قصيده بمناسبة زيارة الصمله اهل رماح
 

[align=center][size=4]السلام عليكم ورحمة الله وبركاته


هذي قصيده بمناسبة زيارة الصمله اهل رماح لأهل الخرمه[/size][/align]


[poem=font="Simplified Arabic,6,white,normal,normal" bkcolor="sienna" bkimage="" border="ridge,5,darkred" type=1 line=0 align=center use=ex num="0,black"]
في البدايه بالاصاله والنيابه والميانه=عن هل الخرمه محنيت البواتر والاسنه

مرحبا ياعزوتي في يوم فزعه واستعانه=يابني صامل قطين ارماح وإللي يسكننه

من ديار اللي خذيتوا بالشجاعه والفطانه=بالسيوف وبالمدرع مع ملاويت الاعنه

لاد صامل في الجنوب وفي الشمال الهم مكانه=مجدهم حتى القيامه كان قولي صاب ضنه

والا انا مانيب عارف غيب وقتي وامتحانه=مايعرفه كود منشي وسط الارحام الاجنه

مرحبا ترحيب وافي والوفاء معروف شانه=له محله فالقلوب وله عقولٍ يدركنه

مع ينابيع العيون وفايض الماء واجريانه=مرحبا ترحيب مخلص من صميم القلب كنه

طيب عود وطيب مسك وريح هيل او زعفرانه=عد همال المزون وعد نبتٍ ينبتنه

من ضمير يوم قالوا منبر اهل الشعر عانه = قم وعبر عن خواطرمهجتك عن ما تكنه

فاح فيضه بالقوافي فوحة الماء واغليانه = واحضر اللي له هواجيس المشاعر يكتبنه

لجل اوصل للجميع رسالتي والشعر امانه = والامانه تدخل الرجل الامين بروض جنه

التزاور والتراحم له وجوب وله بيانه = واصل الأرحام للرحمه حبالٍ ياصلنه

والتعارف والتكاتف والتعاضد له كيانه = صف واحد كالجبال الراسيات الشم لنه

راسيامثل الجبل محدٍ بيقدر له زعانه = الجبل وزنه ثقيل ولاش ايادٍ يهزعنه

وان تفرقناوصرنا مثل نبت الخيزرانه = كل ماهبنٍ عواصيف الهبايب يكسرنه

والتباغض والتحاسدوالنميمه والخيانه = من دمار المجتمع وأفات سوٍ يهلكنه

من شذب في عرض غايب وان حضر غثه وهانه = يستفزه بالكلام ولا يرد العوج عنه

ينعت اسمه مايقول الا فلان بن فلانه = حاسده حتى اسم ابوه اللي خلقه الله منه

لاتعدا الخط الأحمر ثم عاد الأسطوانه = لحن الفن الغريب وقال راع الطبل غنه

كل مخلوقٍ محاسب بالذي ينطق لسانه = اينعم والصمت حكمه والكلام الزين سنه

علم اللي فالخلا يشعب بعيره وارثعانه = في امورٍ ماتخصه كيف نفسه ماتحنه

وان تكلم فالمجالس قال اناعنتر زمانه = يال هذي من مصيبه والمصايب مستكنه

مثل مفهوم الخبول اللي رثاهم في ديانه = لاكلامٍ له قبول ولانفوسٍ مطمئنه

للقصيد مناسباته واعتداله واتزانه = يلعبه فذا فتيا فاهمٍ حكمه وفنه

مايقلد بالهذوروكثر هرجه واهذيانه = هاكذا واذا تكلم جاب علمه من مغنه

للحياة دروس في عز الشباب وعفوانه = واكتمال الرشد لامن اربعينه ودعنه

المهند ماتمنظرفي برقيه ولمعانه = لين يصقل باللهيب وبالمحده والسنه

واختتمها بالاصاله والنيابه والميانه=عن هل الخرمه محنيت البواتر والاسنه

مرحبا ترحيب وافي والوفاء معروف شانه=له محله فالقلوب وله عقولٍ يدركنه[/poem]

رد : قصيده بمناسبة زيارة الصمله اهل رماح
 

[align=center][size=5][color=#800080]الله الله على الإبداااع والمفردات النادره

القصيده على مستوى عالي جداً جداً ياعلي

ونتمنى منك أن تزودنا بالقصائد الجديده فنحن على شوق

لسماع جديدك صح لسانك مليون ويستاهلون الصمله وسبعين نعم

تقبل فائق التحيه والتقدير[/color][/size][/align]

رد : قصيده بمناسبة زيارة الصمله اهل رماح
 

[align=center][font=Arial Narrow][size=5][color=#000000]اولآ :مرحبا مليون ياعلي[/color]
[color=#003300]ثانيآ: بيض الله وجهك[/color]

[color=#FF0000]قصيده من اجمل ماقراته [/color]

[color=#0000CC]ومقيوله في ناسن يستاهلون[/color][/size][/font][/align]

رد : قصيده بمناسبة زيارة الصمله اهل رماح
 

[color=#0000CC][align=center][size=6][font=Comic Sans MS]الشاعر

على بن ربح

بيض الله وجهك على القصيده الجزله

ويستاهلون الصمله وسبعين نعم

تقبل فائق التحيه والتقدير[/font][/size][/align][/color]

رد : قصيده بمناسبة زيارة الصمله اهل رماح
 

[color=#993300][B][align=center]صح لسانك مليون ولا هنت[/align][/B][/color]

رد : قصيده بمناسبة زيارة الصمله اهل رماح
 

يا هلا وسهلا فيك يالغالي--علي ربح السبيعي
الله يعطيك العافية
والف شكر على هذه المشاركة القيمة ، الشعراء منذ العصور السالفة وهم يكتبون الجميل والسيئ ولكل منهم تجربته ، وأنا من وجهة نظري المتواضعة ان الشعر ليس سلعة واحدة حتى ولو اجتمع تحت مسمى واحد ، الشعر مشاعر مختلفه وله طرق عديدة وقابلة للزيادة في أي لحظة وعلى يدي أي شخص ، والشاعر الواحد حينما تنظر الى قصائدة تجدها تختلف من الجميل الى السيئ ومن الجزيل الى الهزيل ، وهلم جرى لبقية الشعراء ، وكلمة صح لسانك ، أي أعطاه الله الصحة والسلامة ، وهذه الدعوة غير محرمة على من لم يحالفة الحظ في جودة قصيدة ، فيقال صح الله لسانك والمقصود منها للأجمل مثلاً
وانا أعتقد انها اجمل للرقي من بعض النقد الناقص والذي لا يفي بجميع اغراض القصيدة فتجد الناقد ينتقد كسرا بسيط وينسى بقية الاغراض المتوفرة في القصيدة والتي قد لا تتوفر في غيرها ، والكسر في الوزن امر سهل ومن السهل على الشاعر تدراكه مع الخبرة والتجارب العديده ،وحينها يتكسر المستقبل والعزيمة في وجه الشاعر الذي كان من الاولى تشجيعة والأخذ بيدة الى الأجمل او نقد قصيدته نقدا كاملاً يكون للشاعر كالضوء الذي يضي له الطريق المظلم أمامة .

تقبل شكري واحترامي

رد : قصيده بمناسبة زيارة الصمله اهل رماح
 

[align=center][size=4]صح لسا نك مليون


شاعر كبير يا علي


تحياتي لك



..[/size][/align]

رد : قصيده بمناسبة زيارة الصمله اهل رماح
 

بيض الله وجهك على القصيده الجزله

رد : قصيده بمناسبة زيارة الصمله اهل رماح
 

[color=#006633][size=4][align=center]صح لسانك يابو عبدالله

لايستغرب هذا الابداع على شاعر متمكن مثلك

الله لايهينك طال عمرك

ومرحبابك شرفت المنتدى

تقبل احترام اخوك[/align][/size][/color]

رد : قصيده بمناسبة زيارة الصمله اهل رماح
 

صح لسان يابو عبدالله وبيض الله وجهك

قصيدة جميلة من شاعر مبدع

شرف كبير للمنتدى بأن تشارك فيه بروائعك الفريدة

نتمنى المزيد من جديد ابو عبدالله

تقبل تحياتي