وقعة بين سبيع ومطير على الماء...
 

السلام عليكم...

هذي أول مشاركة لي وارجو ان تقبلوني...

هذي سالفه بين سبيع ومطير سامعها من واحد من الجماعة

السالفه تقول:

كان حول الماء أو البير رجال من سبيع يسقون أبلهم وجاتهم قبيلة مطير يطلبون الماء وردوهم سبيع وقالوا مطير ( معنا نسوانا والحلال والوراعين عطاش ونبي نرويهم ) وردوهم سبيع ولا عطوهم شئ رجعو مطير لديرتهم وقالو ( يانموت عطش ولانموت غزا ) قالو ( نموت غزا ) وغزوهم في الديرة سبيع علشان يلهونهم بالقتال والنسوان يملون الصميل بالماء وصارت الغلبة لمطير وخذوا ابلهم وحلالهم ونسوانهم ورجعو لديرتهم .
راحوا سبيع لمطير وقالو نبي حلالنا ونسوانا قالو مطير هذي كسبناها بالغزو وحنا مانب نرجعينها بس خذو نسوانكم وتوكلوا.
رجعوا سبيع لديرتهم وكان ضمن الحلال الي خذوها مطير فرس طيبة وقام راعيها وحط قصيدة فيها معناها يرثيها ويوعد مطير بالغزو في ابيات ماهيب واضحة وفهموها شعّار مطير أن سبيع بتغزاهم وجهزو اعمارهم على انهم بيقنصون وهذي خدعة لسبيع وهم راجعين من القنص واجهتهم قبيلة سبيع ومطير قدامهم وجيش من وراهم وحاصرو سبيع وقالو وش عندكم قالو سبيع حنا نبي نغزاكم علشان عندكم فرس طيبة لنا قالو مطير خلاص العشاء عندنا الليلة ولا يصير الا كل خير راحوا سبيع للعشاء وتعشوا وخلصوا قالوا مطير تبون الفرس قالو ايه قالوا عانها في بطونكم
اثرهم تعشوا على الفرس .

وهذي السالفة لها قصائد والي عنده لا يبخل علينا علشان نتاكد من صحتها.

رد : وقعة بين سبيع ومطير على الماء...
 

هههههههههههههههههههههه


يا زين هروجك .... أكيد انك مكثر من لحم العيد



لا جبت مكان القصة ولا أسماء أهلها ولا زمانها


ولا علمتنا باللي راوي لك القصة



يعني بالأصح كلها خثاريد ودوادي ضايعة

رد : وقعة بين سبيع ومطير على الماء...
 

أقول شهر ابريل توه باقي له شهرين عشان انظم قصتك في كذبة ابريل

القصة من اولها لما اخرها كذب في كذب

ذكرتني في عراقي يقول الواحد لما يبي يكذب لازم يكون الكذبه مرتبه
هذا يسمى كذب مخربط

بس حلوه خذو حريم سبيع أقول حبل الكذب قصير

بس والله عيب أول مشاركة لك كذبه

الله يستر من الجاي اخاف تهد المنتدى علينا من الأكاذيب

رد : وقعة بين سبيع ومطير على الماء...
 

أخي المراغين

أنت من أي قبيلة ؟


ننتظر جوابك

رد : وقعة بين سبيع ومطير على الماء...
 

[center]خرابيط :whistling

كأنك تقرأ الف ليلة وليلة[/center]

رد : وقعة بين سبيع ومطير على الماء...
 

الكلام هذا غير صحيح ولايقبل ان يقال في سبيع الغلبا مثل هذا الكلام .والله اللي عزنا ما لاحد منه . اتمني من ادارته المنتدى حذف هذا الموضوع . وعدم وضع اي موضوع مستقبلاً الي بعد التاكد من صحته .

رد : وقعة بين سبيع ومطير على الماء...
 

السالفه غير صحيحه

رد : وقعة بين سبيع ومطير على الماء...
 

[size=6]يالربع عطوا سداح فرصه

كل قصه ولها مايدل على صحتها مثل :

1ـ قصيدة شاعر بالأسم ان وجد .

2ـ القرائن الموجوده مثل البير في القصه وين موقعها .

3ـ ذكر بعض الأسماء لمن شارك في القصه.

4 ـ زمن القصه .

5ـ مرجع الراوي في القصه.

ولا لو القصص بهذا الشكل مبهمه كان المحششين شيوخ وفرسان

لايشق لهم غبار وأخيرا" سامحونا على التشبيه لأن بعض البربسه نتنه.

[/size]

رد : وقعة بين سبيع ومطير على الماء...
 

وراحو سبيع هاه ولقوا مطير هاه
قل غيرها بس

رد : وقعة بين سبيع ومطير على الماء...
 

أقول لانت مرغاني ولا قالها الله .. والظاهر انك حاقد من الحاقدين اللي يحاولون ينتقصون من تاريخ سبيع

لكنهم ينفخون في جربه مشقوقه وانا عمك ويا جبل ما يهزك ريح ربعي هل الطولات وان كان مادريت عزالله ماقعدت عند رياجيل يا اللاش!!

ولا يهونون بني عمي