سلط على الهاجوس ما أصعب علاجه
 

[poem=font="Simplified Arabic,4,burlywood,bold,normal" bkcolor="transparent" bkimage="backgrounds/22.gif" border="outset,4,burlywood" type=1 line=0 align=center use=ex num="0,black"]
أعرف معاني الهرج ماني خواجه = وأعرف نجوم الليل وأعرف قمرها

وأشرب قراح العد وأترك هماجه = وأعرف ضحاحة سيلها من بحرها

لكن أشوف الجو صلف(ن) عجاجه = كم نستغيث ولا يجينا مطرها

والحر أشوفه صار مثل الدجاجه = إنحت ريشه والمخالب قصرها

سلط على الهاجوس ما اصعب علاجه = لاخم عين(ن) تزايد سهرها

لاخم له مخلوق(ن) عكر مزاجه = وخلى عيونه تنغمس في نظرها

وكل ماقضى له حاجة(ن) نسي حاجه = وسيارته ماعاد ميّز نمرها

وترا الحكيم اليوم يعرف خراجه = لاشاف له غلطة(ن) كبيره سترها

ويصون نفسه عن طريق السماجه = ويرفع ماعني سمعته ويعمرها

والشخص دايم سمعته كالزجاجه = ويضيع معنى سمعته لا كسرها

يبتع ذراع الرجل ويضحك احجاجه = لا من بغى له حاجة(ن) وأقتدرها

تزيد عنده فرحته وأنبهاجه = لاصار نفسه من المعاصي قهرها

وجنب مسيره عن طريق العواجه = ولاشاف نفسه أتعصاه يهجرها

والصبر زين وعاقبته إنفراجه = لابد ماتِقبل وتكشف نحرها

يازينها لاناحرت بالغناجه = وياشينها لاقابلتك بظهرها

ياحبني لأهل الوفاء والزراجه = وأهل النفوس العاليات أخصرها

ومخافة الله نور ولّع إسراجه = ونفس(ن) تهاون فيه ما الله نصرها

[/poem]

[align=center]:::... الشاعـــر ...:::
:::.... مبارك فايز البخيت المحمدي السبيعي ....:::[/align]

رد : سلط على الهاجوس ما أصعب علاجه
 

نادر يالنادر
قصيد فيه من الحكم
مايحكم به العالم


فصح السانك وانخان لوامك

رد : سلط على الهاجوس ما أصعب علاجه
 

[color=#006666][size=4][align=center]صح السان الشاعر المتميز مبارك البخيت


ديوان القبيله ينشدني عنك طال عمرك[/align][/size][/color]

رد : سلط على الهاجوس ما أصعب علاجه
 

والشخص دايم سمعتـه كالزجاجـه
ويضيع معنـى سمعتـه لا كسرهـا
يبتع ذراع الرجل ويضحـك احجاجـه
لا من بغى له حاجـة(ن) وأقتدرهـا

_________________________

صح السانك على هذى القصيدة

مبارك البخيت تتلألأ هذى الآبيات

فى هذى الصفحه المتميزه

رد : سلط على الهاجوس ما أصعب علاجه
 

أخواني أشكركم على تفاعلكم وهذا ليس غريب منكم وانا محضوض انني بدأت اكتب في منتدى قبيلتي الذي يشرف جميع رجال القبيله الطيبين الذي هدفهم الطيب .. اشكركم جميعاً بدون تخصيص ... أخوكم مبارك فايز البخيت

رد : سلط على الهاجوس ما أصعب علاجه
 

صح لسانك يابوفايز
والقصيدة قلتها للشايب طول الله عمره واعجب بها وخلاني اعيده له مرتين
وترا شايبي يسلم عليك

رد : سلط على الهاجوس ما أصعب علاجه
 

المحمدي سلّمك الله أنت وشايبك الله يخليه لكم ويقرّ عينه بك وبأخوانك
ويطول بعمره ويحفظكم جميع ... ولك الشكر الجزيل على المرور والرد الطيب
لاخلا ولاعدم يالمحمدي وان شاء الله نطرح لكم مايحوز على أعجابكم وينال رضاكم
تقبلوا تحية اخوكم مبارك بن فايز

رد : سلط على الهاجوس ما أصعب علاجه
 

والشخص دايم سمعتـه كالزجاجـه
ويضيع معنـى سمعتـه لا كسرهـا
يبتع ذراع الرجل ويضحـك احجاجـه
لا من بغى له حاجـة(ن) وأقتدرهـا



صح لسانك يا ابو فايز قصيدة جزلة كعادتك


سعداء بوجودك بيننا فأهلا بك ومرحبا مليااااااااااااااااااار


وننتظر بقية الديوان

رد : سلط على الهاجوس ما أصعب علاجه
 

[size=5][align=center]ارحب تراحيب المطر يابو فايز

قصيده جزله من رجاااااالاً جزل

بيض الله وجهك يابو فايز

تقبل تحياتي[/align][/size]

رد : سلط على الهاجوس ما أصعب علاجه
 

صح الله ابدنك ولاعدمناك يابوعمر
لاخلا ولاعدم على المرور والرد لاطيب ياطيّب
والديوان على الله ثم على يدك تفتحه ياوجه الخير
حاولت افتح الديوان مير لازم من عند الإداره يفتحونه
وبإنتظاركم

أخوك مبارك البخيّت


صح الله ابدنك ولاعدمناك ياعقيد القوم
لاخلا ولاعدم على المرور والرد يالغالي
كل الشكر والتقدير لك

أخوك مبارك البخيّت