منتديات سبيع الغلباء - ( القصيدة الألفية في علاج بعض المظاهر الاجتماعية )

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=0 line=1 align=center use=sp num="0,black"]
بسم الله المعبـود منشي الخيالي=الخالـق الرازق عظيـم الجـلالي
عليـة فـي كـل الأمـور اتكالي=أبـدا بذكـره قبـل هـاذي وذيـه
أبـدا بذكـر الله وأسوق النصيحة= والله يوقفنــا العلــوم المليحة
نسـوقها لأهـل الوجيـه الفليحة= في نظـم قـاف حروفنـا الأبجديـة
(الألف) أبيـن حسب عـرفي واقولي= من بعـد ما قامت هجـوسي تجولي
نصايـح لأهـل الوفـاء والعقـولي= والعـرف يعطـى للنشـاما هديـه
هديــة مــا نيــب أدور وراها= مطامـع الدنيـا كفـا الله غثاهـا
ألا رضـى اللـي مدتـه لاعطـاها= ترضـي النفوس الطاهـرات الزكية
(والبا) بـدت بعض الأمـور الغريبة= مصيبـة يـاكبـرها مـن مصيبة
شفت القريـب اليـوم يجفى قريبه= ماكـن تربطهـم علاقـة قويـه
في كـل يـوم يفزعـون الفزوعي= بيـن الاخـو وأخـوه شي يروعي
واليـا اصلحوهم ما تعـدوا أسبوعي=ألا يجـي عقـب القضـية قضيـه
(والتـاء) تـراها عنـد شـي بسيطي= والكـل منهم في القضيـة شطيطي
ما علْمـوا أن الله عليهـم محيـطي= يـدري بعلـم البينـة والخفية
من شـان شبر تراب شقرت عصاهم= وابليس فرقهـم وقطـع عـراهم
وفرحـوا عليهـم بالقطيعـة أعداهم= وكـل يشـكل دون الأخـر سريـة
(والثـاء) ثبر حظه ضعيف العزومي= اللـي علـى ربعـة يشن الهجومي
في كل يـوم له عليهـم سهومي= يرمـي بها في كـل صبـح وعشية
غـره ضحيـك السـن يوم يهرج له=اللـي يدفــة للمهـالك بدجلـة
لو ما يجيـه من الصداقـة درج له= حـد العوافـي ما توخـر مجيه
وان جاء اللزوم وكشرت بيض الأنياب = جنب صديق العافيـة واغلق الباب
ولا عاد ينشد وين ترمية الأسباب= هذا الخـوي اللي خـدع به خـويه
(والجيم) جـود في عـرى الله حبالك= هي السنـد لا ضيـق الوقـت بالك
ولا تنخـدع بالوقـت مهمـا صفالك=لا بـد مـن يـوم تجيـك المنيـة
كم مـن غريـر ضيعـه طول الامهال=نسـى الممـات ولا خطرله على بال
حتى رمـت به سـود الأيام في الجال=وصـارت حياتـه للمعاصـي ضحية
(والحـا) حياتـك لا تغـرك تـراها= في كل يـوم تـدرج بـك رحـاها
واسمك مسجـل في دفاتـر سراها=شمس الضحـى تزحف على كل فيه
مهيـب للشيبـان دون الشبابـي=كم مـن صبـي فـي جديـد الثيابي
غـارت عليـة ولحفتـه الترابـي= في حفـرة فيها العمـل هو نجيـة
(والخـا) خطـام النفس بيديـك شـده= وان حـاولت ترخيـه حذرا تهـده
كـم واحدٍ هـده وقامـت تصـده= عـن طاعـة الله والحيـاة الهنيـه
وازرا يجـاهـدها بعـد مـا تركها= ليـن حذفت بـه في خطـر معتركها
وعاش الحيـاة اللي شديـد ضنكهـا= لو تكثـر أموالـه حياتـه شقيـة
(والدال) درب الخيـر جـود مسـاره=يفـوز مـن حـط اتخاذه شعـاره
واللي سلك غيـره حياتـه خسارة=لو قيـل في دنيـاه ما شيـف زيـه
تـرى الدروب اثنيــن للسـالكيني= أمـا شمـال تصيـر ولا يمينـي
وكل يحصـل مكسبـه في الثنينـي=أمـا شقـى ولا حيــاة رضيـه
( والـذال) ذل نفوسنا في المعـاصي=يا الله منهـا نرتجيـك الخـلاصي
قــدام لا نوخـذ لهـا بالنواصـي=ونطيـح فـي نار الجحيـم اللظية
كم للمعاصـي مـن قتيـل رمـت به =في مظلمـات بحورها غيبت به
عن منهـج الطاعـة وأهلها نحت به= نحيــه يـا شينهـا مـن نحيـه
(والراء) رفيـق ما يدلك على الخيـر= جنـب طريقـة يازبـون المخاسير
واحـذر من اللي شبـه بنافـخ الكير =أهـل الردى وأهل النفوس الرديـة
تـرى جليس السـوء يدمـر جليسه=وبصحابـه الرجـال كـل يقيسـه
كم واحـد راحـت حياتـه فريسـة =لو كـان نفسـه في المخاطـر جريه
(والزا) زمـان فيه حاسـد ومحسـود= ما نتب على مجلس هل الحسد محدود
جنب وتلقى غيـرهم من هل الجود=مجـالس فيهـا العلـوم الطريـة
مجـالس اللي يكسبـون النواميس= اللي بذكـر الله نفرعنهـم ابليـس
كسابـة الطالة مهم بالمفاليس= اللـي مجالسهـم حــرام ووبيـة
(والسين) سمعك عن هل الهرج صونه=لا شفت من عرض البري ينهشونه
كـم غافـل بهروجهـم يبهتونـه=لو كان ما يسوون ماطـى حذيـه
مجـالس الغيبـة كفـىالله خطـرها= ولا كثر الله في العرب من عمرها
في المجتمـع كم من شرور نشرها= خـالف كــلام الله وسنـة نبيـه
(والشيـن) شعر مـا يخـدم العقيدة= ما ينفـع اللي منـة كثـر رصيـده
ألا علـــوم للنشــامى مفيدة= مثايلـن مـن كـل عيـب نقيـه
مايلفظ لسانـك من القـول مكتوب= وعليـك لفظك في السجلات محسوب
صف الكـلام ولا يجـي فيـه عذروب=قدامنـا الميـزان حسنـة وسيـه
(والصـاد) صـادق كل رجـل صدوقي= اللـي يحفـظ حقـوق راع الحقوقي
وان غبـت يبقى في غيابـك شفوقي=ما هـوب من حـط الصـداقة مطية
كم مـن صديـق يدعـي بالصـداقة=يجيـك وان جيتـه على غيـر فاقه
ما مـن صداقـة متخـذها دراقـه =يرجي مصالـح ويتحـرى العطيـه
(والضاء )ضميرك خلة ابيض من الشاش =ولا تنخدع باللي من الناس غشاش
ترى القلـوب الصافيـة دائـم هشاش=لاصحابهـا بيـضٍ سليمـة طويـه
والرابـح اللـي لـه ضميـر سليمي =مـا شـب بين الناس نـار الجحيمي
أقصى العـرب عنده سوات الحميمي =كل الرفاقـة فـي عيونـه سويـه
(والطا) طرات النـاس ترحـم بعضها =تـرى الحقـوق الله علينـا فرضها
ولا نلتفت للـي عهـوده نقضهـا =تكفـون يـا اهل المرجلـه والحميه
ترى التدابـر والتقاطـع ردى حـظ =وابليس بالفتنة على النـاس يركض
وده عــرانا كلبــوها تنقــظ =ونعـود بعـد الخيــر للجاهليـة
(والظا) ظفـر بالخيـر مـن طاع ربه =وان جاه ذا الوجهيـن علمـه يكبه
ولا كــل معصـار يهــزه مهبـه =نفسـه عن الهـرج الملفـق غنيـه
ماهـوب للنمـام يرخـي سموعـه =لا قـام يثلـم بالنميمـة ربوعـه
وان جـت على ربعـة هزيعة تروعه=يـوم أكثر العربـان صـارت رديه
(والعيـن) عيبك عن عيـوب المخاليق =يكفيـك لا تبـدي مع الريـع وتويق
أصلـح عيـوبك يا عشـير المطاليق =ترى التغاضـي عـن عيـوبك زريه
يا كثـرما فينا عسـى الله يروفـي=لو ننتبـه شفنا لا كـن ما نشـوفي
من القـدم للرأس فـوق الكتـوفي=يمكـن عيـوب الناس معنـا شليه
( والغين) غيـرك ما تشوفـه يشـوفه =مـن مد نصـف الكـف تملي كفوفه
ومن حـاف خلق الله لقى مـن يحوفه=لا تحسبك صاحـي والأمة غبية
في الناس مـن هـو للعذاريب طراد=وليـا نصحته مـن ردى حظه ازداد
علبـاه لا بليس العـور دائـم شداد=وعنـده على طـرد الردا مقدريه
(والفـا) فراق أهـل الردى والخساسه =اللي علـى الادنيـن فيهم نجاسة
عـز لمن يرفـع عن الهـون راسـه=والبعــد عــز للنفـوس الأبيـه
الحـر يبعـد لانفض ريشـة الحـوم=له ماكـر ما ياصلـه طايـر البوم
ما انته برفقـة هافـي الحظ ملـزوم= اللي علـى الادنيـن يـدرج لحيـه
(والقـاف) قالوا دار تغنـي عـن ديار =لا صـرت في دار بهـا كـل بوار
ما خليت ارض الله من الناس الأخيار=لأهل الوفـا والجـود باقـي بقيه
تلقى من أهل الجود من يرفع الرأس =قربـه لو أنه عنـك من نايـد الناس
أن جيـت رحـب وان تغيبت يحتاس=يشفـق على شوفـك وكفـة سخيه
( والكـاف) كم من طيـب بـار عانيـة =ولا رد رأســه للقريـب يلاحيـه
حـرك قـدم رجلـة وبعـد مراميه =لو كـان يسكـن في خبـوت خليه
أمثال شـالح يـوم شـاف المعاثير =اللي تحـوس الراي مـن دون تفكير
عـاف المقـام وقال أنا اليوم ماشير =وحـدر بزملـه يـم نجـد العذيـه
(واللام )لا تشفـق على مـن تناساك=اللي يصـد ولا يبـي يكسب رضاك
خلـه يروح ولاقسـى الـوقت ينصاك=وان جــاك دور للعلـوم العليـه
خلك علـى العليا حـريصٍ شفـوقي =واحـذر من اللي يقطعون الحقوقي
وبالطيـب لأهل الطيـب خلك سبوقي =واللـي يطيـع إبليس خلـة بغيـة
(والميـم) ما يرفى خمـال القرابات=إلا شـريف النفـس راع المـروات
وان شـاف الأدنى بين الادنين عيات=على قريبـة مـا يجـي الذيـب عيه
يغظ طرفـة عـن خمـال الرفاقـة =ولا يلتفـت لأهل العلـوم الدقاقه
ولا بـد مـن يـوم يعجـل فراقـه =وينـدم على ما فـات راع الخطية
(والنـون) نوماس الرجـال الجـزالة =احرص على العليـا وفعـل الجمالة
ولا تلتفـت للـي قصـار حبـاله =عن مـارد أهل الجـود تقصر دليه
وبذل الوفاء والجود في كل حـزه =يضـفي على راعيـة ثوب المعزه
ومن لا يجيلـه في المـواجيـب فزه =منـة العوائـد عـند أهلهـا بريـه
(والهـا) هـلاك المجتمـع ونحطاطه=لا قـل بالديـن الحنيـف ارتباطه
وأصغى لصـوت اللي دعو لاختلاطه=صارت عليـة من الدعاوي دعيه
ولياتفقنـا وجتمعنـا علـى الديـن=صرنا على كل المواجيـب حرصين
وقمنـا بحـق الله وحـق المواليـن=ولا صـار من بيـن المعارف شكيه
(والواو) وحـد خالقـك واطـرق الباب =واقبـل ترى الله يقبـل العبد لا تاب
ولا تامـن الدنـيا وصكات الانشـاب=غـارات بقعـى بينـات وخفيـه
واخلـص عملـك لخـالقك لا عملتـه =واحـذر تنـدم فـي جميـل بذلتـه
لا صـرت لله يـوم قمـت وفعلتـه =ما خيـب الله مـن عمـل لـه بنيه
(واليـا) يا ربـي رحمتـك لا لفينـا =في ساعـة تشهـد علينـا يدينـا
وأقدامنــا وجلــودنا شـاهدينا =وشفنـا الصحايـف بالخطايـا ملية
وصـلاة ربي عـد ما هلت أمطـار =وأعداد ما في النبت من عود وازهار
على النبـي المصطفـى راعـي الغار=محمــد الهــادي شفيـع البريـه[/poem]

[align=center][size=6]الشاعر / محمد بن ماضي الحقي السبيعي[/size][/align]