... الشــــاعر دسمــان السبيـــعي ....
وماقصـــر ذياب السبيعي في رده على جــاهل قحطـــان ....

واعتقدانه الشاعر عايض يبحث عن الشهــره على حساب الفراعنة ... كما غيره من الشعراء السابقين اللي هي على شاكلته

رد : الشاعر الكبير ذياب السبيعي يرد على المسردي ب 123
 

صح لسانك يالسويدي

رد : الشاعر الكبير ذياب السبيعي يرد على المسردي ب 123
 

[size=6][glint][color=#FF0000]بيض الله وجه




الشاعر والراوي / ذياب بن دحيم السويدي السبيعي على تبيين حقيقة هذا الجاهل الذي تطاول على عكفان الاشناب [/color][/glint][/size]

رد : الشاعر الكبير ذياب السبيعي يرد على المسردي ب 123
 

[size=5][color=#000000][font=Simplified Arabic]الله اكبر عليك يا خليفة حمود بن زامل شاعر سبيع..
هذا هو شاعر سبيع بعد حمود بدون منافس واللي
ماهوب معجبه كلامي ماعلي منه شاعر كبير وراوي
نزيه ورجل يدافع عن قبيلته بكل شجاعة فأقول له
بيض الله وجهه وأشهد بالله أنه يستاهل التكريم من
قبيلة سبيع. ابن فليح ماقصرت على نشر الرد الذي
ينومس كل سبيعي غيور على قبيلته ولكن ماودي
أنك نشرت قصيدة القحطاني في منتديات سبيع لان
هذا يزيده شهره ؟؟؟ وهو مايستاهل الشهره
... وأنا سمعت أن القحاطين دعوا عليه[/font][/color][/size]

رد : الشاعر الكبير ذياب السبيعي يرد على المسردي ب 123
 

بيض الله وجهك على هالقصيده الطيبه والجزله

وسبيع وقحطان معروفين خوان وبينهم علاقه تاريخيه اخويه ونسب

اكبر من انه يجى مستشعر يبحث عن الشهره

وشكرااااااااااااااااااااااا

رد : الشاعر الكبير ذياب السبيعي يرد على المسردي ب 123
 

مقدر اقول الا آر آر آر ياقحطاني

هذي سبيع الي نزلت عتيبه طرق عليكم وكلن خابرها

ومعروفه بالأبيات الشعريه

رديت رد بسيط على عقله البسيط ولكن لاتلومون الا انفسكم

اذا اتت منكم مسبه يا أنتم هذا انا قلت وهذا انتم تسمعون (( نصيحه ))

رد : الشاعر الكبير ذياب السبيعي يرد على المسردي ب 123
 

[align=center][size=5]ابن فليح بيض الله وجهك على النقل ...


وصح لسان الشاعر والراويه / ذياب ابن دحيم بن حديجان السويدي السبيعي


على هالقصيده وأقول له كفيت ووفيت يابودحيـم بيض الله وجهك عديت الحقائق


[color=#FF0000]وأقول (( لبن شري التاريخ لايرحم ))


[/color] [/size][/align]

رد : الشاعر الكبير ذياب السبيعي يرد على المسردي ب 123
 

بيض الله وجهك



عموماً


المسردي وغيره ماله درب علينا


ولو ذكر هذه الهيتين لكفته :
هية دراويش ووعقبها هيت المصاليخ يبون قضا شيخهم وراح شيخن ثاني :shine:

رد : الشاعر الكبير ذياب السبيعي يرد على المسردي ب 123
 

[size=5][align=center]الله لا يهينك على الموضوع وصح لسان ذياب بن دحيم

ومثل ذا ما يأثر بقيلة سبيع الغلبا [/align][/size]

رد : الشاعر الكبير ذياب السبيعي يرد على المسردي ب 123
 

يعطيك العافيه

رد : الشاعر الكبير ذياب السبيعي يرد على المسردي ب 123
 

سبيع ماعروفين ومافيهم شكه وملهي الرعيان حقه السفهان

رد : الشاعر الكبير ذياب السبيعي يرد على المسردي ب 123
 

عائض الخبلان
من بعد ما قرأت قصيدته عرفت أنه خبل

رد : الشاعر الكبير ذياب السبيعي يرد على المسردي ب 123
 

السلام عليكم ورحمة الله وبركاته
بيض الله وجه الشاعر ذياب بن دحيم السبيعي على هالقصيده وقول وفعل موثق بفعول سبيع الغلبا واتمنى من جميع شعار سبيع يكتفون برد الشاعر ذياب ويكون فيه شاعر من القبيله مفوض بالرد على مايخص القبيله حتى لايكون فيه تداخل في الطرح اوالرد يكون من شاعر متمكن مثل الشاعر والراوي ذياب بن دحيم وفق الله الجميع لما يحب ويرضى

رد : الشاعر الكبير ذياب السبيعي يرد على المسردي ب 123
 

رد الشاعر ذياب بن دحيم كافي واتمنى ان يكتفى بقصيدته وحده بوحده والقلوب صحاح