صغير السن فوق العشر سبعه
 

انا اهوجس وفوق الخد دمعه ** وباقي الحزن من نظرة عيونه

يودعني حبيبي ما بين ربـعه ** ولو ربعه معه ما يمنعونه

صغير السن فوق العشر سبعه ** دلاله زاد من حسنه ليونه

انا ظله وهو للدرب شمعه ** تضئ القلب من نظره حنونه

بريق سوار يده فيه لمعه ** ولمعة خده المزيون دونه

عهدته صادق والصدق طبعه ** وعهدي حب ما احيا بدونه

حسين اخلاق وفنان بطبعه ** تفنن بالفنون احسن فنونه

ورمش العين للموضات صرعه ** ملامح ريم وبازي جفونه

حليم اخلاق به عزه ورفعه ** كثير منهم اللي يحسدونه

هجرني والهجر للعشق صفعه ** وسقانى السم بس لاتمسكونه

مسامح والصلاة في يوم جمعه ** واوعدوني ياهلي لاتقربونه

==================================

أتمنى أنها تعجبكم

رد : صغير السن فوق العشر سبعه
 

ياسلام قصيده رائعه اخوي سعود

صح لسانك


اخوك

ابوماجد

رد : صغير السن فوق العشر سبعه
 

صح بدنك
ولاهنت على مرورك

رد : صغير السن فوق العشر سبعه
 

انا ظله وهو للدرب شمعه ** تضئ القلب من نظره حنونه

بريق سوار يده فيه لمعه ** ولمعة خده المزيون دونه


راااااااائع ياسعود





لا ..



بل اروع


لا .. لا




بل كل الروائع أنت

رد : صغير السن فوق العشر سبعه
 

[B][size=4]تسلم ياقرناس على المرور الجميل


بل الأجمل




وتقبل تحياتي [/size][/B]