منتديات سبيع الغلباء

منتديات سبيع الغلباء (https://www.sobe3.com/vb/index.php)
-   استراحة المنتدى (https://www.sobe3.com/vb/forumdisplay.php?f=16)
-   -   سواليف مع مشعاب ( مشعاب في النيبال ) (https://www.sobe3.com/vb/showthread.php?t=31445)

مشعاب 06 - 12 - 2008 21:03

سواليف مع مشعاب ( مشعاب في النيبال )
 
[color=#6600CC][size=4]
حلقات سوالفجية يعدها ويقدمها مشعاب اخو عجراء


في مرة من المرارير كتب الله علي ان اسافر للنيبال

طبعا الربع كلهم مالهم شف يخاووني يقولون خل نروح للمغرب صيد وسعة خاطر

قلت لهم معصي

أنا عندي شغل بالنيبال و هذيك الدير مانيب رايح لها ابد

ولو تعطوني تذكرة واقامة خمس نجوم مارحت

عاد مشعاب مسوي فيها ثقيل ولاهوب راعي سوالف منيه منيه :(103):

كل ما لديت يم واحد من الربع قال ترجع بالسلامه -- يعني ما يمك الا خير

حجزت على اتحاد ابو ظبي والله مير نقلع على ذيك الطيارة الصفرا مدري ذهبيه

ونوقع في ابو ظبي

والله ماكنك الا بجده من طياره في باص في سرداب المهم طلعنا على ذيك القبه اللي كنك في بطن سلحفاه

ولها يمكن سبعه مخارج

الد يمين الد يسار الا كل انواع البشر في هالقبه باكستان فلبين هنود سواريه مصاريه

يعني امة الصمد مجتمعين وتعال تفرج


تبون اكمل لكم


خمسة ردود حلوه ونكمل :arabiyat-k:[/size][/color]

المسالم 06 - 12 - 2008 21:11

رد : سواليف مع مشعاب ( مشعاب في النيبال )
 
[color=#FF0000][B][align=center][size=5][font=Arial]

هههههههههههههههههههههههههههههههههه
الله يرجك يامشعاب وش وداك لذيك الديرة اللي مهيب
لنا ولا لأهلنا بس انت ماسمعت كلامي خل الله وياك


[/font][/size][/align][/B][/color]

مشعاب 06 - 12 - 2008 21:17

رد : سواليف مع مشعاب ( مشعاب في النيبال )
 
يؤؤؤؤ يالمسالم

ابك علي الحرام ان القاره الهنديه ما ودك تجيها

بس عاد لو تشوف المواقف اللي يدافع البلاء واجهتني كان قطعت جوازك

بس ما عليه صيّورك تروح لها

الخيّال 06 - 12 - 2008 22:06

رد : سواليف مع مشعاب ( مشعاب في النيبال )
 
هههههههههههههههههههههههههههههههههههههه

الله يعينك يمشعاب ولله مالهم لايم الي ماروحومعك


لا وبعد على طياره لونها اصفر >> صارة تكسي مهيب طياره ههههههههه

نهار 06 - 12 - 2008 22:13

رد : سواليف مع مشعاب ( مشعاب في النيبال )
 
[color=#000066][size=4][align=center][size=4][font=Arial]متابع بصمت [/font][/size][/align][/size][/color]

عوض السبيعي 07 - 12 - 2008 03:19

رد : سواليف مع مشعاب ( مشعاب في النيبال )
 
[size=5]اخوي مشعاب النيبال مرة وحدة
وشعدنك فالديار
لاتكون داعي للاسلام ثم يقلبون المسلمين هندوس
خلهم على دينهم لايغتالونك ثم يحرقون فيك البوذية [/size]

عوض السبيعي 07 - 12 - 2008 03:22

رد : سواليف مع مشعاب ( مشعاب في النيبال )
 
[align=center][size=5]وهذي المشاركة الخامسة[/size] :plain:[/align]

ماجد الشماسي 07 - 12 - 2008 13:18

رد : سواليف مع مشعاب ( مشعاب في النيبال )
 
[size=6]يالله يامشعاب كمل السالفه[/size]

نهار 08 - 12 - 2008 21:15

رد : سواليف مع مشعاب ( مشعاب في النيبال )
 
[font=Arial][align=center][size=4][font=Arial]اكمل لكم السالفة لاني انا كنت معه في الرحلة

بشرط توصل الردود لمية[/font][/size][/align][/font]

مشعاب 08 - 12 - 2008 22:35

رد : سواليف مع مشعاب ( مشعاب في النيبال )
 
[color=#6600FF][size=4]يا مرحبتين كبار

هذا أنا بكمل لعيونكم


[B][color=#FF0000]-(مشعاب في ابو طبي )-[/color][/B]
المهم يا طوال العمار يوم اني شفت هالعالم والزحمة دريت اني اكيد قدامي زحمات أعبر

وأثناء بصبصتي في الصالة الا واشوف استلام الأمتعة

قلت بس الشنطه --- الحق يا مشعاب شنطتك المسكنيه جالست لحالها تحتريك

واجيك اطامر لين وصلت سير الامتعه

الا والله هو ما عليه ناس ولا عفش

لا والله هذوليك البنتين اللي كنهم أريام الاماراتيه

قلت يا مشعاب خل البداوه وخلك رزه

مشعاب : فضلا أختي انا حاجز لكتماندو شنطتي وين استلمها

مسئولة العفش : هلا بك عطني البوردينك

مشعاب : ابك هاكياه لو تبين جوازي ما يغلى عليك

مسئولة العفش : شنطتك بتستلمها في كتماندو

مشعاب : طيب الف شكر



بعد هالمسرحية رحت للجوازات وختمت وقالوا معك 5 ساعات قبل رحلتك اللي بتروح فيها

وأجيك ازمزم اللاب توب ودي اني شحنته وافتكيت

ابص يمين يسار الا هذاك الهندي

الهندي : يبغا تكسي

مشعاب : اي بالله ابي مطعم زين وابي اشوف ابو ظبي عساها سحابة ناصر الفراعنه

الهندي : 50 درهم

مشعاب : وين سيارتك


والله مير نركب على هذيك الكراسيدا وسوالف قلت مر بي على السوق خلنا نشوف الأمراتيين

ويوم جينا السوق الا هو داج اكثره اجانب قلت يا صديق ودني لأحسن مطعم خلني ابرد كبدي

يمكن ما ألقى قدامي اكل زين


قال بوديك لمطعم ابو شقره


والله مير احاسبه واخذ النشبه اللاب توب وانزل للمطعم

الا كله مصريين اللي ياكل واللي يحاسب واللي حتى يبصبص فيك

قلت يا بيه عاوز سمك مع رز صياديه

قال طيب

قلت وعطني عصير برتقال وزبطووو

قال تمام يا عم

ثم اجلس انقنق في المتبل والخبز المصري لين جاء العشاء

وادق في النعمه قلت

الكورنيش كم يبعد

قالو 500 متر

قلت والله تمام

واجيك ماشي

واحصل كورنيش راقي جدا وفي الليل خيالي

وادقها تفكير في النيبال واسوي بعض الترتيب للعمليات الفكرية اللي ما رتبتها

المهم على الشاطي ممشى فيه ما هب ودب

رايحين جايين

جلست يمكن ساعتين

قلت يا مشعاب الحق الطياره خل عنك الشواطي

واجيك طالع واخذ تكسي بالعداد و تطلع الرجعه بثلاثين وتكسي حلو


وبصراحة اعجبتني ابو ظبي ابراج وشوارع بس اقل من المتوقع بالنسبه لي

وارجع واختم وادخل لصالة المغادرة


وعلى شانكم حلوين بكتب الحلقه القادمة بعد هذي ومجانا بدون ردود


بعدين انت يا نهار .. لا تعلم بالاشياء اللي ماذكرتها

لا تصير خثرودي وتعلم على خوبك [/size][/color]


الساعة الآن 13:25.

Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها