ساعة الأسحار
 

[B]الله يبقيك ياسمارت ولاجلك والاخوه اعضاء وزوار المنتدى هذي قصيده في نفس الموضوع.
[poet font="Simplified Arabic,4,indigo,bold,normal" bkcolor="skyblue" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
اخذت القلم والبوك في ساعة الاسحار"="بدون اعباراتا بفكري طوابيري
هجوس تبلاني وسيطر على الافكـــار"="افكر واحلل مير مافاد تفكيري
افكر بهذا الوقت وش صار وش ماصــار"="زمانا يشيخ مالكين الدنانيري
زمانا حدى ذيب الغداري على عمـــار"="يجي له ويبدي له معزه وتقديري
زمانا به الطيب رفيع النسب والكـــــار "="يوقف ورى البيبان من دون تعبيري
هذا ولله الي دار سلم الـعرب وانـــــدار "="امور عسى الله يجعل اختامها خيري
تلاقي عيال البـوم هم قادة الاحــــرار "="فرضهم على ذا المجتمع دهنة السيري
فرضهم خسيس همـه الفلس والديـــــنار"="على حساب غيره كاتبا له تقاريري
ليامن رصيده كثر في البنك جاء بيطار"="يجَلَس على المركى بوسط المناعيري
يبالغ بمدحه ثم تكـتب به الاشــــــــعار "="من افواه ناس ماتسمى شعاعيري
اقـوله وانا ماعـم مجـموعة التـــــــجار "="عللى العكس فيهم طيبين او مشاهيري
عيــال الحمــايل لاقدح في الفتيـله نار "=" زحول الرجال الي تقود الطوابيري
ليا جاء الزوم اتقوم ماهمها الاسعار "=" لفعل المراجل ماتحسب المخاسيري
وانا طالبك يامجري الفلك والاقدار "=" يامخرج ولد يعقوب من جمة البيري
انك تبدل ظلمة الليل بالنهار"="وتصلح لنا كل السنين المناحيري
على شان راعي الطيب يوفي بحق الجار"="ويفزع لمن هم للمعونه نواطيري
ولاخير منها كود تكبيرة الاسحار"="ورفع اليدين المن عليه التدابيري
وصلاتي على الي مرسله عالم الاسرار"=" رسول دعى لله والحق والخيري
[/poet]


مع التحيه لجميع اعضاء المنتدى ابومترك

رد : ساعة الأسحار
 

أبا مترك

قصيدة طيبة من وجه طيب وصح لسانك ولا تقاطعنا الله يحييك

أخوك : طويق

رد : ساعة الأسحار
 

بو مترك


ما قصرت وجهك ابيض وعز الله انك صادق في هالزمان بس هذي حكمة الله وتدبيره والزمان فقط ماعون لتصرفات الناس


وهذا مشعاب دوت قصيد يحييك

رد : ساعة الأسحار
 

[ALIGN=CENTER][SIZE=6][COLOR=darkred]صح لسانك اخوي

قصيده فعلا تحكي واقع معاش

تقبل تحياتي واعجابي

ودمت على خير

اخو شما[/COLOR][/SIZE][/ALIGN]

رد : ساعة الأسحار
 

[COLOR=blue][ALIGN=CENTER]
حيااااااااك الله مره ومرتين والى مااله حد يااااااااااابو مترك


صح الله لساااااااااااانك دبل مليووووون ولاتكفي

قصيده في قمة الروووووعه والجماااااااال

مبدع لاعدمنااااااااااك يااااااااااابو مترك

ولاتكفينا منك قصيده او قصيدتين

مهما قلت مثل هالشااامخه نقول هل من مزيد


دمت ودااام ابداااعك

تقبل أجمل التحاااااااياااااااا[/ALIGN][/COLOR]

رد : ساعة الأسحار
 

الاخوه الاعزاء(طويق" مشعاب"اخوشماء"سمارت)اشكركم وتسلمون على ردودكم على (ساعة الاسحار)واتمنى من الله عز وجل ان يعينني واياكم على تقديم كل مايخدم هذا الجانب من الشعر الشعبي.
وتقبلو خالص تحياتي وتقديري

اخوكم
ابو مترك

رد : ساعة الأسحار
 

[COLOR=darkblue][SIZE=4][ALIGN=CENTER]

ابو مترك


لاهنت على القصيدة الرائعه وصح لسانك ملايييين قصيدة جزله من جزل ولا تكفينا منك هذي وبس نبي من القصائد الطيبة





اخوك البدرِ[/ALIGN][/SIZE][/COLOR]