انا والبنات الاربع
 

[grade="00008B FF6347 008000 4B0082"]السلام عليكم ورحمة الله وبركاته وعليكم السلام ورحمة الله وبركاته


ندخل في صلب الموضوع << اخصص <<يقلد ولاعه

في يوم من الايام اتجهت الى الســوق.....صحاري....دخلت لحالي <<نصاب عوايلمتردد وش يحليلي
دخلت وانا ناوي اخذ غرض واطلع من هالسوق اللي مافيه الا القهر......
دخلت لمحل عطور....ناوي اشتري عطر....
المهم لما دخلت قعدة اسولف مع اللي في المحل هو يحاول يقنعني
وأنا ملزم يا ينزل لي في السعر يا ابعطيه ركبه على خشته الين ما ينزل في السعر
مع محاولة المد والجزر ههههههههه بيني وبينه....شوي ألا أربع بنات دخلو علينا في المحل ....
كل وحده تقول نعل ابوك يالقمر انزل وابنصير محلك طبعا أنا ما شفت ألا هالعبايات الجديده....
وهالريحه اللي تطلع البنكرياس وتقوله شم عساك الماحي ....
وهالعيون اللي تقول فناجيل دله مبهره بهيل مخلوط مع قهوة هرري .....يالله وش ذا الزين
سبحان اللي خلقكم وسماكم بني ادم وسمي هاللوح اللي قدامي راعي المحل بني ادم سبحان اللي جمعهم بصفة الانسانيه......المهم لايغركم الوصف......

طبعا انا طبقت اول نظره لك والثانيه للشيطان وخليتها قزه وحده يعني تكحيله كامله
شوي طالعوا وش اللي صار

خلاص بعد ما ناظرتهم صديت عنهم.....طبعا أنا ثقيل ولا عاد يهموني.: .....
قمت وبعدة في طرف المحل....شوي ألا كل مالهم يقربون وأنا ابعد ألين ما حشروني في زاوية تقول قطو قامت الطويلة وقالت لي وش هالثقل ...طبعا هم ثنتين طوال ووحده متوسطة الطول ووحده دبدوبه ...ما رديت عليها.....شوي ألا الدبدوبه تقول تكفى بس نظره....وانا ولا كن قدامك احد...طبعا شاب طموح هههههه <<<< ماعندك ماعند جدتي ...
سويت نفسي ما اسمع....لان مافيه في المحل ألا أنا <<وين راعي المحلشوي ألا اللي ماهي طويلة تقول لي ممكن لو سمحت واطالع الا معاها ورقه....قلت وش ذا....

قالت رقمي قلت لها آآآآآآآآسف....شوي ألا الطويلة الثانية0000

قالت ممكن استخدم جوالك ......قلت يالله اجر نعطيها الجوال يمكن تكلم خيها ولا بيها يجي ياخذهم من السوق .....ابد خذته دقيقه ورجعته لي الا لاقيتها مخزنه رقمها ... قلت لها سوووووري

وحذفت رقمها مانفعت محاولتهم مع واحد ثقيل زيي ....
حاولوا وحاولوا....ولا فيه فائده.......انا ما كنت افكر فيهم انا كنت افكر وشلون اكسر خشت راعي المحل
واخليه ينزل في سعر العطر

المهم لم نتفق انا و اللي في المحل.....
لما جيت ابطلع قاموا البنات وتقاطوا علشان يشترون لي العطر اللي كنت ابغاه قلت لهم لو سمحتوا خليكم في حالكم ....انا ما طلبت صدقه منكم طلعت من المحل وقلت اللي اولها كذا ينعاف تاليها....
خلاص ابطلع من السوق احسن....رحت لسيارتي.....
ولما وصلت للسياره لقيتهم يمشون وراي اعجبني فيهم روح الاصرار والكفاح على ايصال الهدف المنشود هههههههه. ...المهم تذكرت اني ناسي المفاتيح عند راعي المحل....
رجعت الا الدبدوبه كانت من ناحيتي وقالت علي الطلاق بالثلاث الا تأخذ رقمي لاتكسحني قدامهم قلت والله اسف....لو سمحتي روحي بطريقك.....رجعت للمحل.....وخذيت مفاتيحي ..
لما رجعت لسيارتي لقيت البنات يبكون على الكبوت ...
والدموع أربع أربع ...
حسية بذيك اللحظة إني إنسان قاسي القلب ...

قمت وقربت من البنات وفتحت الكبوت .....
وخليتهم يصبون دموعهم في الرديتر... [/grade]
لان ما فيه مويا ...

وانتم تعرفون هالايام حر لازم ماء الرديتر يكون فل ..
وخرتهم عن الكبوت وشغلة السياره.....
ومشيت وانا اشعر بالنصر ...ومشيت شوي الين ما وصلت المحطه علشان اعبي بنزين........

شوي الا لقيت الدبدوبه متعلقه فوق التنده وهي تقول......إما كذا ولا فلا ......

المهم نزلتها وقلت لها والله لو تحبين السما ما راح آخذ رقمك ....

قالت واللي يرحم والديك ....
خذه حتى لو ماتكلمني اهم شي اقهر خوياتي ......

قلت شوفي ....على بلاطه انا ما احب البنات
شوي الا خوياتها الثلاث وصلو مكان الحدث .....
وقاموا يترجوني اني اعطيهم وجه لو دقايق .......
وانا مصر على موقفي .....ووسط دموعهم الحارقه ....
وندمي على كسر خواطر هالبنات الضعوف .....

قررت انا المدعو

اني اعطف واتكرم عليهم واعطيهم وجه .....

وتوني باكلمهم الا احس ان شي طاح على راسي من السمـــا ...... وشهو ياتــرى ؟؟؟؟؟؟؟؟.....



الوكاد .... انها الوالده حفظها الله طاقتني بعصا المكنسه وتقول ...

يالله قـــم الحق على محل الخضره قبل لايسكر قم وخل النوم عنك
وقمت ولبست ثوبي من دون ما اغسل وجهي

رد : انا والبنات الاربع
 

[align=right][color=#000066][size=5]حلم جميل جدا
بس وش الفايده تعلمنابه هنيا
لاتزعل اخوي ولد السلام تراني صريح شوي
هالقصه مامنها اي فائده للأعضاء[/size][/color][/align]

رد : انا والبنات الاربع
 

[QUOTE=اخو شما][align=right][color=#000066][size=5]
بس وش الفايده تعلمنابه هنيا
لاتزعل اخوي ولد السلام تراني صريح شوي
هالقصه مامنها اي فائده للأعضاء[/size][/color][/align][/QUOTE]

وللفائده لك وللجميع عليك بإذكار النوم وقبل ذلك الوضوء.

رد : انا والبنات الاربع
 

[color=#990000][size=4][B][align=center]اخي ولد السلام

اتمنى ان تنتقي مواضيع اكثر فائده

يلاحض على مشاركاتك بعدم اهميتهاا

شكري وتقديري لشخصك[/align][/B][/size][/color]

رد : انا والبنات الاربع
 

اشكرك اخوي ولد السلام على هذا الموضوع .. بس مثل ما قالوا الاخوان ان الموضوع

ما منه فايده .. والافضل انك تنقله لمنتدى الطرائف ... هذا رايي الشخصي ..

وتننتظر منك مواضيع ذات اهميه اكثر من هاذي ...



اخوك
محمد بن سلطان

رد : انا والبنات الاربع
 

اخوي ولد السلام

اشكرك على الموضوع الجيد بس والله اني تحمست

الله يهدي امك لو خلتك تكمل نومتك كان اكتملت القصه

تقبل مروري