((يقول من هاجسه للخير ينحيبه))
 

[poem=font="Times New Roman,5,black,bold,normal" bkcolor="transparent" bkimage="backgrounds/29.gif" border="double,4,gray" type=0 line=1 align=center use=ex num="0,black"]
يقول من هاجسه للخير ينحيبه = ومشاعر الشعر طايعته قوافيها

لاصار في النصح مايبخل بترتيبه = يفتل سمان البيوت ويجتهد فيها

لا وفق الله واجابتني هناديبه = اضخر بيوته على كيفي وانقيها

لوكان نتعب على نظمه وتركيبه = من لا تعب للفوايد مايضويها

هذا وانا ودي اركز على الغيبة = هي اخطر آفة مجالسنا تعانيها

مجالس اليوم شوفوا ويش تحكيبه = الغيبة اللي كفانا الله بلاويها

كم مجلسٍ لاجلسنا فيه نوحيبه = فلان وفلان تذكر لك مساويها

واللي ما يغتاب تلقى من عذاريبه= اذنه ليا سولف المغتاب يصغيها

مجالس اليوم معظمها هذا عيبه = تحصل الغيبة اولها وتاليها

ذنبا ً عظيماً تجاهلنا عواقيبه = ماعاد ننكرعلى الغيبة وراعيها

اللي لسانه على الاعراض يوميبه = ويوصف الناس قاصيها ودانيها

يشوف عيب العرب مافتش بجيبه = ولا يحصل بنفسه مايكفيها

عز الله انها مصيبة واعظم مصيبة= ياللي تسولف بها متهاونناً فيها

تجاهل الحكم وفيها وانت تدريبه = اعظم لذنبك يا سامعها وحاكيها

فالحكم لايدخلك شكٍ ولا ريبة = اقرأ الحجرات وادبر معانيها [/poem]


[align=center] [color=#4169E1][size=5]الشاعر / إبراهيم بن سعد بن إبراهيم السبيعي[/size][/color][/align]

رد : ((يقول من هاجسه للخير ينحيبه))
 

بيض الله وجهك وقصيده جزله من شاعر بدع

رد : ((يقول من هاجسه للخير ينحيبه))
 

[align=center][color=#0000CC][size=7][font=Comic Sans MS][align=center]الله يكفينا شر الغيبه

قصيده جزله

صح لسان الشاعر وصح لسان ناقلها

تقبل تحياتي[/align][/font][/size][/color][/align]

رد : ((يقول من هاجسه للخير ينحيبه))
 

[size=5][B][font=Comic Sans MS][color=#990033][align=center]مشكور على النقل ولا قصرت[/align][/color][/font][/B][/size]

رد : ((يقول من هاجسه للخير ينحيبه))
 

[align=center][color=#0000FF][size=5]الأخوة الكرام : ( الليث ) ، ( عقيد القوم ) ، ( الفتى منصور )
شاكر لكم مشاعركم الرائعة .[/size][/color] [/align].