تسجيل صوتي بصوت الشاعر رشيد بن مساعد " لكم من لادات الزكور رفيق "
 

[align=center]اخواني في منتدى سبيع ...
كلنا نعرف الدور الكبير الذي يقوم به الاخ ابن قبان في نقاشه مع بعض المخترعين في نسب القبابنة ووذلك في مجالس الغلبا ..
وكان أخر إفترائتهم في تاريخ القبابنة ,,,,
ان البيت التاريخي الذي يقول:
فان طعتوا شوري يازعب فاردوا===معكم من الاد الزكور رفيق

لايعرفه القبابنة !!!
وانما هو اختراع من سعد بن ثلاب القباني وعبدالله الحضبي!!!!
ليزروا في تاريخ القبابنة ..

وهذين الرجلين لهم باع كبير في حفظ تاريخ القبابنة وتوثيق قصائدهم...
فكيف يظن فيهم هذا الظن السيئ!!
إذا ساء فعل المرء ساءت ظنونه *** وصدق ما يعتاده من توهم
وتعاوناً مني معه للذب عن تاريخ القبابنة ونسبهم ...
أهديه هذا المقطع الصوتي القديم
للشاعر الكبير رشيد بن مساعد القباني والذي يثبت فيه هذا البيت.. علما بان الشاعر رشيد ينسب القبابنة لحلف السهول الا ان ذلك لا يمنعه من قول الحق ان اصل القبابنة من الشماسات من الزكور من سبيع ...[/align]

[align=center]لتحميل الرابط :[/align]

[media]http://hamd1425.jeeran.com/rshaed_alkabane.WAV[/media]



ملاحظة : الموضوع منقول الكاتب الاصلي العميد


وانتظروا رواية الشاعر رشيد بن مساعد القباني " لنزحة القبابنه من رنية " ورواية سلطان ال ضويحي القباني رحمه الله من الرويضة لنزحة القبابنه من رنية ويكون منتدى ابوعمر هو المنتدى الاول الذي له السبق في نشر الروايتين .

وانا في شوق اليها من القباني الشماسي السبيعي .

رد : تسجيل صوتي بصوت الشاعر رشيد بن مساعد " لكم من لادات الزكور رفيق "
 

ههههههههههههههههه ياحليلك ضحكتني وانا اخوك
ياولد السهول قشششششششششران لاتعتضرونهم
بعدين وش لون القبابنه يصيرون سبعان ؟؟
معروف القبابنه يرجعون شماسات طيب
قبيلة الظهران وقبيلة المحلف وقبيلة البرازات مع قبيلة القبابنه كلهم عيال شماس بن سهل
ياناس ابي عقل يفكر
وشلون يصييرون القبابنه سبعان وهم شماسات؟
الحين شماس ولد سهل

القبابنه +الظهران+البرازات+المحلف<<<كلها عيال شماس بن سهل
المحيميد+الزقاعين+الصعوب+المحانيه+العبيد+المناجله << كلهم عيال شماس بن سهل
ياناس يااااااااااااااااعالم واحد يفكر بس ولا تبون تجرحون في السهول والقبابنه ههههه ياحليلك مادرينا عنك يالمهايطي داخل بنك مستعار تراسهله ادخل بسم مستعار وشككك في اصل اي قبيله مهيب صعبه

ولا تبون تكثرون سبيع على حسب السهول هههههههههههههههههههه
روووووووووح وراك بس ولا تتعرض في قبايل السهول اذا رجال قلها في وجيه السهول وناظر ردة فعلهم وش بيسوون فيكم
سبــيع حشمــناكم ولا و حشمتــونا
انتم الي بديــــــــــتو

[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
يقـول مـن يبـدع جديـد التماثيـل****مثايـل(ن) ماصاغهـا كـل قصـاد
نبـذة مثايـل مجملـة دون تفصيـل****عن لابتي وافعالهـم وقـت الاجـداد
اسهول تنزل هامـة الضـد تنزيـل***من جاء يحاربنـا نكـس ذل ماعـاد
الاد سهـل مرجحـيـن المكايـيـل****عدوهـم يـمـوت باللهم وانـكـاد
الاد سهل اتشيل صعـب المحاميـل***وفي مواجهة الاصعاب ماهم بنشـاد
من كالهم بالمد صاعـوا لـه الكيـل***واللـي يحايلهـم يحايـل وينصـاد
يروون لعطـاش السيـوف المغاليـل***وكم جودل(ن) باسبابهم لبست غرابيل
حليلها ولـى وهـي تزعـج الويـل***ومن فعلهم صـارت توجـد توجـاد
اولاد حـمـدان للكـايـد اتشـيـل****اليـا غـزوا دايـم مغازيهـم ابعـاد
حريبهـم يبشـر بقصـر التماهيـل***لو طالـت الايـام ماهـوب مـزداد
حمود بـن جلعـود مـرذ المراميـل***اليا غـزا يتلونـه اجمـوع وافـراد
واولاد بـن بـراز يـوم التصاويـل***وصلتهم مغازيهم الى حـدود بغـداد
خزيـم فعولـة تـورخ بتسجـيـل****وعرهـان لكبـود المعاديـن لهـاد
وابن سويحل بالشجاعـة كمـا قيـل***عدوه ايحـول علـى الوجـه كـداد
واولاد الظهيري للمعـادي غرابيـل***فكاكـة للـي تعـقـل بالاعـضـاد
منهم مناحـي بالكـرم كنـه السيـل****وشجاعة جليـدان فـي بـر وبـلاد
واولاد ابن قبـان لاجـت زعاجيـل****مايرهبون المـوت لـو جتهـم اوراد
ابـن شخيتـل لاغـزا يبيـد الحيـل****ومويجـد مبـدد امعادينـه ابــداد
واولاد العقيلي ريف لاهل المهازيـل***اهل الكرم في كل مصـدر وميـراد
منهم دوانيق(ن) ليا صـار تظويـل***حمـايـة للـنـزل وتـفـك الاذواد
واولاد ابن سلطـان يـوم التجاويـل***حريبهـم مايهتنـي الليـل بـرقـاد
منهم فضول(ن) يحتمـون المشاميـل***شنار مـع مطلـق فعايلهـم اوكـاد
وان قيـل منهـم للمعـادي تماليـل****اولاد ابن مرصوع للقوم حصاد
ونعم ال عبيد اهل الكـرم مجازيـل***واولاد صعب اصعاب في سنين اشداد
ربعـي زقاعيـن اكعـام المعاييـل****وقت الخطر تقدم على المـوت وراد
اولاد علي اللي على العـدل والميـل***خلويـن للصاحـب وضـر لحسـاد
من دور ابن عمهوج جيل باثر جيـل***لهـم تواريـخ قديمـات وامـجـاد
هادي نهار الضيق يجـدع مشاكيـل***بمهند بعطب بـه اجمـوع الاضـداد
زيـزوم ربعـه كاسبيـن التنافـيـل****وليا ندبهم في الوغى جولـه اجـراد
وعثفر اليا منه نطـح لـه دحاميـل***امحاربـه ينكـي ذليـل(ن) ولافـاد
قلايعه فـي الكـون قـب مشاويـل****وربعه معه في الحرب باسياف احداد
وثقل مـروي مرهفـات المصاقيـل***وذعـذاع للعـدوان بالسيـف جـلاد
وابن ثقل سلطـان ذيـب الرجاجيـل***اللـي ينـزل هامـة الخصـم لازاد
وهباش في الاكوان بان بـه افاعيـل***في غزوته يبعد وهو راعـي اشـداد
وسمران لامنه ركض يرهب الخيـل***اليا ضرب بالسيـف تـروح شـراد
وفايز ولد سمران فـارس وحلحيـل***اللي ماثنا خلف االظعن يوم الاكـواد
وحزمي يعدل سربة اعـداه تعديـل****على الرمك صوته كما صوت رعاد
وطرجم اليا لحقـوا يفـك المدابيـل***يجدع نهار الكـون شجعـان الاولاد
وضيدان ينطـح للجمـوع المقابيـل***مع االملك له دور وهو وبـن شـداد
وياما بهـا مـن طيبيـن وحلاحيـل***لـو بينعـد االهـم مالهـا اعــداد
رجالهم لو ما ملـك لـه محاصيـل***مـع الكـرم والطيـب تلقـاه ينقـاد
دهش كمل بالطيـب راع المعاميـل***يفرح به اللي جاء من البعـد هجـاد
افنى المنايح عقـب ماذبـح الحيـل***لضيةفه اللي جو على غيـر ميعـاد
وسكران ابو محزم معشي المهاشيـل***له رفة يرهـى بهـا اللبـن واقنـاد
يفرح به اللي ضاوي(ن) باخر الليـل***لاحل عنـده كنـه بوقـت الاعيـاد
وقت القسا يـوم السنيـن المحاميـل***تذكر فعايلهم علـى رؤوس الاشهـاد
اليـا تـردى كـل كابـوج وابخيـل****لضيوفهم يرهي الشحم لو غلا الـزاد
ابيوتهـم للضيـف دايـم مداهـيـل****ويلقى وقاره وافي(ن) عند الاجـواد
ومجالس يلقى بهـا الطيـب والهيـل***وضيـوف ذا يصـدر وهـذاك وراد
ذكرت بعض ارجالهـم دون تطويـل***وافعاليهـم يـوم االكاويـن واطـراد
قول (ن) ثبت ماهوب لفق الاقاويـل***فعايـل(ن) للـي تـواروا بالالحـاد
وصلاة ربـي عـد وبـل الهماليـل***على نبي فـي جميـع المـلا سـاد [/poem]

رد : تسجيل صوتي بصوت الشاعر رشيد بن مساعد " لكم من لادات الزكور رفيق "
 

ابك الحضري هذا ويش جايبه عندنا


دورو له قعود واركبوه على الشداد وخلوه يروح لهله



ابو عمر لا تنسى الرجال ترى الديار طلبت اهلها والرجال ضيف

عطوه حقة وخلوه يروح لأهله

رد : تسجيل صوتي بصوت الشاعر رشيد بن مساعد " لكم من لادات الزكور رفيق "
 

مشعاب اقول اسيادك حضر ولا بدو؟؟
جاوب علي وقلها عند اسيادك يالحضر بترفع شف وش بيسون فيك
اسيادك آل سعود
مسكين مهايطي لاعبين عليك ربعك ومعطينك اكبر من حجمك يالمقلب مسوين لك منتدى جماهيريه مشعاب الشعبيه يخفون بك يالسباك هههههههههههههههههههههههههه مخلينك مضحكه يالنكته

ههههههههههههههههههه
مسكين مسكين

ا

رد : تسجيل صوتي بصوت الشاعر رشيد بن مساعد " لكم من لادات الزكور رفيق "
 

معليش صقر مادريت انك تعصب انا سبيعي . بس عندك سجل الصوت بصوت الشاعر رشيد بن مساعد . ومثل ماقلت القبابنه من الشماسات من الزكور من سبيع متعارف عليه تعارف تام .

والشماسات ياصقر من قال انهم بنو شماس بن سهل ؟؟ عطني مصادرك صقر واعطيك مصاردي

الشماسات هم بنو شماس بن عبدالله بن هزم بن رؤيبة بن هلال بن عامر بن صعصعة في كتاب جمهرة انساب العرب لابن حزم الاندلسي و جمهر النسب للكلبي .


وعلي طاري الحشمة شف وش يقول مشرفكم كاشت مشرف المنتدى الاسلامي !!!!!

( وهل يعقل أن نتنزع فخذ كبير من قبيلة هوالقبابنة عددهم بالالاف [b]تنسبهم لشماسات عشرين رجال [/b] ؟؟؟ )

مشر ف المنتدى الاسلامي الله يخلف على القسم الاسلامي .

وخذ الخبر جديد عاجل لك جاني من شخص ثقة نقل عن مشرف في المنتديات :

[b] قبل سنه [/b] في منتدى حمران النواظر مطير دخل واحد اسمه سلطان المطيري وقام يتكلم على سبيع و يشيل عليهم وقام مشرف المنتدى اسمه ابن عباد المطيري وتعاونوا حمران النواظر على هذا سلطان المطيري الي يتكلم على سبيع الغلبا ويسبهم وكشفوه وطلع اسمه (( ســــــــــــــلطـــــــــــان الســــــــهلي ) بيض الله وجيه حمران النواظر عرفوا الحشمه صح .

وعلى فكرة يااخي صقر السهول طيب الشماسات والمشاعبة يرجعون لمن .

وش رايك في جريدة الرياض معلم متقاعد كتب اسمه فهد بن علي بن طعيس السهلي السبيعي !!! ارجع لرابط سهول لطامة العيال .

رد : تسجيل صوتي بصوت الشاعر رشيد بن مساعد " لكم من لادات الزكور رفيق "
 

لاتعلــــــــــــــــيق


لا ارد عاللي يكثر الحكي وهو نكه مستعار

صحيح انا نكي مستعار بــــس ما انسب القبايل علي كيفي

حتى ولــــو كان القبابنه سبعان مثل ما تحلم

ســــــؤال::

ليه القبابنه يقولون حنا سهول؟؟

هل هذا نقص فيكم يالسبعان؟؟

نصيحه لا تسولف هالسالفه يضحكون عليك الرجاجيل

واللي يبي يرد على هالكلام حياه بمنتديات مجالس السهول عند الرجاجيل اللي يدخلوت بأسمائهم ولا عليهم من احد

ناس فاهمه لها كتب وكلن يسمعلهم ويحترمهم

مو بزران تدخل بنكات مستعاره وتحورف بالقبايل على كيفها



فمـــــــــــــــــــان الله

رد : تسجيل صوتي بصوت الشاعر رشيد بن مساعد " لكم من لادات الزكور رفيق "
 

[align=center]أخووي sbe3y_bs_m9r83


لا حياة لمن تنادي وأنا أخوك



سبق لك أن طرحت أسأله على صقر السهول

بس ما رد عليهم ودايم اللي ما عنده دليل وحجه

يتهرب ويدخلك في موضوع ثاني


على العمووم ما قصرت يالطيب


وكثر الله من أمثالك الغيورين على نسب القبيلة الغراء ( سبيع الغلبا )


والحق واضح مثل الشمس


بس الباطل وأهل الباطل دايم يشككون ويخثرقون على غير سنع



فأن طعتوا جوابي يا زعب فاردوا ####### معكم من آلاد الزكور رفيق [/align]

رد : تسجيل صوتي بصوت الشاعر رشيد بن مساعد " لكم من لادات الزكور رفيق "
 

[QUOTE=الغضروف][align=center]أخووي sbe3y_bs_m9r83


لا حياة لمن تنادي وأنا أخوك



سبق لك أن طرحت أسأله على صقر السهول

بس ما رد عليهم ودايم اللي ما عنده دليل وحجه

يتهرب ويدخلك في موضوع ثاني


على العمووم ما قصرت يالطيب


وكثر الله من أمثالك الغيورين على نسب القبيلة الغراء ( سبيع الغلبا )


والحق واضح مثل الشمس


بس الباطل وأهل الباطل دايم يشككون ويخثرقون على غير سنع



فأن طعتوا جوابي يا زعب فاردوا ####### معكم من آلاد الزكور رفيق [/align][/QUOTE]
الشماسات هم بنو شماس بن عبدالله بن هزم بن رؤيبة بن هلال بن عامر بن صعصعة في كتاب جمهرة انساب العرب لابن حزم الاندلسي و جمهر النسب للكلبي .

بيض الله وجيهكم يابني عمر....خوالي وأفتخر بكم....
أبوسعد القويزاني القباني الشماسي السبيعي