منتديات سبيع الغلباء - لاَمالت البنت ماتنَفع عوَانيها!!!؟

[align=center]السلام عليكم ورحمة الله وبركاته

اتمنى ان تحوز على رضائكم جميعاً كما اشكر الجميع على التشجيع

ولكم خالص الشكر والتقدير[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بدعَت قاف ٍ يرج اللي يتوَحونه = ابيات شعرن ٍ عظيمه في معانيها

من هاجسن ٍ لاتهيض بيَح كنونه = للي غـدا للحياه اغلى امانيها

الجادل اللي ذهلتني نظرة عيونه = من الاوله جيت كلَي قبل ثانيها

جيته وسلمت وقلت الحال وشلونه = قالت00توَكل ونفسك لاتِعنَيها

ابعد ترى ابليس حي ٍ لاتِطيعونه = وطبع اللقافه تراها ماتِدانيها

قلت00 السموحه! وقالتلي00على هونه = كلمتك قلها إذا به شيَ يعنَيها

قلت00 الصراحه عيوني فيك مفتونه = فديت عمَرك وايدَيك اللي محنَيها

المختصر مااشوف إلا انتي مزيونه = وفيك المشاعر ارددها وأغنَيها

قالتلي00 دوَر على شرواك مجنونه = وطلب من الله يهني جِنَك وجنَيها

لكنَ تركد سؤال وعطني مظمونه = ابغى الاجابات منَك الحين ورنَيها

حضرتك شاعر تعرف الشعر وفنونه = والا أنت مثل السفينه في موانيها؟

قلت00البقى في جنابة حضرة أمونه = والشعر متخَلط ٍ ناجحَ مع نِيها

ترى الحقيقه معاني فيك مدفونه = ولاغيرك إللي بحور الشعر مضَنيها

لاصرت عندي اقول الشعر ولحونه = الدرَسعي وابَجديَه مع رِحانيها

شاعر نظم وافتل إللي مايطولونه = كنَ القصيده بنيَة ٍ لي متبَنيها

اعوم في جمَ بحر ٍ مايعومونه = وترَتج ليَه من اقصاها لدانيها

بحر ٍ غزيرٍ يعجَز إللي يطبَونه = ولانقَي إلا من الجزَله00 أنانيها!!

ابدعَه وتَبدَعه للي يردونه = ارَدف بنات الفكرَ وارَفع مبانيها!!

كلَ شيَ ولهَ ذوق وكلَ شيَ ٍ ولهَ لونه = ولاَمالت البنت ماتنَفع عوَانيها؟!!

الشعَر لا ودعَ الانفاس يعزونه = والنفس لاوِدعَت ماتفيد أذانيها ؟!!

وهذا مثلَ جدَك وجدَه يقولونه = العافيَه طيَبه يانفَس طنَيها !!

مااقول شاعر واعرف الشعر وشجونه = اقول بلَ لآ هواجيسن ٍأعانيها

ولااقول مابه من الشعار يعَلونه = اقول نفَسي في بعض الناس امنَيها

وقالت00امانه ياعالم ماتشفونه = ايَة هواجيس وايَ بحور يجَنيها!!

قالت00وقلت00البحر منك يحوَقونه = وأموَاج بحَرك يابنت الناس عانيها؟!!

قالت00لاصرت البحر ياللي تسمونه = الموج وسطَ البحر والنفس اهنيها؟!!

وقلت00 النهايه عددَ مالاحة مزونه = على اطهر الخلق تسليم ٍ ونثَنيها[/poem]

[align=center]وسلامتكم
ناصر بن مفرح[/align]