منتديات سبيع الغلباء - يا معارض الماشين والقصد أذاها

[color=#FF1493][frame="2 80"]قصيدة تعبر عن نفسها وبدون
مقدمات للشاعر / ذياب بن دحيم السويدي[/frame][/color]

[poem=font="Simplified Arabic,6,black,bold,normal" bkcolor="transparent" bkimage="" border="solid,6,deeppink" type=2 line=0 align=center use=ex num="0,black"]
ذيب الهدار أرسالته من قراها=يعرف خواله لو تستر بالألقاب

كذبه على المكشوف من مبتداها=لكن وش حده يكشر بالأنياب

من مد رجله للحذيفي شكاها=إن مات من حذف الحواذيف وإن عاب

لكن خواله ليش ينفخ علاها=مرن بشاخوفه ومر ٍ بمشعاب

ما يدري إنهم قوم تقهر إعداها=لشتدت الأزمة وجات أم غصاب

وذيابه الهدار جرة إعواها=ثم طيّره من الهظب عصفور وذباب

وألا الأسود إبدارها لقبلاها=هم حصنها لا فتلوا روس الأشناب

وذيابه الهدار تقصر إخطا ها=لا قيل واصل كم على الخيل ركاب

والألقاب قبلك بسنوات أستما ها=لقبها من قيل في ما قفه خاب

يوم ٍ دلوه قام يومي إرشا ها=حتى تعرضها ثما نين جذاب

وقفت تحن المظميه ما سقاها=ولا هي غريبة قبلها سرب وأسراب

بتشيب عينه ما تحقق إمنا ها=واكبر مصيبه لا تعالج ولا طاب

لا سد ريع إزحول قوم هجاها=ولا صان نفسه عن إمحق ومغتاب

اللي يعرف البير يعرف غطا ها=حقائق يبلش بها كل مكراب

طعني وخل السا لفة في وعاها=تراك تعرفني مسلح ومعطاب

وشر البطون اللي يمزع أشواها=وسيف الشجاع اللي لشرواه لهاب

وألا أنت ساقط فالجبال وحجا ها=لين أستقرت وأصبحوا ربع وأصحاب

وقامت طيور الورق ترفع أغناها=وغض النظر عنها مشبب وشباب

وزانت وزينها إلهٍ عطا ها=الأمن والأمان وسيادة الغاب

اللي هل الهدار داخل إحماها=وكل ٍ تمتع في حماها والاشباب

يا معارض الماشين والقصد أذاها=تراك منتب شي ِ لضرس والناب

أبعد عن أبواب المشاكل تراها=تكشف حقائق من تعرض للنشاب

ويصير عرضه وقفةٍ ما قواها=لين أيتمنى أنه تحت كوم قلاب

الكذب هدم النايقة ما بناها=والصدق نور للمداغيش جذاب

وجزل البيوت اللي خصيمك قنا ها=كررتها وأضحكت معجب وعجّاب

الشعر مشكلته ضحاها ضحاها=وين العطاوي وين أبن عون وحجاب

اللي بيوت الشعر ما كرراها=ولا قالوا الوقفات عسرات وأصعاب

وش عرضك لفح السموم وغثا ها=لا أنتب وكيل آدم ولا قائد أحزاب

أنظر حدى الأمرين وأختر حداها=وما طاح من نجم السماء قدمه أهضاب[/poem]