.. هذي سيوف العشق ..
 

[color=#000066][size=4][align=center]بسم الله الرحمن الرحيم
اخواني اعضاء ومشرفي وزوار منتديات سبيع
اضع بين ايديكم هذه القصيده المتواضعه علها ان تجد رضائكم واستحسانكم ان شاء الله علها ان تصل الى ذائقتكم وان تحوز على رضائكم



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اوجست ما بين المحاني سعيره = شي بدا يضفي على القلب مرا
هب الهبوب وجات له مستثيره = واصبح كما بركان يوفيه حرا
قالوا علامك يا عسى العلم خيره = قلت البلا وقتي نواني بضرا
من يوم ما شفت المهاة الصغيره = اقفى معه قلبي و فارق مقرا
هدب الرموش سيوف هند شطيره = تذبحك يا الرجال وانته تحرا
العين تحت الرمش ظلما ونيره = لي سلهمت منهو عليها يتجرا
والنهد مفهوق عن اللي خشيره = الثوب زمه فوق واظهره برا
والطول وافي هو ملاك العشيره = والوسط يوم ان حط كفه تذرا
يوم ادرج الخطوات جانا عبيره = ريح النفل والورد معها يجرا
وبعده طرقها الريح تابع مسيره = شفت الّذي وان شيف ما ينتطرا
يوم ان نويته لين رجلي كسيره = من هول ما قدّام عيني تورا
قالوا بلاك الحب ما هوب غيره = مرحوم ياللي الوقت صابه وغرا
قلت البلا من حب هذا مصيره = قلبه من اقصى الجاش خطر يفرا
هذي سيوف العشق جدا خطيره = لو هو كفانا الخير نفتك شرا [/poem]

وتقبلو خالص تحيات اخوكم بن جراح[/align][/size][/color]

رد : .. هذي سيوف العشق ..
 

الله الله الله الله

صح لسااااانك ياابن جراح

تقبل تحياتي

ابو فهد

رد : .. هذي سيوف العشق ..
 

صح لسااااااااااااانك ياااااااابن جراااااااااااااااح مليوون



الله يغربل الحب اخااف يذبحك يابن جرااح




والنهد مفهوق عن اللي خشيـره
الثوب زمه فوق واظهـره بـرا


خطيييييييييير


ترااانااا بأأأأأأأنتظاااااااااااار القااااادمه لاتبطي علينا


تقبل فااااااااااائق تقديري

رد : .. هذي سيوف العشق ..
 

[size=5][color=#0000FF]اسلم اسلم يابن جراح



صح لسانك دائما قصائدك رائعه




الله يعينك على هذه السيوف


الذي تخليك تكتب هذه القصائد الجميلة


لاهنت يالغالي



اقول


؟


؟


؟


لاتنسانا


\؟
؟





نحن بنتظار جديدك[/color][/size]

رد : .. هذي سيوف العشق ..
 

[img]http://alzaeem.net/news/salam11.gif[/img]


صح لسااااااانك وبيض الله وجهك



[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]

قلت البلا من حب هذا مصيـره=
قلبه من اقصى الجاش خطر يفرا
هذي سيوف العشق جدا خطيـره=
لو هو كفانا الخير نفتـك شـرا [/poem]

رد : .. هذي سيوف العشق ..
 

[align=center]
[I][color=#993399][size=7][font=Arial]
والنهد مفهوقاً عن اللي خشيره[/font][/size][/color][/I]

[size=4][font=Arial]بيض الله وجهك يابن جراح وتقبل فائق التحيه والتقدير .........[/font][/size][/align]

رد : .. هذي سيوف العشق ..
 

ابن جراح


صح لسانك وبيض الله وجهك


تقبل تحياتي

رد : .. هذي سيوف العشق ..
 

ابن جراح
بيض الله وجهك وصح لسانك
الحقيقة قصيده ولا اروع

وبعده طرقها الريح تابع مسيـره

..............................شفت الّذي وان شيف ما ينتطـرا

رد : .. هذي سيوف العشق ..
 

أخي...ابن جراح

محاوله جيده...تحتوى على كثير من الايحاءات الخطيره..

شكلك قلبك خضر لهلحين...أليه ما تزوّج و ترتاح...و لا أنت من هواة المؤبد..

مفردات القصيده منسجمه...و لاهنت أخي الكريم..

رد : .. هذي سيوف العشق ..
 

ابن جراح


صح لسانك

قصيده رائعه

ماتكفينا منك



سلالالام

رد : .. هذي سيوف العشق ..
 

صح السانك اخوي ابن جراح

وقصيده رائعه وتسلم والله

تحياتي

رد : .. هذي سيوف العشق ..
 

بسم الله الرحمن الرحيم

ابو عبدالله

صح لسانك على هالرائعه

اعلم ان وراء هذا الاسم شاعر رائع لكن يعيبه عدم النشر

لذلك لن نسمح بان تخفي عنا اي شيء من الان فصاعدا ً لاننا نرغب في ان ننهل من بحر العذوبه ولو شي ء يسير


وبعده طرقها الريح تابع مسيـره))(( شفت الّذي وان شيف ما ينتطـرا
يوم ان نويته لين رجلي كسيـره))(( من هول ما قـدّام عينـي تـورا

رد : .. هذي سيوف العشق ..
 

صح لسانك يا بن جرّاج ...

وحنا في انتظار جديدك دايما ..

رد : .. هذي سيوف العشق ..
 

بن جررراح

صح لسانك مليون

جزل ولا يجي منك الا جزل

تحياتي لك

اخوك

رد : .. هذي سيوف العشق ..
 

سجلوا إعجابي بعد هذه الغيبة
قصيدة مايحتاج
ودي لو تبدل الشطر اللي قلت فيه : مرحوم ياللي الوقت صابه وغرا .
لكي تحس بسلاسة البيت . مرحوم ياللي صابه الوقت ... ( حط كلمة بدون واو)

رد : .. هذي سيوف العشق ..
 

[color=#000066][size=4][align=center]اعتذر عن التاخر اخواني جميعا
واشكركم على مروركم وصحت ابدانكم
ولكم مني خالص شكري

لقد انقطعت بسبب سفري وعدم توفر خدمة انتر نت عندي
فاشكر لكم حضوركم وتشجيعكم

واشكر الاخ طويق على الملاحظه ولي عوده على ملاحظتك ان شاء الله

تقبلوا فائق احترامي وتقديري
اخوكم بن جراح[/align][/size][/color]

رد : .. هذي سيوف العشق ..
 

صح الســــــــــــــانك خوي ابو عبدالله وبيض الله وجهك يالغالي



والله يعطيك العافية





وتحياتي يااااااااااااااااابو عبدالله

رد : .. هذي سيوف العشق ..
 

[size=4][color=#000066][align=center]استاذي ابو مشعي
صح بدنك ولا هنت على مرورك
الله يعافيك يا ابو مشعي
وتقبل خالص تحياتي من القلب[/align][/color][/size]