يقولون أبن البخيّت يحب الزين
 

[poem=font="Simplified Arabic,4,black,bold,normal" bkcolor="transparent" bkimage="backgrounds/48.gif" border="groove,4,black" type=1 line=0 align=center use=ex num="0,black"]
سلامي على اللي هرجته بالنظر والعين = كلامه معي ماغير نظره وسلهامه
يترجم لي النظره برمشه وبأحجاجين = ويعرف نوايا القلب ويفسّر أحلامه
يسل المحبه بالحشا سلّة السكين = وكنّه مركب داخل القلب وخرّامه
ليا شافني وسط العرب قال لي مسكين = وله نظرة(ن) لسخيف القلب صرّامه
وتاريخ ميلاده يقرب من العشرين = ليا من نظر لي صرت في وسط دوامه
ومعطيه ربه زين وخُلق وجمال ودين = شريف(ن) عفيف في لياليه وأيامه
من خلقته ماذكر عنه كلام(ن) شين = ولا هي من اللي بين الأسواق حوّامه
ولاناحرت لثوب مرفوع بالنهدين = ولادبرت لردفها شط من قامه
قليله كلام ولاتشكل على وجهين = ولاتنقل الجوال ترمي لك أرقامه
رزينة كلام وعقلها دايم(ن) رزين = ولاهي من اللي للمواعيد رسامه
حسينة وصوف وشكلها دايم(ن) حسين = وتصوم الثلاث البيض وللفرض قوّامه
وهاذي عندي غاليه من عرب غالين = ولو جابها حظي فلا النفس لوّامه
وهي شف بالي مع فلة(ن) دورين = بأحزم عليها الروح وأجوّد أحزامه
يقولون أبن البخيّت يحب الزين = وأنا أقول هذي شف بالي ومختامه[/poem]


::::::: الشاعر ::::::::
::::: مبارك فايز البخيّت المحمدي السبيعي ::::::

رد : يقولون أبن البخيّت يحب الزين
 

رحب ارحب ارحب
يابو فايز ولاتكفي كل الحروف
في ترحيبك فاهلا بك في المنتدى
لتنيره بما لديك وتتحفنا بنوادرك
فسر ونحن نقراء لك

رد : يقولون أبن البخيّت يحب الزين
 

[color=#CC0000][size=5][align=center]صح السانك يا مبارك


لاتنساء الديوان[/align][/size][/color]

رد : يقولون أبن البخيّت يحب الزين
 

[align=center][size=5][color=#000000]ههههههه

صح لسااانك يامبارك المحمدي

وهذي كل واحد يتمناها زين وفله دورين

نتمنى لك التوفيق والله يحقق أحلامك[/color][/size][/align]

رد : يقولون أبن البخيّت يحب الزين
 

[size=6][color=#0000FF]قصيدة رائعه جدا
من شاعر ينقاء زين المعاني
صح لسانك يابو فائز

ومرحبا بنظمامك لنا في هذا الصرح الرائع

تقبل مني فائق الود والاحترام
اخوك سعود محمد الصنادله[/color][/size]

رد : يقولون أبن البخيّت يحب الزين
 

صح لسان البخيت
والله انك شاعر
يازين الابيات وتحياتي للشاعر الرائع
ابيات فيها معنى وتدل على شاعريه رائعه

رد : يقولون أبن البخيّت يحب الزين
 

مساءكم الله بالخير جميعاً .... أشكركم على ردكم الجميل ولايستغرب الوفاء من رجال الوفاء بدون تخصيص .
وتقبلوا تحية اخوكم مبارك فايز البخيت السبيعي