ياسبيع انا في سوقكم بايع وشاري ....... طاروق
 

ياسبيع انا في سوقكم بايع وشاري ** لي مدةٍ ما شفت لي سلعه ثمينه

يوم المحرّج عندكم حاكم وإداري ** غنيت قافٍ جاه في وقته وحينه

لاطب وسط السوق رجال تجاري === طلع له التاجر من اللي في الخزينه
جاك المحرج بالدلال وبالغواري === وعود يصفق منك يسراه بيمينه

جيت على الوعد ياالطايفي الله يحييك ;)

والله لايهينك ياحمر عين في الوقت المناسب .

سجلوني من المعجبين بهذا الطاروق راجيا ان يستمر ويسلم من كل سوء


تحياتي

اللي تزهل دون ربعه في الطوارئc ـــــ اقولها من قلب يالله لاتهينه

لوكان من شافه يقول إنه مطاري ـــــ لكن وافتني علومه من جهينه

كم خلد التاريخ من رجل بخاري === وكم صد عن غيره وهو وش كبر عينه
الناس شتى في المدينه والصحاري === والإسم واحد في الصحاري والمدينه

اللي يدقق كل ما شفته بواري ــــ اظن في قلبه على ربعي ضغينه

في وادي السبعان عقبان وحباري ــــ والطير الاخر كل ابونا خابرينه

في وادي السبعان الأسود الضواري === الكل منهم حامي حوزة عرينه
والطير الآخر في الكباري والحواري === جانا مهاجر من على ظهر السفينه

السقف ما يثبت على غير السواري ــــ وليا ضمنت الساريه فالله ضمينه

انا على نقض الحجج والفتل ضاري ـــ وإليا فتلت الحبل مانتم ناقضينه


ــــــــــــــ الاخوان اللي مرو على الموضوع:
طويق : الله يبارك فيك ويطول عمرك ......... ومبروك علىالإشراف // ولو إنها متأخره بس تستاهل .

ابو عمر : الله مير يسلمك وعساي ارقى لذوقكم الرفيع :

تحياتي لكم .

لاصار ذر إبن لأبوذر الغفاري === من يضمن إنه يهتدي مع والدينه
حجتك دردمها كذيا عند غاري === من غير لا أدله ولاحتى قرينه