مايشيل لك الحراب الا الحريب
 

[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
مل قلبٍ من عطب وقته عطيب=والمصايب مكّنت فيه الصواب
من تَعاقَبه العقايب مايطيب=ولايذوق الرجل عذبٍ من عذاب
لي ثمان سنين ماجالي نصيب=يانصيبٍ مابعد كمل نصاب
ماحدٍ يشره على الوقت الغريب=يوم شيب من غرايبه الغراب
انلجم من فجعة الخطب الخطيب=ومن عذاب الهم قلب الذيب ذاب
كيف اباصبر والحشا حشوه لهيب=مايطيب من اللهيب الالتهاب
انتقلت من الطفولةللمشيب=ماتمتعت بطرابات الشباب
آه لو ان الندم يمكن يثيب=كان اشق من الندم بيض الثياب
مير ياقلب العنا ضاع الذهيب=اعجزك بابٍ وراه الفين باب
المقفّي راح والمقبل بغيب=خلك لصكات وقتك ليث غاب
اقنع بما كتب والحق المصيب=قافيٍ وقتك وقافيك الذهاب
ولاتبرق في الزمن حصني وذيب=ولاتلحق وقتك التالي عتاب
ليتني عاصرت جساس وكليب=ولالفيت بوقت يعز الكلاب
عالم تضحك معك من غير طيب=كنها قصور خوى فيها الخراب
مايشيل لك الحراب الا الحريب=انتبه تخدعك غدران السراب
مايفكر في اللباب الا اللبيب=والغرير يغره غلاف الكتاب
والعرب متفاخته سرح وعزيب=آحدٍ يُسحب واحد فوق السحاب
وكان ماجا الفرق في اليوم الصعيب=كلنا صلب وترايب من تراب[/poem]


الشاعر / خالد بن عيد السهلي

رد : مايشيل لك الحراب الا الحريب
 

سلمت يمينك اخي جزل العطايا وشكرا لك على هذا النقل الرائع وصح لسان الشاعر السهلي وننتظر منك المزيد

رد : مايشيل لك الحراب الا الحريب
 

[size=5][align=center]اخي جزل العطايا وشكرا لك على هذا النقل الرائع
وصح لسان الشاعر السهلي
تقبل تحياتي[/align][/size]

رد : مايشيل لك الحراب الا الحريب
 

[QUOTE=عقيد القوم;71736][size=5][align=center]اخي جزل العطايا وشكرا لك على هذا النقل الرائع
وصح لسان الشاعر السهلي
تقبل تحياتي[/align][/size][/QUOTE]

[size=6]بيض الله وجهك[/size]

رد : مايشيل لك الحراب الا الحريب
 

صح لسان الشاعر ولاهنت ياجزل العطايا على النقل

رد : مايشيل لك الحراب الا الحريب
 

يا هلا والله ومرحب بكم ياخواني والله لا يهينكم على المرور الطيب ولا حطين القصيد الا لكم وارجو ان اكون قد وفقت في نقلها دمتم على خير ومحبه