اعيش في الدنيا عزوبي على طول
 

هديه الى كل عزوبي في المنتدى المتزوجين مالهم دخل ؟ :D:D



[poet font="Simplified Arabic,4,blue,normal,normal" bkcolor="white" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
ارسلت لك ياصاحبي كم صحن فول= وابطى تميسـك ياوليفـي عليّـه

ان كان جحدانٍ فلاهـوب مقبـول = وان كنت متغلّي ونفسـك هويّـه

فنا تراني كبر خفرع واباالهـول = وطويـق والصمـان والحنثريّـه

لاكن لاشفتك اجـي مثـل بهلـول = وتروح شرهـات الليالـي عطيّـه

كنك تصبْ بقاعة القلـب محلـول = "يمشي معا دمي وتطفـي ضويّـه

راعي الهوى حظه مريضٍ ومسلول = وان فات من قومٍ وطتـه السريّـه

لو حِذْف حيدٍ من مدينةاسطنبـول = وقّع علـى راسـه وفـرّق لحيّـه

ان راح في حاله يقولون مهْبـول = ويصير علك فـي حلـوق البريّـه

وان جا يبي عرسٍ وحفلات وطبول = حطوا على راسـه ثمانيـن كيّـه

قالوا مهرنا يابن الاجـواد مدبـول = ويقدر عليه اللي عزومـه قويّـه

عطنا الدراهم والجنيهات واللـول = وعطنا الذهب كانك تحـب البنيّـه

فتح فمه من شدة العلـم ياحـول = وين الحكيم اللـي يحـل القضيّـه

مابه رصيدٍ يبـرد الكبـد ويحـول = دون السلف يوم الظروف الرديّـه

والامعـاشٍ للديايـيـن مقـبـول = والا حدٍ مات وكتـب لـه وصيّـه

لاكن من يبخصك ياناعـم الطـول = يروح قلبـه مثـل قلـب المطيّـه

ياصلك لو دونك معاصير وسيـول = ويجيك لو دونـك حدتـه المنيّـه

ابرك من اللي كل مازيّـن الحـول = يحط فـي جـوف المولّـع دريّـه

مابه مقامٍ يجبر النقـص فالـزول = والا حيـاةٍ فـي وجـوده هنـيّـه

هذا عن الامراض والهم مسؤول = والضغط والسكر وفقـد الشهيّـه

اعيش فالدنيا عزوبي على طـول = ولا يناحر لـي صبـاح وعشيّـه


[/poet]




القصيده طالت اعماركم متسلفها من واحد يعني بالعربي منقولتن نقلتن مهيب بسيطه

انشدني عن العزوبيه


والله يعطيه السلال اللي فضحبنا


ولا وش رايكم

الله يعينه يا سهم

العزوبي دايم متنكد وحالته ما يعلم فيه الا رب العالمين

ندعي لكل من هو عزوبي ان الله يزوجه ان شاء الله

وصح لسان قايلها وتسلم يمينك على نقلها

تقبل تحيات اخوك بن جراح

تسلم على القصيده الحلووووه اخوي سهم

والله العزوبيه حلوووووه وشينه في نفس الوقت ;)

تحيااااااااااتي لك

هههههههههههههههههههههههههه


الله يعين العزوبيه;)


ويازين حياتهم خل عنك
















تراني امزح الا ان شاء الله يودعون العزوبيه ويفتكون من الفول والقطاااااااااااات:D

هههههههههههههههههههههههههههههه

انت تقول ياسعد يااااااااازين العزوبيه ياسعد ;):p

بالعكس والله الا يازين الزواج:( والاستقرار :rolleyes:




مشكووووووووور اخوي سهم على المشاركه

ولك مني كل الشكر


اخوك

ابو فهد

الاخوه الاعزاء على قلبي وقلب كل مواطن سعودي عربي مسلم رافع البيرق :D

سارس
ابن جراح
المزاح
سعد بن جراش
ابو فهد

اهنئاكم من الاعماق بمناسبة العطله السعيده واقول عقبال الف سنه ان شالله ويتربى في عزكم ( عزالله حسناها)

اشكر لكم مروركم الكريم والذي يعتبر شرف لي ووسام على صدري


والعزوبيه شر لابد منه بس عسى الله يعجل بالفرج وتحرر فلسطين :D:D



اخوكم المعتصم بالله سهم

سهم يعطيك العافية على السلفة طال عمرك
والله يعافينا مما بلاك ( العزوبية)