ول يالهاجس
 

يقول اجمان لعازمي
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مل قلب ليا منه تذكر وفكر = هزه الهاجس الي للعدو يندعيبه
ينخفض ضغط دمي والمزاج يتعكر = وكل طاري يجيني كن عندي مصيبه
ول يالهاجس الي فاول العمر بكر = ما صبر لين ريعان الشباب اهتنيبه
احسد الجاهل الي باب مخه مسكر = مادرى ويش مخطي وقتنا وش مصيبه
واتمنى وانا الي ماتمنيت منكر = اني الي من الهوجاس خالي نصيبه
نوب اجامل واقول المر يقفاه سكر = ونوب اقول الحياة الي كذيا صعيبه
وكيف ابرتاح واستانس والايام تمكر = وكل يوم يزل اشوف في الوقت ريبه [/poem]

ورديت عليه بهذه الابيات

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعد ما خذت بوكي والقلم صنع بركر = باتنقى المعان الطيبه بالي هيبه
ابدع القاف ياراسي من الصلب واحكر = لين تروى الضمايا من عدود عريبه
وادرجي يابنات الفكر لي كل ماذكر = لين اشوف البعيده قبل اشوف القريبه
صاحبي هذي الدنيا تبي فر مع كر = مر تلقى قراح الماء ومر سريبه
خذ في يمناك لدنيا سلاح وعسكر = القاء بالواء ماهوب مثل الكتيبه
واشرب الكيف والي يحترق عنه شكر = واعتبر من صواديف الدهر وانت ذيبه
الدهر لا عليك ولا علينا تنكر = التنكر فالاوادم شباب وشيبه [/poem]

عبد الله بن محمد البحيح

ابو محمد


لاهنت على القصيده الرائعه وصح لسانك وصح لسان الشاعر جمعان العازمي وعزالله انها من افضل القصائد اللي قد قريتها . لاتبخل علينا يابو محمد من الجواهر الثمينه ترانا مانقنع من قصيدك





اخوك البدر

صح لسان العازمي وصح لسانك يابو محمد


وترانا فاقدينك من مده فلا تبخل علينا طال عمرك واضم صوتي لصوت اخوي البدر

نبي من مصنع الدرر

العازمي و السيف

بيض الله وجيهكم كل منكم اجاز واجاد

صح لسان العازمي وصح لسانك يا السيف

ولكم خالص تحياتي وتقديري

اخوكم بن جراح

صح لسان العازمي
وصح لسانك يالسيف

بيض الله وجيهكم والله ماقصرتوا
أطربتونا الله يطربكم
ويكفينا وياكم شر الدنيا ويعين عليها

صح لسانك يا لسيف

وصح لسان العازمي


قصيدتان جميلتان رهيبتان ......الخ



لك شكري الخاص على نشر هاتين القصيدتين .


مسوى نفسي عالم لغه :)

ابو محمد

صح لسانك انت والعازمي

وقصائد من اجمل ماقريت وكلكم

من اهل الجزل

واحمد لله على اسلامه اشتقنالك

اخوك

ابن شطيط

الاخوان
لبدر

سعد بن جراش

ابو عمر

ابن جراح

حمر عين

بن شطيط

مشكورين على المرور والله لا يهينكم

والحقيقه الغيبه سببها الاختبارات اعاننا الله وياكم عليها في الدنيا والاخرة

والصراحه ان ودي اني معكم على طول لان رفقة الطيبين شرواكم ما تنمل

وتقبلوا خالص تحياتي

[ALIGN=CENTER]صح الله لسااان العاااازمي

ابيااات مختصره وكلها روووعه

وتسلم اخووي السيف

على هذا الرد الوافي والجزل

وتحياااتي لكم جميعأ[/ALIGN]

صح لسان ابو محمد

وصح لسان العازمي

والله يوفقكم لما يحب ويرضى

ومشكور يابو محمد على عربون العوده بعد الإختبارات

ولا تبخلو علينا فالقادم من الأ يام بالدرر النادره 0

واسف على التاخير

تحياتي //اخوك الواسطه