علموا ابن بداح...
 

مرحبا يا أخي...ابن بداح

مبطين عنك ...و حابين نسمع صوتك..

استلم..

[poem=font="Simplified Arabic,5,blue,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
لا شفت مفرح بن بداح يلعب مع ربع مستور=أبذبحله قعود حق و أعشي هل الديره

يقولون القضيه ما نفع فيها شهود الزور=عجز عنها محاميها و ضيعته تدابيره[/poem]استمر و أنا معك..

رد : علموا ابن بداح...
 

الله الله ياسلام يامرّوض





بداية طاروق جيد وفتل خطير :)





في انتظار شاعرنا الكبير ابن بداح




مع الله :)

رد : علموا ابن بداح...
 

الله الله

وينك يابوعبدالله ؟

الليل سرا

رد : علموا ابن بداح...
 

[poem=font="Simplified Arabic,5,limegreen,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]

لعبنا ثم لعبنا ثم لعبنا والخبر منشور= لكن المشكله ماهيب منا يالله الخيره
قبيلتنا تحاسد بينها وتهدم المعمور= وتترك صامل الميقاف وتصفق مع غيره[/poem]

رد : علموا ابن بداح...
 

الله الله يابو عبدالله




ياسلام ياسلام



وتترك صامل الميقاف وتصفق معا غيره :)




واصلوووووو وحنا متابعين




مع الله

رد : علموا ابن بداح...
 

عاشوا المشجعين...ابو تركي_المولع

لا هنتوا على تواجدكم...و حنا منكم..و فيكم..

شد حيلك يا عميلي...و استلم..

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ترى من كبر بطنه ما قدر يوقف مع الطابور=خسر مكسبه بالجمله و تاليته طمت بيره
لو ان العود يفرض سطوته بالعدل و الدستور=كثير الناس تصبح حيلته موته و تدميره[/poem]
و الشكر للجميع..

رد : علموا ابن بداح...
 

عاشوا الشعار

ابن بداح بصراحة بصراحة إنك ماقلت غير الحق

رد : علموا ابن بداح...
 

[poem=font="Simplified Arabic,5,limegreen,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كبر بطن الرجل من نعمة الله وانت مالك دور= لاتهرج بالكلام وتبتلش لا جبت تفسيره
تركد يا مروض وانت عبدٍ منهيٍ مأمور=يلعمك الزمان اللي تنكر مع مشاهيره[/poem]

رد : علموا ابن بداح...
 

هلا بك ...يا طويق

مرورك أسعدنا...استلم يا بن بداح..

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ألا وا فرحة ابنا سام يومنه وعد بلفور=طلع من همها بعد كثرت عنده دنانيره
ألا يا طير وش رسمك ليا جا في سماك طيور=تطير مع السما و للا تلافح بك معاصيره[/poem]

رد : علموا ابن بداح...
 

تطير مع السما والا تلافحبك معاصيره


هيهيهيهيهيهيهيهيهيهيهيهيهي

رد : علموا ابن بداح...
 

الله الله عاشو شعارنا

بيض الله وجيهكم

الصف لايميل

رد : علموا ابن بداح...
 

[size=4][align=center][B][color=#990000]طاروق رائع

بين شاعرين كبار

وابن بداح

ماعديت الا الحق

لا عدمتك[/color][/B][/align][/size]

رد : علموا ابن بداح...
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لعبنا ثم لعبنا ثم لعبنا والخبـر منشـور=لكن المشكله ماهيـب منـا يالله الخيـره
قبيلتنا تحاسد بينهـا وتهـدم المعمـور=وتترك صامل الميقاف وتصفق مع غيره [/poem]

الله الله

ابن بداح صح الســـــاااااااانك والله يكثر من امثالك يالغالي

مروّض صح الســـــانك والله يعطيكم العافيه


تحياتي

رد : علموا ابن بداح...
 

ما شاء الله عليكم


لو إنها مباشرة كان ما مثلها



لكم تحياتي

رد : علموا ابن بداح...
 

[poem=font="Simplified Arabic,5,limegreen,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا تخرجنا من الموضوع والموضوع فيه جسور= أبا اعبرها وأثير شجونها وأفضها سيّره
يطير الصقرويعشيه مخلابه ومعه صقور= لكنك يا مروض روض العش وعصافيره[/poem]

رد : علموا ابن بداح...
 

[align=center][size=5][color=#CC3300]الاخوان الكرام
ابو تركي

طويق

ابن شطيط

المولع


أبو عمر



لاهنتوا على المتابعه والمرور الذي أسعدنا كثيراً لكم جميعاً التحيه والتقدير .




أبو عمر الله يعينك بماذكرت ابدا المباشره وأزهم اللي تبي .........!![/color][/size][/align]

رد : علموا ابن بداح...
 

أخوتي...طويق_نديم القوافي_ابن شطيط_المولع_ابو عمر

الله لا يهينكم....يا متابعينا...

أسعدني...و الله مروركم...و سيزيد الحماس...و ان كنت لا أعلم من منكم في صفي...

و أنا صفي...و صف ابن بداح واحد....

فعلا...لو كانت مباشره...لكانت أفضل...و لكن الجود...من الموجود..

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يضيعن الهقاوي عند رجل(ن) ما يطيع الشور=ليا عدّى الطويله قام يشبرها بأشابيره
تركته من ورى صنعاء و أشوفه عند ميناء الزور=غريبه ينتقل طول السنه من دون تأشيره[/poem]

رد : علموا ابن بداح...
 

[poem=font="Simplified Arabic,5,limegreen,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يضيعن الهقاوي فالردي وإلإ الوفي منصور= نصرهه الله ويرفع هامته فكره وتعبيره
انا ماخلفت وعدك وانت لا تشهد شهادة زور=سواة اللي ليا قلط يقوم بدون تشكيره[/poem]

رد : علموا ابن بداح...
 

الله لايهينك



محاوره


جميله

ممتعه

وواصلو

رد : علموا ابن بداح...
 

ابن بداح


عندما ترى اسمي اطلبني وابشر



لك تحياتي

رد : علموا ابن بداح...
 

بحر الشوق...مشكور على مرورك

أبو عمر...انتبه..ما لك حق تشغل ابن بداح عنا...الا بعد ما يرد..

استلم يا مفرح..

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يجي للطيب بقلوب الرجال أهل المكارم نور=كما السلعه لها فالسوق عند الناس تسعيره
ليا زاد الحطب لهيب النار فاحن القدور=و لا ينفع كسير العظم تطبيبه و تجبيره[/poem]
و سلم المنتدى و أهله..

رد : علموا ابن بداح...
 

[poem=font="Simplified Arabic,5,limegreen,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]


أختمها بذكر الله واقول لصاحبي مشكور=رفيقٍ مجتهد والحرف من صنعه وتحريره
ترا ما فيه داعي للحطب رح ولع الدافور=تمدن فالحضاره وأشرب من الببس والبيره[/poem]

رد : علموا ابن بداح...
 

أخي...ابن بداح

لا هنت على الطاروق....و الملتقى قريبا باذن الله..

يا خي...يا زين الحضاره..ملا الكوره...ما أحبها...

و البداوه...ميزتها ...يغسل بها الرجل قلبه من الدنيا

ابو عمر...يالله..طال عمرك..شد حيلك...ابن بداح يمك...

رد : علموا ابن بداح...
 

[align=center][size=5][color=#0033FF]لاهنت ومشكور يا مروض

تشرفنا باللعب معك طال عمرك


استأذنك في التعديل الذي طراء على أخر البيتين كان عندي خطاء غير مقصود


تقبل تحياتي وتقديري .[/color][/size][/align]

رد : علموا ابن بداح...
 

عجيب!!!!!!!!!!!!!!







وش قلت عشان تمسحون كلام؟؟؟؟؟؟



واكرر السؤال لابن بداح



يقول مروض
يقولون القضيه ما نفع فيها شهـود الـزور...عجز عنهـا محاميهـا و ضيعتـه تدابيـره



وانت قول في احد ابياتك

انا ماخلفت وعدك وانت لا تشهد شهادة زور....سواة اللي ليا قلـط يقـوم بـدون تشكيـره



كلمة (زور) مكرره



هل يجوز هذا في شعر المحاورة؟؟؟؟؟؟؟؟




وعندي سؤال ثاني وش معنى القاف شاب؟؟؟؟؟؟


والله لا يهينك



واتمنى استفيد من خبرتك


ويا مشرفين لا تمسحون كلامي

ترى ما غلطت

رد : علموا ابن بداح...
 

لاهنتوا على اللعب الطيب


ابن بداح ..... وش رايك ... ياللاله ياللاله في أي وقت شئت