لا إله إلا الله ابدا بالكلامي *** وأذكر الله في كلامي واستعينه
 

بسم الله الرحمن الرحيم
اقدم لكم هذه القصيدة التي ألقيت في إجتماع قبيلة العتايقة من قبيلة بني ثور سبيع أهل الخرمة والذي تم عقده بين أفراد هذه القبيلة يوم الخميس ليلة الجمعة الموافقة 16/7/1427هـ لشاعر قبيلة العتايقة الأول عبدالرحمن بن حمود بن شريان

[poem=font="Simplified Arabic,4,white,normal,normal" bkcolor="white" bkimage="backgrounds/22.gif" border="ridge,4,firebrick" type=1 line=0 align=center use=sp num="0,black"]
لا إلـه إلا الله أبدأ بالكلامي = وأذكر الله في كلامي وأستعينه
خالق الإنسان بأحسن ما يرامي = نعبده لرضاه رغم لمشركينه
لجميع ا لحضور أهدي سلامي = عد من طافو وزارو للمدينة
في إحلال أهل الوفاء وأهل المقامي = جعل يغشاهم مع الرحمة سكينه
حفلةٍ لمة خوالي مع عمامي = مجتمعهم زين والجمعا ثمينه
العتايقة أربعه حسب الأسامي = جدنا واحد وحنا وارثينه
أنجب شريان وقعيشيش قامي = ثم بعد ثفنان مع ذاهل بعينه
نسل شيباناً عساهم للرحامي = والبقا فينا على عسره ولينه
والتكاتف بيننا حسب النظامي = كل واحد تلزم الآخر يمينه
صفنا واحد على صم العظامي = بإجتماع الشمل والأرياء سمينه
ما تفرقنا وشاويش الآثامي = والقداوه عقل وقلوب فطينه
للكبير نكن حشمه واحترامي = والصغير نعلمه ربعه ودينه
عزوة الأجرب ليا شتد الزحامي = كم عدو طاح ما سره ونينه
لا تحيزمنا بزاهيت الحزامي = والمضارب في العدو فرقة جبينه
غطرفي يابنت وارمي باللثامي = والذليل من العرب خلي جنينه
الشجاعة عز والذله حرامي = موت مستشهد ولاموت الغبينه
لاختلط عج الرمك مثل العسامي = والسلاح من الفشق جاله رطينه
يرقص الشيطان واعدانا حيامي = دون غرس صلب جدي محتمينه
مثل ما صار بطرف حوقان عامي = وغير الجوفا بنصر محققينه
من يحاربنا عيونه ما تنامي = لو غزا بالغدر حنا واصلينه
كسبنا منهم مصاغير الجهامي = وكسبهم منا تناعي والدينه
لو أعد أفعالنا قبل الإمامي = جفت الأقلام مع نسخ المكينه
والصلاة مع السلام الها ختامي = للرسول المصطفى ياتابعينه[/poem]

رد : لا إله إلا الله ابدا بالكلامي *** وأذكر الله في كلامي واستعينه
 

[size=4][align=center]
المشعل ياخوى الله يجزاك خير منهم العتايقة والله أني أعرف بني ثور واحد واحد أو تقصد أل عاتق من الغزايله
اذا كان هذا هو قصدك تراهم فخذ من بني ثور وليس قبيلة [/align][/size]

رد : لا إله إلا الله ابدا بالكلامي *** وأذكر الله في كلامي واستعينه
 

اولا :مساك الله بالخير اخوي وافي

ثانيا : العاتق هم عائلة من فخذ الغزايلة

ثالثا : العتايقة هم عيال زهير بن جراح وهم اربعة فخوذ الذواهل والثفانين والشراوين والقعاشيش
والعتايقة هم اساس بني ثور اهل الخرمة

رد : لا إله إلا الله ابدا بالكلامي *** وأذكر الله في كلامي واستعينه
 

[size=5]المشعل بيض الله وجهك وصح لسان الشاعر

ونعم وسبعة انعام في : العتايقة وفي بني ثور عموم

تقبل تحياتي[/size]

رد : لا إله إلا الله ابدا بالكلامي *** وأذكر الله في كلامي واستعينه
 

[align=center][size=4][QUOTE=المشعل;68444]اولا :مساك الله بالخير اخوي وافي

ثانيا : العاتق هم عائلة من فخذ الغزايلة

ثالثا : العتايقة هم عيال زهير بن جراح وهم اربعة فخوذ الذواهل والثفانين والشراوين والقعاشيش
والعتايقة هم اساس بني ثور اهل الخرمة[/QUOTE]

ونعم والله والف نعم ياعيال العم ولكن أنت في البداية تقول قبيلة المهم بيض الله وجهك
ومشكور على هذا القصيدة والمعذرة منك

وتقبل تحياتي [/size][/align]

رد : لا إله إلا الله ابدا بالكلامي *** وأذكر الله في كلامي واستعينه
 

عقيد القوم
النعم بحالك وشكرا لك على المرور

رد : لا إله إلا الله ابدا بالكلامي *** وأذكر الله في كلامي واستعينه
 

اخوي وافي السبيعي
النعم بحالك ومعذور وشاكر لك مرورك

رد : لا إله إلا الله ابدا بالكلامي *** وأذكر الله في كلامي واستعينه
 

: السلام عليكم ورحمة اللة وبركاتة :

جزاك اللة خيررر وبيض اللة وجهك وصح لسان قايلها ،،،،،

وعقبال مايجتممعووون السبعان ويقووول قصيدة ثانية كمان:104911238

رد : لا إله إلا الله ابدا بالكلامي *** وأذكر الله في كلامي واستعينه
 

وعليكم السلام ورحمة الله وبركاته

اخوي ابو حفص شكرا لك على المرور
وابشر بكل جديد

رد : لا إله إلا الله ابدا بالكلامي *** وأذكر الله في كلامي واستعينه
 

مشكور على القصيده الرائعه