منتديات سبيع الغلباء - وفاء الجار للجار

[align=center][size=4]لا يخفى على الجميع قصة الشيخ مفرج السبيعي وكذلك الشيخ محمد المهادي . في ضرب أروع الأمثله للوفاء بالجار فأحبب شاعرنا / شبيب بن فهيد السبيعي أن يصيغ هذه القصة في هذه القصيدة . وينقلها للجميع [/size].[/align]

[poem=font="Simplified Arabic,6,white,normal,normal" bkcolor="coral" bkimage="" border="double,9,sienna" type=1 line=0 align=center use=ex num="0,black"]
بذكر فعولٍ تعجب اللي قراها=فوائد مثل الدرر وسط الإبحار
نوادرٍ ماكل رجل قواها=يبقى لها عبر التواريخ تذكار
قصة مفرج والمهادي نباها=عند العرب تضرب بالأمثال للجار
قال المهادي حاجتي من قضاها=ولا حض موار الطيب في واف الأشبار
يطلب هنوفٍ عالي مستواها=وأعطاه مطلوبه ولا قدم أعذار
ويوم المهادي شاف زايد إبكاها=وقالت مفرج زوج لي يابن الأحرار
أطلق سراح الحره اللي بغاها=وقال الجميل إيرد لو صار ما صار
ومشاء المهادي قال عندي جزاها=إليا حصلك من صواديف الأقدار
ويوم أضهرت سود الليالي خفاها=نصا المهادي يعرفه مركز الكار
وأعطاه بيت وذود واللي راعاها=وجميع ما يضوي على البيت للجار
وامسا ء غني إضروف وقته نساها=ومشاء يبي بيته بعد زين الأخبار
ودخل على الزوجه وللي معاها=نايم وقص الراس خوفٍ من العار
وصاحت بعال الصوت من ما دهاها=أبن المهادي ما درى فيه خطار
ورجع وقال العين يصعب إدواها=إبنك قتلته بالخطاء ويش الإبصار
قال أنت جار وسمعتك بنحماها=ودمه على قحطان ما نطلب الثار
مئة من البل ما تهيزل حداها=تاتي لبيت الشيخ مع وقت الاسفار
ونادى مفرج قال جتك بعصاها=مئة وحده كلها نقوت إبكار
ومرت ثمان سنين للي رواها=حسب الرواه من المهادي بالأشعار
وارسل رموز من فهمها نفاها=قال الرحيل أخير من فعل الأشرار
واصبح مفرج والمعالي بناها=قررعلى توضيح ما دونه إستار
ومشاء وعينه مدلهمن سماها=تنثر من العبرات والفكر محتار
وأمساء وقال الذود تبغا عشاها=ويمكن نقيم أيام من بعد الأسفار
ولاحدٍ فهم عن نيته وش مداها=وعادة هل الطولات في كتم الأسرار
ونادى عياله والخطايا رفاها=ما بين مزح ومعرفة كل غدار
قال الهنوف اللي كثيرٍ حلاها=من فيكم اللي حاول إمرار وإمرار
وثنين قالوا بنت جار انحماها=والجار له بالسلم حشمه ومقدار
والثالث اللي بالجريمة نواها=ضحابه مفرج والأخوين حضار
وأرسل براسه للمهادي أباها=أرسل به أخوله على قب الأمهار
قال المهادي دون يكشف غطاها=عطني أخوك فلان حيٍ وأنا أختار
وأرسل عياله دون يسعى وراها=قضيةٍ تبغالها رجل صبار
وقام المهادي والحمول إرتكاها=زوج عيال الجار من بعد الأخطار
ورثا مفرج في بيوت نقاها=مضمونها تنعاف من بعدة الدار
هذي أفعول أهل الوفاء من وفاها=جارٍ وفاء مع جار لو الزمن جار
زحول الرجال اللي يذري ذراها=اللي لهم بالطيب مارد ومصدار
وتمت لعل الفائده محتواها=وأرج المعذره يا بعيدين الأنظار[/poem]

[size=4][align=center]شبيب بن فهيد بن فهد السبيعي[/align][/size]